ພິທີຈັດການແຂ່ງຂັນກິລາບານເຕະມິດຕະພາບຮ່ວມກັບໂຮງຮຽນການທະຫານທ້ອງຖິ່ນ ໄດ້ຈັດຂຶ້ນໃນວັນທີ 29 ພຶດສະພາ 2018 ນີ້, ຢູ່ທີ່ເດີນກິລາບານເຕະໂຮງຮຽນການທະຫານທ້ອງຖິ່ນແຂວງ ໂດຍການເປັນກຽດເຂົ້າຮ່ວມຂອງ ທ່ານ ປອ ແກ້ວອຸດອນ ບຸດສິງຂອນ ກຳມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງ ມີ ທ່ານ ພັທ ວຽງໂຂງ ໄຊຍະສອນ ອຳນວຍການໂຮງຮຽນການທະຫານທ້ອງຖິ່ນ ມີບັນດາທ່ານຄະນະຮາກຖານຊາວໜຸ່ມ-ໜ່ວຍຊາວໜຸ່ມ ພະແນກການອ້ອມຂ້າງແຂວງ ພ້ອມດ້ວຍນັກກິລາທັງ 2 ທີມເຂົ້າຮ່ວມຢ່າງເປັນຂະບວນ. ກ່ອນພິທີຈະລົງການແຂ່ງຂັນນັ້ນ ທາງຄະນະບໍລິຫານງານຊາວໜຸ່ມແຂວງ 

 

         ໄດ້ມອບເຄື່ອງອຸປະກອນກິລາຈຳນວນໜື່ງໃຫ້ແກ່ໂຮງຮຽນດັ່ງກ່າວ ມູນຄ່າ 500.000 ກີບ ໃຫ້ກຽດມອບໂດຍ ທ່ານ ປອ ແກ້ວອຸດອນ ບຸດສິງຂອນ ເລຂາຄະນະບໍລິຫານງານຊາວໜຸ່ມແຂວງ ພ້ອມທັງໃຫ້ກຽດໂອ້ລົມ ເຊິ່ງທ່ານໄດ້ກ່າວເຖີງຈຸດປະສົງຂອງການເຮັດກິດຈະກຳຄັ້ງນີ້ວ່າ: ການເຮັດກິດຈະກຳຮ່ວມກັບໂຮງຮຽນການທະຫານທ້ອງຖິ່ນນີ້ ຖືວ່າເປັນຄັ້ງທີ 2 ທີ່ທາງຄະນະຊາວໜຸ່ມແຂວງພ້ອມດ້ວຍສະມາຊິກຊາວ   ໜຸ່ມພະແນກການອ້ອມຂ້າງແຂວງ ໄດ້ລົງເຄື່ອນໄຫວເຮັດກິດຈະກຳຮ່ວມ ໂດຍສະເພາະການແຂ່ງຂັນກິລາບານເຕະມິດຕະພາບ ເພື່ອສ້າງສັນຄວາມສາມັກຄີ ໄມຕີຈິດມິດຕະພາບທີ່ດີຕໍ່ກັນ ລະຫວ່າງຊາວໜຸ່ມທັງສອງຝ່າຍ. ຈາກນັ້ນ, ທັງສອງທີມ ຄູ່ຍີງ-ຊາຍ ໄດ້ລົງການແຂ່ງຂັນກັນຢ່າງເປັນຂະບວນຟົດຟື້ນ ແລະ ຜົນການແຂ່ງຂັນ ທີມຊາຍສະເໜີກັນຢູ່ທີ່ 4 ປະຕູຕໍ່ 4, ສຳລັບທີມຍິງແມ່ນທີມໂຮງຮຽນການທະຫານທ້ອງຖິ່ນເອົາຊະນະໄດ້ດ້ວຍຄະແນນ 1 ປະຕູຕໍ່ 0.

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307