17 August 2018

ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ພ້ອມດ້ວຍ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ເຄື່ອນໄຫວຢ້ຽມຢາມ ແລະ ຕິດຕາມກ່ຽວກັບສະພາບນ້ຳຖ້ວມ ຢູ່ແຂວງຄຳມ່ວນ

06 August 2018

ທ່ານ ນາຍົກລັດຖະມົນຕີ ຢ້ຽມຢາມຜູ້ປະສົບໄພພິບັດນໍ້າຖວ້ມຢູ່ແຂວງຄໍາມ່ວນ ພ້ອມມອບເງິນຊ່ວຍເຫຼືອໃນເບື້ອງຕົ້ນ 300 ລ້ານກີບ.

06 August 2018

ປະຊາຊົນ 5 ບ້ານ ຂອງເມືອງຫີນບູນ ຍັງພົບກັບສະພາບນ້າຖ້ວມທີ່ຢູ່ອາໃສ

12 June 2018

ສະຖາບັນການເມືອງ ແລະ ການປົກຄອງແຫ່ງຊາດເຄື່ອນໄຫວທອດຖອນບົດຮຽນຢູ່ ແຂວງຄຳມ່ວນ

01 June 2018

ຄຳມ່ວນ ສະເຫຼີມສະຫຼອງວັນເດັກນ້ອຍສາກົນ ແລະ ວັນຢຸດຕິການໃຊ້ແຮງງານເດັກສາກົນ

ແຈ້ງການ

       ການສະເຫຼີມສະຫຼອງ 2 ວັນສຳຄັນດັ່ງກ່າວ ໄດ້ຈັດຂຶ້ນໃນວັນທີ 31 ພຶດສະພາ 2018 ທີ່ສະໂມສອນ 21 ມີນາ ເມືອງທ່າແຂກ ແຂວງຄຳມ່ວນ ເປັນກຽດເຂົ້າຮ່ວມມີທ່ານ ຄຳສີ ອຸດທິວົງ ຮອງເຈົ້າແຂວງໆຄຳມ່ວນ, ປະທານຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ຂັ້ນແຂວງ, ທ່ານ ນາງ ບັງອອນ ໄຊຍະສິດ ປະທານສະຫະພັນ ແມ່ຍິງແຂວງ, ມີພະນັກງານອາວຸໂສບຳນານ, ບັນດາພະແນກການ, ອົງການຈັດຕັ້ງມະຫາຊົນ ຕະຫຼອດເຖິງຜູ້ປົກຄອງເດັກ ແລະ ນ້ອງນ້ອຍເຍົາວະຊົນເຂົ້າຮ່ວມ. ທ່ານ ຄຳສີ ອຸດທິວົງ ໄດ້ຜ່ານສານຂອງພະນະທ່ານ ສອນໄຊ ສີພັນດອນ ຮອງນາຍົກລັດຖະມົນຕີ 

   

