ວັນທີ 13-15 ມິຖຸນາ 2018 ຄະນະນັກສຶກສາທິດສະດີການເມືອງ-ການປົກຄອງຊັ້ນສູງ ລະບົບເລັ່ງລັດ 5 ເດືອນ ຮຸ່ນທີ XXII ໄດ້ເຄື່ອນໄຫວພົບປະຖອດຖອນບົນຮຽນຢູ່ ເມືອງໜອງບົກ ແລະ ເມືອງນາກາຍ ແຂວງຄຳມ່ວນ ນຳທີມໂດຍທ່ານ ປອ. ດາວສະຫວັນ ເຄືອມີໄຊ ຮອງຫົວໜ້າຫ້ອງການສະຖາບັນການເມືອງ ແລະ ການປົກຄອງແຫ່ງຊາດ, ທ່ານ ກອງແກ້ວ ວົງປະເສີດ ຫົວໜ້າຄະນະທີມງານນັກສຶກສາ ພ້ອມດ້ວຍຄະນະຄູ-ອາຈານ ແລະ ນັກສຶກສາຈຳນວນ 30 ກວ່າທ່ານ ເຊິ່ງຢູ່ເມືອງໜອງບົກໃຫ້ການຕ້ອນຮັບຄະນະດັ່ງກ່າວ ໂດຍທ່ານ ສິນທະສອນ ມະຫາໂຄດ ເຈົ້າເມືອງໆໜອງບົກ, ມີຄະນະນຳ ຂັ້ນເມືອງ, ຫົວໜ້າຫ້ອງການ

ອ້ອມຂ້າງເມືອງເຂົ້າຮ່ວມ. ທ່ານ ສິນທະສອນ ມະຫາໂຄດ ໄດ້ລາຍງານສະພາບລວມໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງເມືອງ ໂດຍລວມແລ້ວພື້ນຖານເສດຖະກິດ-ສັງຄົມມີການຂະຫຍາຍຕົວຢ່າງຕໍ່ເນື່ອງ, ລາຍຮັບຂອງປະຊາຊົນໂດຍ ສະເລ່ຍບັນລຸໄດ້ 12 ລ້ານກວ່າກີບຕໍ່ຄົນຕໍ່ປີ, ເກັບລາຍຮັບເຂົ້າງົບປະມານໄດ້ 4,5 ຕື້ກວ່າກີບ,  ດ້ານລາຍຈ່າຍເງິນເດືອນພະນັກງານ ແລະ ການລົງທຶນຂອງລັດ 27,39 ຕື້ກີບ, ເທົ່າກັບ 77,60% ໃນປີ 2017 ສາມາດຜະລິດເຂົ້າໄດ້ທັງໝົດ 59,814 ໂຕ່ນ, ສະເລ່ຍໃສ່ຫົວຄົນໄດ້ 1.146 ກິໂລຕໍ່ຄົນຕໍ່ປີ. ສາມາດກຸ້ມຕົນເອງ ທາງດ້ານສະບຽງອາຫານ, ການແກ້ໄຂຄວາມທຸກຍາກສ້າງຊີວິດການເປັນຢູ່ຂອງປະຊາຊົນນັນມື້ດີຂຶ້ນ, ການສ້າງເສດຖະກິດກຸ່ມ ການຜະລິດເປັນສິນຄ້າເລີ່ມມີໜໍ່ແໜງເກີດຂຶ້ນ, ປະຊາຊົນໄດ້ນຳໃຊ້ເຕັກນິກທີ່ທັນສະໄໝເຂົ້າໃນການຜະລິດເຂົ້າ ອັນພົ້ນເດັ່ນ ແມ່ນກຸ່ມຂະຫຍາຍແນວພັນເຂົ້າໄດ້ຮັບຫຼຽນມາດຕະຖານຊາວນາອາຊຽນດີເດັ່ນຄົນທຳອິດຂອງປະເທດ. ສ່ວນກຸ່ມໂຮງສີເຂົ້າ ກໍ່ມີການພັດທະນາທີ່ດີ ມີການຜູກມັດແບບສອງສົ້ນກັບຊາວນາ ດ້ວຍຮູບການສະໜອງແນວພັນ ແລະ ຮັບຊື້ຜົນຜະລິດ ຈາກຊາວນາ ອັນເປັນເງື່ອນໄຂໃຫ້ແກ່ຊາວກະສິກອນມີຄວາມຫ້າວຫັນ ພ້ອມນັ້ນກຸ່ມການຜະລິດຍັງໄດ້ສົມທົບກັບຂະແໜງ ການທີ່ກ່ຽວຂ້ອງ ເພື່ອເກັບກຳຂໍ້ມູນດ້ານຕ່າງໆ ແລະ ຜະລິດເຂົ້າທີ່ມີຄຸນນະພາບ ເພື່ອສະເໜີຮັບຮອງເອົາມາດຕະຖານອາຊຽນ.

