ກອງປະຊຸມຝຶກອົບຮົມວຽກງານຊາວໜຸ່ມ-ເຍົາວະຊົນທົ່ວແຂວງຄຳມ່ວນ ໄດ້ເປີດຂຶ້ນຢ່າງເປັນທາງການ ໃນລະຫວ່າງວັນທີ 10-11 ພຶດສະພາ 2018 ຜ່ານມານີ້, ຢູ່ທີ່ຫ້ອງປະຊຸມສູນພັດທະນາຊາວໜຸ່ມ-ເຍົາວະຊົນແຂວງ ໂດຍພາຍໃຕ້ການເປັນປະທານຂອງ ທ່ານ ປອ ແກ້ວອຸດອນ ບຸດສິງຂອນ ກຳມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງ ມີບັນດາທ່ານໃນຄະນະປະຈຳ ຄະນະບໍລິຫານງານຊາວໜຸ່ມແຂວງ, ຫົວໜ້າຂະແໜງ-ຮອງຂະແໜງ ພາຍໃນຫ້ອງການຊາວໜຸ່ມແຂວງ ພ້ອມດ້ວຍຕາງໜ້າພະນັກງານຊາວໜຸ່ມຈາກ 10 ຕົວເມືອງ ເຂົ້າຮ່ວມ 32 ສະຫາຍ, ຍິງ 13 ສະຫາຍ. ຈຸດປະສົງໃນການເປີດຊຸດຝຶກອົບຮົມຄັ້ງນີ້ ເພື່ອເປັນການປັບປຸງ, ຍົກສູງບົດບາດການຊີ້ນຳໆພາ ຂອງຄະນະຊາວໜຸ່ມ

ຂັ້ນເມືອງຕໍ່ກັບວຽກງານຊາວໜຸ່ມ-ເຍົາວະຊົນທົ່ວເມືອງ ກໍ່ຄືບັນດາໜ້າວຽກງານຕ່າງໆຢູ່ຂັ້ນເມືອງໃຫ້ສູງຂຶ້ນ ແລະ ເພື່ອເປັນການແລກປ່ຽນ ຖອດຖອນບົດຮຽນເຊິ່ງກັນ ແລະ ກັນ ລະຫວ່າງການຈັດຕັ້ງຊາວໜຸ່ມຂັ້ນແຂວງ ກັບ ການຈັດຕັ້ງຊາວໜຸ່ມຂັ້ນເມືອງ ໃນການເຄື່ອນໄຫວວຽກງານຊາວໜຸ່ມ-ເຍົາວະຊົນ ແນ່ໃສ່ປັບປຸງການຈັດຕັ້ງແບບແຜນວິທີເຮັດວຽກ ໃຫ້ມີປະສິດທິພາບ ແລະ ປະສິດທິຜົນ. ຈາກນັ້ນ, ບັນດາຄູຝຶກຈາກຊາວໜຸ່ມແຂວງ ກໍ່ໄດ້ຂຶ້ນຜ່ານບົດຮຽນນໍາສະເໜີກ່ຽວກັບບັນດາໜ້າວຽກທີ່ກ່ຽວພັນກັບບັນດາຂະແໜງ, ໜ່ວຍງານຕ່າງໆ ເພື່ອໃຫ້ມີຄວາມຮັບຮູ້ ແລະ ເຂົ້າໃຈ ຕໍ່ກັບພາລະບົດບາດ, ສິດ-ໜ້າທີ່ ຄວາມຮັບຜິດຊອບຂອງວຽກງານຕໍ່ກັບບັນດາໜ້າວຽກໃນຕໍ່ໜ້າໃຫ້ໄດ້ຮັບປະກັນປະລິມານ ແລະ ຄຸນນະພາບ.

        ຊຸດຝຶກອົບຮົມໄດ້ດໍາເນີນເປັນເວລາ 2 ວັນ ກໍ່ໄດ້ມີພິທີມອບໃບຢັ້ງຢືນໃຫ້ກັບນັກສໍາມະນາກອນມາຈາກ 10 ຕົວເມືອງ ຈໍານວນ 21 ສະຫາຍ, ຍິງ 7 ສະຫາຍ ໃຫ້ກຽດມອບໂດຍ ທ່ານ ປອ ແກ້ວອຸດອນ ບຸດສິງຂອນ ເລຂາຄະນະບໍລິຫານງານຊາວໜຸ່ມແຂວງ ເຊິ່ງທ່ານຍັງໄດ້ໃຫ້ກຽດໂອ້ລົມກັບບັນດານັກສຳມະນາກອນຕື່ມອີກວ່າ: ເມື່ອຈົບບັ້ນຝຶກອົບຮົມນີ້ແລ້ວ ຕ້ອງໄດ້ພ້ອມກັນເປັນເຈົ້າການໃນການຈັດຕັ້ງປະຕິບັດໜ້າທີ່ວຽກງານໃຫ້ໄດ້ຮັບຜົນສໍາເລັດສູງ ພ້ອມກັນພັດທະນາວຽກງານຊາວໜຸ່ມ-ເຍົາວະຊົນ ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ ໃຫ້ສົມກັບພັກໄດ້ຂະໜານນາມຊາວໜຸ່ມວ່າ: ຊາວໜຸ່ມເປັນແຂນຂວາຂອງພັກ ເປັນກະດູກສັນຫຼັງຂອງຊາດ.

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307