ວັນ​ທີ່ 22 ມີ​ນາ 2025 ຄະ​ນະ​ຜູ້​ແທນ​ແຂ​ວງ​ຄຳ​ມ່ວນ​ ນຳ​ໜ້າ​ໂດຍ ທ່ານ ພັອ ຄຳ​ພູ ເພັດ​ສັງ​ຄາ ຮອງ​ຫົວ​ໜ້າ ກອງ​ບັນ​ຊາ​ການ ທະ​ຫານ​ແຂວງ ພ້ອມ​ດ້ວຍ​ຄະ​ນະ ໄດ້​ອອກ​ເດີນ​ທາງໄປ​ຮ່ວມ​ພິ​ທີ ສະ​ເຫຼີມ​ສະ​ຫລອງ ວັນ​ສ້າງ​ຕັ້ງ ບ​ລີ​ສັດ​ຮ່ວມ​ມື​ສາ​ກົນ ທະ​ຫານ​ເຂດ 4 ທີ່ ນະ​ຄອນ​ວີງ ​ແຂ​ວງ​ ເງະອານ ສ​ສ ຫວຽດ​ນາມ ໄດ້​ເຂົ້າ​ພັກ​ຢູ່​ໂຮງ​ແຮມ ຢຸຍ​ເຕີ; 

    ​    ໃນ​ພິ​ທີ ທ່ານ ພັອ ດັ້ັ້ງ ດິ່ງ​ເລືອງ ປະ​ທານ​ກຸ້ມ ບໍ​ລີ​ສັດ ໄດ້​ກ່າວ​ປາ​ໃສ ຫວນ​ຄືນ​ການ​ເຄື່ອນ​ໃຫວ​ຂອງ ບ​ໍ​ລີ​ສັດ​ຕະ​ຫລອດ 30 ປີ ທີ່​ຜ່ານ​ມາຄື: ໃນຊຸມ​ປີ 1980 ປະ​ຕິ​ບັດ​ຕາມ​ມະ​ຕິ​ຕົກ​ລົງ​ກອງ​ປະ​ຊຸມ​ໃຫ​ຍ່​ຄັ້ງ​ທີ່ V ຂອງ​ພັກ​ຄອ​ມ​ມູຍ​ນິດ ຫວຽດ​ນາມ ໃນ​ສະ​ພາບ​ການ​ໃໝ່ ສືບ​ຕໍ່​ປົກ​ປັກ​ຮັກ​ສາ ແລະ ສ້າງ​ສາ​ປະ​ເທດ​ຊາດ, ວັນ​ທີ່ 23 ມີ​ນາ 1985 ຢູ່​ທີ່ ບ້ານ​ນາມ ແອງ, ເມືອງ​ນາມ​ດ່ານ

 