     ເນື່ອງໃນໂອກາດ ວັນເດັກສາກົນ 1 ມິຖຸນາ ແລະ ວັນຕ້ານການໃຊ້ແຮງງານເດັກສາກົນ 12 ມິຖຸນາ ເຊິ່ງສານ ໄດ້ອວຍພອນ ເຖິງເດັກນ້ອຍທຸກຄົນ ທີ່ເປັນລູກ, ເປັນຫຼານ ແລະ ເປັນອະນາຄົດຂອງຊາດ ຈົ່ງມີສຸຂະພາບເຂັ້ມແຂງ ແລະ ຕັ້ງໜ້າໃນການຝຶກຝົນຫຼໍ່ຫຼອມຕົນເອງໃຫ້ ກາຍເປັນຜູ້ໃຫຍ່ທີ່ມີຄວາມຮູ້, ຄວາມສາມາດ, ມີຄວາມຮັບຜິດຊອບ, ມີຄຸນສົມບັດສິນທຳປະຕິວັດ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ໃນອະນາຄົດ. ພ້ອມນັ້ນກໍ່ໄດ້ມີການທົບທວນຄືນການຈັດຕັ້ງປະຕິບັດ ບັນດາແນວທາງນະໂຍບາຍຂອງພັກ-ລັດ ທີ່ມີຕໍ່ເດັກນ້ອຍໃນ ສປປ ລາວ ກໍ່ຄືການກະກຽມພື້ນຖານດ້ານຊັບພະຍາກອນມະນຸດ ທັງເປັນການທົບທວນຄືນການຈັດຕັ້ງປະຕິບັດພັນທະຕໍ່ສາກົນ ແລະ ພາກພື້ນອາຊຽນໃນວຽກສິດທິເດັກນ້ອຍ, ວຽກປ້ອງກັນ ແລະ ລຶບລ້າງການໃຊ້ຄວາມຮຸນແຮງຕໍ່ເດັກ ລວມທັງການໃຊ້ແຮງງານເດັກ ເພື່ອຮັບປະກັນການຢູ່ລອດ, ການພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກນ້ອຍທຸກຄົນ ເຮັດໃຫ້

ເດັກນ້ອຍລາວບັນດາເຜົ່າໄດ້ມີໄວເດັກທີ່ເຕັມໄປດ້ວຍ ຄວາມຜາສຸກ, ຄວາມຮັກອັນອົບອຸ່ນ ແລະ ໄດ້ຮັບການເບິ່ງແຍງດູແລເອົາໃຈໃສ່ຢ່າງດີຈາກພໍ່ແມ່, ຄອບຄົວ, ຊຸມຊົນ, ສັງຄົມ ແລະ ການຈັດຕັ້ງທຸກຂັ້ນ. ໂອກາດດຽວກັນທ່ານ ນາງ ບັງອອນ ໄຊຍະສິດ ກໍ່ໄດ້ຍົກໃຫ້ເຫັນເຖິງປະຫວັດຄວາມເປັນມາຂອງ ທັງສອງ ວັນດັ່ງກ່າວ ເຊິ່ງໃນກອງປະຊຸມໂລກ ເພື່ອຄວາມເປັນຢູ່ທີ່ດີຂອງເດັກ ຄັ້ງທຳອິດ ຈັດຂຶ້ນທີ່ເຊີແນວ ປະເທດ ສະວິດເຊີແລນ ໃນວັນທີ 1 ມິຖຸນາ 1925 ໄດ້ປະກາດເອົາວັນທີ 1 ມິຖຸນາ ເປັນວັນເດັກນ້ອຍສາກົນ, ການສະເຫຼີມສະຫຼອງ ວັນເດັກນ້ອຍສາກົນ 1 ມິຖຸນາ ກໍ່ເພື່ອເປັນການໂຄສະນາເຜີຍແຜ່ ແລະ ປູກຈິດສຳນຶກໃຫ້ແກ່ພໍ່ແມ່ປະຊາຊົນ, ອົງການຈັດຕັ້ງ ມະຫາຊົນ ແລະ ອຳນາດການປົກຄອງໃຫ້ເອົາໃຈໃສ່ໃນການສົ່ງເສີມການມີສ່ວນຮ່ວມຂອງເດັກ ໃຫ້ມີການພັດທະນາຄຽງຄູ່ກັບ ຄວາມເບີກບານມ່ວນຊື່ນ ເພື່ອເສີມສ້າງໃຫ້ເດັກມີສຸຂະພາບແຂງແຮງ, ມີສະຕິປັນຍາ, ຮູ້ຮັກ ແລະ ເຄົາລົບນັບຖືຜູ້ໃຫຍ່, ພໍ່ແມ່, ຄູ-ອາຈານ, ມີຄວາມສາມັກຄີກັບໝູ່ເພື່ອນ ແລະ ກ້າສະແດງຄວາມສາມາດຂອງຕົນເອງສູ່ສັງຄົມ.

 

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307