17 August 2018

ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ພ້ອມດ້ວຍ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ເຄື່ອນໄຫວຢ້ຽມຢາມ ແລະ ຕິດຕາມກ່ຽວກັບສະພາບນ້ຳຖ້ວມ ຢູ່ແຂວງຄຳມ່ວນ

06 August 2018

ທ່ານ ນາຍົກລັດຖະມົນຕີ ຢ້ຽມຢາມຜູ້ປະສົບໄພພິບັດນໍ້າຖວ້ມຢູ່ແຂວງຄໍາມ່ວນ ພ້ອມມອບເງິນຊ່ວຍເຫຼືອໃນເບື້ອງຕົ້ນ 300 ລ້ານກີບ.

06 August 2018

ປະຊາຊົນ 5 ບ້ານ ຂອງເມືອງຫີນບູນ ຍັງພົບກັບສະພາບນ້າຖ້ວມທີ່ຢູ່ອາໃສ

12 June 2018

ສະຖາບັນການເມືອງ ແລະ ການປົກຄອງແຫ່ງຊາດເຄື່ອນໄຫວທອດຖອນບົດຮຽນຢູ່ ແຂວງຄຳມ່ວນ

01 June 2018

ຄຳມ່ວນ ສະເຫຼີມສະຫຼອງວັນເດັກນ້ອຍສາກົນ ແລະ ວັນຢຸດຕິການໃຊ້ແຮງງານເດັກສາກົນ

ແຈ້ງການ

          ວັນທີ 11 ມິຖຸນາ 2018 ສະຖາບັນການເມືອງ ແລະ ການປົກຄອງແຫ່ງຊາດ ນຳໂດຍ ທ່ານ ປອ. ດາວສະຫວັນ ເຄືອມີໄຊ ຮອງຫົວໜ້າຫ້ອງການສະຖາບັນການເມືອງ ແລະ ການປົກຄອງແຫ່ງຊາດ ພ້ອມດ້ວຍຄະນະນັກສຶກສາຊັ້ນສູງ ລະບົບເລັ່ງລັດ 5 ເດືອນ ຮຸ່ນທີ XXII ໄດ້ເຄື່ອນໄຫວທອດຖອນບົດຮຽນຢູ່ແຂວງຄຳມ່ວນ. ໃຫ້ກຽດຕ້ອນຮັບຄະນະດັ່ງກ່າວໂດຍທ່ານ ພົມມາ ພັນທະລັງສີ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງຄຳມ່ວນ, ທ່ານ ນາງ ອານົງໄຊ ສັງທອງເພັດ ອຳນວຍການໂຮງຮຽນການເມືອງ-ການປົກຄອງແຂວງ, ມີບັນດາພະແນກການອ້ອມຂ້າງແຂວງເຂົ້າຮ່ວມ.

      ທ່ານ ສີຫງວນ ອິນທິລາດ ຮອງຫົວໜ້າພະແຜນແນກການ ແລະ ການລົງທຶນແຂວງ ໄດ້ລາຍງານສະພາບແຜນພັດທະນາເສດຖະກິດ-ສັງຄົມ ປີ 2017 ຜ່ານມາ ການຂະຫຍາຍຕົວດ້ານເສດຖະກິດຢູ່ໃນລະດັບ 7,78%, ລວມຍອດຜະລິດຕະພັນ ພາຍໃນບັນລຸ 7.014 ຕື້ກີບ, ການລົງທຶນຂອງລັດລວມມີ 357 ໂຄງການ, ລວມມູນຄ່າ 123 ຕື້ກີບ. ໃນນັ້ນ ສາມາດຈັດຕັ້ງປະຕິບັດໄດ້ 333 ໂຄງການ, ມູນຄ່າ 120 ຕື້ກີບ  ຫຼື ເທົ່າກັບ 97,46% ຂອງແຜນການ, ການດຶງດູດ ນັກລົງທຶນທັງພາຍໃນ ແລະ ຕ່າງປະເທດ ໄດ້ທັງໝົດ 63 ໂຄງການ, ລວມທຶນທັງໝົດ 2.844 ຕື້ກີບ. ການຜະລິດເຂົ້າໃນປີ 2017 ສາມາດຜະລິດໄດ້ 312.386 ໂຕ່ນ ເທົ່າກັບ 81,91% ຂອງແຜນການປີ, ຜະລິດພືດເປັນສະບຽງ ອາຫານ 88.316 ໂຕ່ນ ແລະ ຜະລິດພືດເປັນສິນຄ້າປະຕິບັດໄດ້ 58.475 ໂຕ່ນ, ວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ ໂດຍຈັດຕັ້ງປະຕິບັດຕາມ 4 ເນື້ອໃນ 4 ຄາດໝາຍ ຕິດພັນກັບວຽກງານ 3 ສ້າງ. ປະຈຸບັນທົ່ວ

