ງານພົບປະຕັ້ງຄ້າຍເຍົາວະຊົນທັນວາ ຄັ້ງທີ XII ທົ່ວແຂວງຄໍາມ່ວນ ທີ່ເມືອງໜອງບົກເປັນເຈົ້າພາບ ໄດ້ເປີດຂຶ້ນຢ່າງເປັນທາງການ ໃນວັນທີ 13-15 ກຸມພາ 2018 ນີ້, ຢູ່ທີ່ເດີ່ນໂຮງຮຽນມັດທະຍົມສຶກສາຕອນປາຍ   ໜອງບົກ ໂດຍພາຍໃຕ້ການເປັນປະທານຂອງ ທ່ານ ສິນທະສອນ ມະຫາໂຄດ ເຈົ້າເມືອງໆໜອງບົກ ເຊິ່ງເປັນກຽດເຂົ້າຮ່ວມໃນພິທີດັ່ງກ່າວຂອງ ທ່ານ ພົມມາ ພັນທະລັງສີ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ, ທ່ານ ປອ ແກ້ວອຸດອນ ບຸດສິງຂອນ ກຳມະການສູນກາງຊາວໜຸ່ມ ເລຂາຄະນະບໍລິຫານງານຊາວໜຸ່ມແຂວງ ມີບັນດາທ່ານຄະນະປະຈຳພັກເມືອງ, ເລຂາຄະນະບໍລິຫານງານຊາວໜຸ່ມ 10 ຕົວເມືອງ, ຫົວໜ້າພະແນກການອ້ອມຂ້າງແຂວງ, ເລຂາຮາກຖານ-ໜ່ວຍຊາວໜຸ່ມອ້ອມຂ້າງແຂວງ

ອ່ານຂ່າວຕໍ່

     ເມືອງໜອງບົກ ໄດ້ຮັບການ​ສ້າງຕັ້ງຂຶ້ນ​​ເມື່ອວັນ​ທີ 27 ຕຸລາ 1968, ເປັນ​ເມືອງ​ພື້ນຖານ​​ການ​ປະຕິວັດ, ເຊິ່ງ​ໄດ້​ຮັບ​ນາມມະຍົດ​ເປັນເມືອງ​ວິລະ​ຊົນ ປະຊາຊົນບັນດາ​ເຜົ່າມີມູນເຊື້ອຮັກ​ຊາດ, ມີຄວາມອົງອາດກ້າຫານຕໍ່ສູ້ບໍ່​ຍອມຈຳນົນເພື່ອພາລະກິດປະຕິວັດຂອງພັກເຮົາ. ເຫດການອັນພົ້ນເດັ່ນແມ່ນການລຸກຮື້ຂຶ້ນເດີນຂະບວນຂອງປະຊາຊົນ ເພື່ອທວງ​ເອົາສັນຕິພາບ ແລະ ຄວາມ​ເປັນ​ເອກະລາດ ​ຕະຫລອດ​ເວລາ 47 ວັນ 47 ຄືນ, ຈົນ​ໄດ້​ຮັບ​ໄຊຊະນະ​ຢ່າງ​ສະຫງ່າ​ຜ່າ​ເຜີຍ

 

 

      ທີ່ຕັ້ງ ແລະ ຂອບເຂດຊາຍແດນ: ເມືອງໜອງບົກຕັ້ງຢູ່ທິດໃຕ້ຫ່າງຈາກເທສະບານແຂວງ 35 ກມ, ທິດເໜືອຕິດກັບເມືອງທ່າແຂກ, ທິດໃຕ້ຕິດກັບເມືອງໄຊບູລີ ແຂວງສະຫວັນນະເຂດ, ທິດຕາເວັນອອກຕິດກັບເມືອງເຊບັ້ງໄຟ ແລະ ທິດຕາເວັນຕົກຕິດກັບເມືອງທາດພະນົມ (ປະເທດໄທ) ມີແມ່ນ້ຳຂອງເປັນຊາຍແດນລະຫວ່າງຊາດ, ເມືອງໜອງບົກມີ​ເນື້ອທີ​ທັງ​ໝົດ 313 ກິໂລຕາແມັດ, ໃນນັ້ນ ມີເນື້ອ​ທີ່​ການ​ຜະລິດ​ກະສິກຳ 15.851 ເຮັກຕາ, ເນື້ອ​ທີ່​ປ່າໂຄກ, ປ່າ​ສັກສິດ 8.828 ເຮັກຕາ, ບຶງ-​ໜອງທາມ 2.726 ເຮັກຕາ ແລະ ດິນ​ປະ​ເພດ​ອື່ນໆ 3.895 ເຮັກຕາ.

 

     ທົ່ວເມືອງມີລະບົບຊົນລະປະທານ 25 ແຫ່ງ, ສາມາດຕອບສະໜອງນ້ຳຫົດເນື້ອທີ່ນາໄດ້ປະມານ 5.134 ເຮັກຕາ, ແຕ່ຕົວຈິງໄດ້ປະຕິບັດໄດ້ 2.500 ເຮັກຕາ, ມາຮອດປະຈຸບັນນີ້ໄດ້ສືບຕໍ່ປັບປຸງຄອງເໝືອງມາເປັນຄອງດິນຈີ່ຫຼາຍຈຸດເພື່ອຮັບປະກັນນ້ຳໃຊ້, ໄດ້ກໍ່ສ້າງປະຕູນ້ຳ 6 ແຫ່ງ, ສ້ອມແປງປະຕູນ້ຳຕ່າງໆລຽບແຄມນ້ຳເຊບັ້ງໄຟ ແລະ ປັບປຸງກໍ່ສ້າງລະບົບຊົນລະປະທານຈຳນວນໜຶ່ງ.

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307