     ແຂວງ ເງະ​ອານ ຊື່ງ​ເປັນ ບ້ານ​ເກີດ ເມືອງນອນ​ຂອງ​ທ່ານ ປະ​ທານ ໂຮ​່ຈີ​ມີນ ຜູ້​ນຳ​ທີ່​ແສນ​ເຂົ້າ​ລົບ​ຮັກ ກຸ້ມ​ບໍ​ລີ​ສັດ​ຮ່ວມ​ມື​ສາ​ກົນ​ໄດ້​ຮັບ​ການ​ສ້າງ​ຕັ້ງ​ຂື້ນ ເຮັດ​ໜ້າ​ທີ່​ສາ​ກົນ ເອີ້ນ​ວ່າ: ກອງ​ຂຸດ​ຄົ້ນ​ໄມ້​ທະ​ຫານ​ເຂດ 4 (ເຄື່ອງ​ໝາຍ C 85) ມື​ແຫລ່ງ​ທືນ 716 ລ້ານ​ດົ່​ງ, ເຖີງປີ 2014 ກຸ້ມ​ບໍ​ລີ​ສັດ​ມີ​ທືນ​ຈົດ​ທະ​ບຽນ 570 ຕື້​ດົ່ງ, ມີ​ຊັບ​ສີນ 2.000 ກ​ວ່າ​ຕື້​ດົ່ງ, ຜົນ​ກຳ​ໄລ 93,3 ຕື້​ດົ່ງ, ລາຍ​ໄດ້​ສະ​ເລັ່ຍ​ຂອງ​ພະ​ນັກ​ງານ​ບໍ​ລີ​ສັດ 8,3 ລ້ານ​ດົ່ງ/ຄົນ/ເດືອນ; ອັນ​ທີ່​ພົ້ນ​ເດັ່ນປີ 2005 ກຸ້ມ​ບໍ​ລີ​ສັດ​ໄດ້​ເປັນ​ຊຽວ​ຊານຊ່ວຍ​ເຫຼືອພັດ​ທະ​ນາ​ກຸ້ມ​ບ້ານ​ຢູ່​ສາມ​ແຂວງ​ຂອງ​ລາວ​ຄື: ແຂວງໄຊ​ສົມ​ບູນ, ຊຽງ​ຂວາງ ແລະ ບໍ​ລີ​ຄຳ​ໄຊ, ສ້າງ​ຈຸດ​ຍຸດ​ທະ​ສາດ, ພັດ​ທະ​ນາ​ເສດ​ຖະ​ກິດ-ສັງ​ຄົມ ແລະ ການ​ປັບ​ປຸງ​ຄວາມ​ສາ​ມາດ​ໃຫ້​ຄະ​ນະ​ພັກ-ອົງ​ການ​ປົກ​ຄອງ​ບ້ານ ແລະ ກຸ້ມ​ບ້ານ, ເຮັດ​ໃຫ້​ຊາຍ​ແດນ​ລາວ-ຫວຽດ​ນາມ​ມີ​ຄວາມ​ສະ​ຫງົບ, ຄວາມ​ສາ​ມັກ​ຄີ​ລາວ​ຫວຽດ​ນາມ​ສວຍ​ສົດ​ງົດ​ງາມ, ໜັ້ນ​ຄົງ​ຄະ​ນົງ​ແກ່ນ​ຕະ​ຫລອດ​ໄປ;

  ຜ່ານ​ຂະ​ບວນ​ການແຂ່ງ​ຂັນ​ສ້າງ​ກຸ້ມ​ບໍ​ລີ​ສັດ 30 ປີ ຜ່ານ​ມາ​ໄດ້​ເກີດ​ບຸກ​ຄົນ​ດີ​ເດັ່ນ​ໃນ​ຈຳ​ນວນ​ດັ່ງ​ກ່າວ ແມ່ນ ພັອ ເລ ດິງ​ຕື່ ອາ​ດິດ ປະ​ທານ ບໍ​ລີ​ສັດໄດ້​ຮັບ​ນາມ​ມະ​ຍົດ ວິ​ລະ​ຊົນ​ແຮງ​ງານ​ຍຸກ​ສະ​ໄໜໃໝ່ ຢ່າງ​ສົມ​ກຽດ;

 

ງານ​ສະ​ເຫຼມ​ສະ​ຫລອງ ວັນ​ສ້າງ​ຕັ້ງ​ກຸ້ມ​ບໍ​ລີ​ສັດ​ຮ່ວມ​ມື​ສາ​ກົນ ຂອງ ທະ​ຫານ​ເຂດ 4 ໄດ້​ຈົບ​ລົງ ດ້ວຍ​ງານ​ລ້ຽງ​ຮັບ​ຮອງ ແລະ ລຳ​ວົງ​ສາ​ມັກ​ຄີ ​ຢູ່​ຫ້ອງ​ອາ​ຫານ​ໂຮງ​ແຮມ ຢຸຍ​ເຕີ ເວ​ລາ 12:00 ໂມງ ຂອງວັນ​ດຽວ​ກັນ​ຢ່າງ​ຈົບ​ງາມ.

 

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307