ນອກຈາກນີ້ບັນດາກຸ່ມການຜະລິດຕ່າງໆ ໂດຍສະເພາະແມ່ນກຸ່ມປັ້ນໝໍ້ຫຼໍ່ໄຫ, ກຸ່ມການຜະລິດເຂົ້າໜົມປ່ານ, ຜະລິດເສັ້ນເຝີ ແລະ ກຸ່ມອື່ນໆແມ່ນໄດ້ເຄື່ອນໄຫວຢ່າງຕັ້ງໜ້າ. ສຳລັບຢູ່ເມືອງນາກາຍ ໃຫ້ການຕ້ອນຮັບໂດຍທ່ານ ທ່ອນແກ້ວ ຈັນທະວົງ ຮອງເຈົ້າເມືອງໆນາກາຍ ເຊິ່ງທ່ານໄດ້ລາຍງານສະພາບລວມ ແລະ ແຜນພັດທະນາເສດຖະກິດ-ສັງຄົມຂອງເມືອງ ໃນໄລຍະ 1 ປີຜ່ານມາ ໂດຍສະເພາະແມ່ນການເກັບລາຍຮັບເຂົ້າງົບປະມານ, ແຜນການຍົກຍ້າຍຈັນສັນ ແລະ ການປັບປຸງຊີວິດການເປັນຢູ່, ການສ້າງວຽກເຮັດງານທຳຂອງປະຊາຊົນ ແລະ ອື່ນໆ. ໂອກາດດຽວກັນ ຄະນະທີມງານນັກສຶກສາກໍ່ໄດ້ສະເໜີ ເພື່ອແລກປ່ຽນບົດຮຽນກັບຄະນະນຳຂັ້ນເມືອງ ໂດຍສະເພາະແມ່ນດ້ານວຽກງານການແບ່ງຄວາມຮັບຜິດຊອບ, ແບ່ງຂັ້ນຄຸ້ມຄອງຂອງຂະແໜງການລະຫວ່າງແຂວງກັບເມືອງ, ການສະໜອງແຫຼ່ງທຶນໃຫ້ແກ່ກຸ່ມການຜະລິດ, ວຽກງານການສ້າງບ້ານ ພັດທະນາທີ່ຕິດພັນກັບວຽກງານ 3 ສ້າງ, ການແກ້ໄຂ ປະກົດການຫຍໍ້ທໍ້ຕ່າງໆໃນສັງຄົມ ລວມເຖິງການເຂົ້າເຖິງການບໍລິການ ທາງດ້ານການສຶກສາ, ສາທາລະນະສຸກ, ການສ້າງວຽກເຮັດງານທຳໃຫ້ແກ່ຊາວໝຸ່ມ ແລະ ວຽກງານອື່ນໆອີກຈຳນວນໜຶ່ງ. ນອກນີ້ ຄະນະດັ່ງກ່າວຍັງໄດ້ພົບປະແລກປ່ຽນບົດຮຽນກັບໂຮງຮຽນການເມືອງ-ການປົກຄອງແຂວງຄຳມ່ວນ ພ້ອມທັງຢ້ຽມຊົມ ຄອບຄົວຜະລິດເປັນສິນຄ້າ ແລະ ສະຖານທີ່ທ່ອງທ່ຽວພາຍໃນແຂວງຕື່ມອີກ.

ຂ່າວ: ກອງຄຳ

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ປະຕິທິນ

May 2019
Mo Tu We Th Fr Sa Su
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307