ທ່ານ ປອ. ທັນສະໄໝ ກົມມະສິດ ລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ ພ້ອມ ຄະນະໄດ້ເຄື່ອນໄຫວຊີ້ນຳວຽກງານຢູ່ແຂວງຄຳມ່ວນ ໃນວັນທີ 16 ຕຸລາ 2017 ທີ່ຫ້ອງວ່າການປົກຄອງແຂວງຄຳມ່ວນ. ເຊິ່ງທ່ານ ໄທຍະພອນ ສິງທອງ ຫົວໜ້າພະແນກ ປທສ ແຂວງໄດ້ລາຍງານກ່ຽວກັບສະພາບການຈັດຕັ້ງປະຕິບັດວຽກງານ ປທສ ພາຍໃນແຂວງວ່າ: ພາຍໃນແຂວງມີຜູ້ໃຫ້ບໍລິການໄປສະນີຈຳນວນ 2 ບໍລິສັດ ແລະ ຜູ້ໃຫ້ບໍລິການດ້ານໂທລະຄົມ ມະນາຄົມ ແລະ ການສື່ສານ ຈຳນວນ 6 ບໍລິສັດ, ນອກນີ້ຍັງມີລະບົບສາຍກາບໃຍແກ້ວນຳແສງ ລວມທັງໝົດ 4.659 ກິໂລແມັດ ສາມາກວມໄດ້ 10 ຕົວເມືອງໃນທົ່ວແຂວງ,

ມີຜູ້ນຳໃຊ້ໂທລະສັບທັງໝົດ 322.713 ເລກໝາຍ ໃນນັ້ນມີເບີ ໂທລະສັບຕັ້ງໂຕະແບບມີສາຍ ແລະ ບໍ່ມີສາຍ 68 ພັນກວ່າເລກໝາຍ, ໂທລະສັບມືຖືແບບເຕີມເງິນ 165.437 ເລກໝາຍ, ແບບເບີລາຍເດືອນ 7.897 ເລກໝາຍ ແລະ ຜູ້ໃຊ້ມືຖືລະບົບ 3G  ແລະ 4G ຈຳນວນ 80 ພັນກວ່າເລກໝາຍ, ສະເລ່ຍໃສ່ປະຊາກອນໃນທົ່ວແຂວງເທົ່າກັບ 80 ເລກໝາຍຕໍ່ປະຊາກອນ 100 ຄົນ, ການບໍລິການສັນຍານໂທລະສັບ ສາມາດຄວບຄຸມກວມເອົາ 82% ຂອງຈຳນວນບ້ານທັງໝົດໃນທົ່ວແຂວງ. ຜ່ານການຮັບຟັງການລາຍງານການເຄື່ອນໄຫວ ຂອງຫົວໜ້າພະແນກ

ປທສ ແຂວງ ເຫັນໄດ້ວ່າ ແຂວງຄຳມ່ວນແມ່ນສາມາດຍາດໄດ້ຜົນງານຫຼາຍດ້ານ ພ້ອມນັ້ນທ່ານ ປອ. ທັນສະໄໝ ກົມມະສິດ ກໍ່ໄດ້ໃຫ້ທິດຊີ້ນຳຕໍ່ຄະນະນຳຂອງພະແນກ ເປັນຕົ້ນແມ່ນການເພີ່ມທະວີວຽກງານສຶກສາອົບ ຮົມທາງດ້ານການເມືອງ-ແນວ ຄິດ ຖືເອົາວຽກງານດັ່ງກ່າວເປັນໜ້າທີ່ຄວາມຮັບຜິດຊອບຂອງຄະນະນຳ, ສະມາຊິກພັກ ແລະ ພະນັກງານໝົດທຸກຄົນ, ປັບປຸງກົງຈັກການຈັດຕັ້ງ, ມີການແບ່ງໜ້າທີ່, ຄວາມຮັບຜິດຊອບໃຫ້ແຕ່ລະສະຫາຍຢ່າງລະອຽດ ບົນພື້ນຖານໃຫ້ສອດຄ່ອງກັບໜ້າທີ່ວິຊາສະເພາະຂອງຕົນ, ເພີ່ມທະວີການຄຸ້ມຄອງມະຫາພາກໃຫ້ນັບມື້ນັບສູງດ້ວຍການ ນຳພາຈັດຕັ້ງປະຕິບັດນິຕິກຳຕ່າງໆ ໃນຂະແໜງການໄປສະນີ, ໂທລະຄົມມະນາຄົມ ແລະ ການສື່ສານ, ຊຸກຍູ້ບັນດາຫົວໜ່ວຍບໍລິສັດ ລັດວິສາຫະກິດດ້ານໄປສະນີ, ໂທລະຄົມມະນາຄົມ ແລະ ການສື່ສານພາຍໃນແຂວງຂະຫຍາຍເຄືອຂ່າຍການບໍລິການໄດ້ຢ່າງທົ່ວເຖິງ.

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307