ວັນທີ 3 ພຶດສະພາ 2018 ທີ່ຜ່ານມານີ້ ຄະນະບໍລິຫານງານຊາວໜຸ່ມແຂວງຄຳມ່ວນ ຮ່ວມກັບຂະບວນຄາລາວານສູນກາງຊາວໜຸ່ມ ປະຊາຊົນ ປະຕິວັດລາວ ໄດ້ຈັດຕັ້ງຂະບວນການບໍລິຈາກເລືອດ ຢູ່ທີ່ສະໂມສອນຂອງວິທະຍາໄລເຕັກນິກ-ວິຊາຊີບແຂວງຄຳມ່ວນ ໂດຍການເປັນກຽດເຂົ້າຮ່ວມຂອງ ທ່ານ ແສງທອງ ພະຄຸນທອງ ຄະນະປະຈຳພັກແຂວງ ປະທານແນວລາວສ້າງຊາດແຂວງ ຜູ້ຊີ້ນຳວຽກງານອົງການຈັດຕັ້ງມະຫາຊົນແຂວງຄຳມ່ວນ; ທ່ານ ນວນ ທອງ ສຸວັນວິໄຊ ຫົວໜ້າຫ້ອງການສູນກາງຊາວໜຸ່ມ ປະຊາຊົນ ປະຕິວັດລາວ; ທ່ານ ປອ ແກ້ວອຸດອນ ບຸດສິງຂອນ ກໍາມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງມີບັນດາທ່ານຄະນະຊາວໜຸ່ມຈາກ 4 ກະຊວງທີ່ເຂົ້າຮ່ວມໃນຂະບວນຄາລາວານ,

ແຂກຖືກເຊີນຈາກພາກສ່ວນຕ່າງໆ, ຄະນະຮາກຖານຊາວໜຸ່ມ ແລະ ສະມາຊິກຊາວໜຸ່ມໃນວິທະຍາໄລເຕັກນິກວິຊາຊີບເຂົ້າຮ່ວມທັງໝົດ207ຄົນ,ໃນນັ້ນມີສະມາຊິກຊາວໜຸ່ມເຂົ້າຮ່ວມກວດສຸຂະພາບຈຳນວນ 33 ສະຫາຍ ແລະ ຜ່ານການກວດສຸຂະພາບມີຜູ້ສາມາດບໍລິຈາກເລືອດໄດ້ 27 ຄົນ ເປັນຈຳນວນ 27 ຖົງ.

       ໃນວັນດຽວກັນຂະບວນຄາລາວານ ຂອງສູນກາງຊາວໜຸ່ມ ປະຊາຊົນ ປະຕິວັດລາວ ໄດ້ເດີນທາງໄປມອບເຄື່ອງຊ່ວຍເຫຼືອໃຫ້ແກ່ໂຮງຮຽນປະຖົມບ້ານໜອງບອນ ເມືອງເຊບັ້ງໄຟ ເຂົ້າຮ່ວມໃນກິດຈະກຳດັ່ງກ່າວມີ ທ່ານ ນວນ ທອງ ສຸວັນວິໄຊ ຫົວໜ້າຫ້ອງການສູນກາງຊາວໜຸ່ມ ປະຊາຊົນ ປະຕິວັດລາວ, ທ່ານ ນາງ ວົງພະຈັນ ສີບຸນເຮືອງ ຮອງເລຂາຄະນະບໍລິຫານງານຊາວໜຸ່ມແຂວງ, ບັນດາທ່ານຄະນະບໍລິຫານງານຊາວໜຸ່ມກະຊວງຕ່າງໆທີ່ເຂົ້າຮ່ວມໃນຂະບວນຄາລາວານ, ມີຄະນະພັກເມືອງ, ອຳນາດການປົກຄອງພາຍໃນບ້ານ, ພະນັກງານຄູອາຈານ ຕະຫຼອດຮອດ ນ້ອງນ້ອຍນັກຮຽນເຂົ້າຮ່ວມຢ່າງພ້ອມພຽງ. ສຳລັບເຄື່ອງທີ່ນຳໄປມອບປະກອບມີ: ສີທາໂຮງຮຽນ, ອຸປະກອນທາສີ, ເຄື່ອງນຸ່ງຫົ່ມຈຳນວນໜຶ່ງລວມເປັນມູນຄ່າທັງໝົດ ຈຳນວນ 8.485.000 ກີບ.

 

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307