ແຂວງມີບ້ານພັດທະນາທັງໝົດ 430 ບ້ານ ເທົ່າກັບ 74,91%, ຄອບຄົວພັດທະນາ 71.310 ຄອບຄົວ 94,85% ຂອງຈຳນວນຄອບຄົວທັງໝົດທົ່ວແຂວງ, ບ້ານທຸກຍາກຍັງເຫຼືອ 10 ບ້ານ ເທົ່າກັບ 1,7% ແລະ ຄອບຄົວທຸກຍາກຍັງເຫຼືອ 894 ຄອບຄົວ, ມູນຄ່າການນຳເຂົ້າ ແລະ ສົ່ງອອກສິນຄ້າປະຕິບັດໄດ້ 409 ລ້ານໂດລາສະຫະລັດ, ທຽບໃສ່ແຜນການປີປະຕິບັດໄດ້ 66,49% ໃນນັ້ນການສົ່ງອອກ ສິນຄ້າ ປະຕິບັດໄດ້ 232 ລ້ານໂດລາ ເທົ່າກັບ 105% ຂອງແຜນການ, ທຽບໃສ່ປີຜ່ານມາເພີ່ມຂຶ້ນ 48,45%, ມູນຄ່າການນຳເຂົ້າສິນຄ້າ 176 ລ້ານໂດລາ ເທົ່າກັບ 44,74% ຂອງແຜນການ, ທຽບໃສ່ປີຜ່ານມາຫຼຸດລົງ 55,26%. ໂອກາດດັ່ງກ່າວ ຄະນະນັກສຶກສາ ໄດ້ປະກອບຄຳຄິດຄຳເຫັນແລກປ່ຽນບົດຮຽນທາງດ້ານການຄ້າ-ການລົງທຶນ, ວຽກງານການ ແກ້ໄຂປະກົດການຫຍໍ້ທໍ້ທີ່ຕິດພັນ ກັບວຽກງານກໍ່ສ້າງຮາກຖານການເມືອງ, ການຈັດຕັ້ງປະຕິບັດວຽກງານສ້າງບ້ານເປັນ ຫົວໜ່ວຍພັດທະນາ ແລະ ວຽກງານອື່ນໆ ຈຳນວນໜຶ່ງ. ທັງນີ້ກໍ່ເພື່ອເປັນການເກັບກຳຂໍ້ມູນຕ່າງໆທາງດ້ານພຶດຕິກຳ ເພື່ອເປັນບ່ອນອ້າງອີງ ແລະ ສົມທຽບໃສ່ກັບທິດສະດີທີ່ໄດ້ຮຽນມາ ທັງເປັນບົດຮຽນກະກຽມໃສ່ບົດລາຍງານ ແລະ ການຂຽນບົດ ປ້ອງກັນຈົບທິດສະດີ ຂອງຄະນະນັກສຶກສາດັ່ງກ່າວ.

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307