ພິທີເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ ຂອງຮາກຖານພັກພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຄຳມ່ວນ ໄດ້ຈັດຂຶ້ນ ໃນວັນທີ 7 ມິຖຸນາ 2018 ໂດຍການເປັນປະທານຂອງ ສະຫາຍ ຂັນຕີ ໂພທິນ ກຳມະການພັກແຂວງ, ເລຂາຄະນະພັກຮາກຖານ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຄຳມ່ວນ, ມີຄະນະພັກຮາກຖານ, ເລຂາໜ່ວຍພັກອ້ອມຂ້າງ, ຕະຫຼອດຮອດສະມາຊິກພັກພາຍໃນຮາກຖານດັ່ງກ່າວເຂົ້າຮ່ວມ. ໂດຍປະຕິບັດຕາມຂໍ້ຕົກລົງຂອງຄະນະປະຈຳພັກແຂວງຄຳມ່ວນ 

ວ່າດ້ວຍການອະນຸມັດ ເລື່ອນສະມາຊິກພັກສຳຮອງ ຂຶ້ນເປັນສະມາຊິກພັກສົມບູນ ຂອງພັກປະຊາຊົນປະຕິວັດລາວ ເຊິ່ງໄດ້ອະນຸມັດ ສະຫາຍ ສອນເພັດ ນວນມະນີ, ສະຫາຍ ນາງ ມະນີວັນ ນາມວົງ, ສະຫາຍ ນາງ ຕ່າຍ ບົງສຸວັນດີ ສະມາຊິກພັກສຳຮອງ ສັງກັດຢູ່ໜ່ວຍພັກຖະແຫຼງຂ່າວ, ສະຫາຍ ນາງ ວິລະກອນ ລັດຖະຈັກ ສະມາຊິກພັກ ສຳຮອງໜ່ວຍພັກບໍລິຫານ, ສະຫາຍ ນາງ ບຸນທະຫວາຍ ດຳລືຊາ ແລະ ສະຫາຍ ນາງ ໃບວີ ປັນຍາວິຈິດ ສະມາຊິກພັກສຳຮອງ ໜ່ວຍພັກທ່ອງທ່ຽວ ແລະ ໂຮງພິມ ເລື່ອນຂຶ້ນເປັນສະມາຊິກພັກສົມບູນ. ໃນໂອກາດດັ່ງກ່າວ ສະຫາຍ ຂັນຕີ ໂພທິນ ກໍ່ໄດ້ເປັນກຽດມອບໃບຢັ້ງຢືນໃຫ້ທັງ 6 ສະຫາຍ ຂຶ້ນກັບຮາກຖານພັກພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ. ພ້ອມນັ້ນສະຫາຍກໍ່ໄດ້ໃຫ້ກຽດກ່າວມີຄໍາເຫັນໂອ້ລົມເຊິ່ງ ໄດ້ຮຽກຮ້ອງມາຍັງສະຫາຍສະມາຊິກພັກສົມບູນທັງໝົດ ຈົ່ງພ້ອມກັນເອົາໃຈໃສ່ຈັດຕັ້ງປະຕິບັດຂໍ້ກຳນົດ,

ກົດລະບຽບຂອງພັກວາງອອກຢ່າງເຂັ້ມງວດ ໂດຍສະເພາະແມ່ນບັນດາສະມາຊິກພັກໃໝ່ ຈົ່ງພ້ອມກັນເອົາໃຈໃສ່ປະຕິບັດລະບຽບຂອງພັກ, ສືບຕໍ່ສຶກສາອົບຮົມ ວຽກງານການເມືອງ-ແນວຄິດ ແລະ ເປັນແບບຢ່າງທີ່ດີໃຫ້ແກ່ມະຫາຊົນ.

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307