ໃນວັນທີ 30 ພຶດສະພາ 2018 ນີ້, ຢູ່ທີ່ສູນພັດທະນາຊາວໜຸ່ມ-ເຍົາວະຊົນແຂວງຄຳມ່ວນ ຄະນະບໍລິຫານງານຊາວໜຸ່ມແຂວງ ໄດ້ຈັດພິທີສະເຫຼີມສະຫຼອງ ພ້ອມເລົ່າຄືນມູນເຊື້ອວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດຂຶ້ນ ໂດຍໃຫ້ກຽດເຂົ້າຮ່ວມຂອງ ທ່ານ ປອ ແກ້ວອຸດອນ ບຸດສິງຂອນ ກຳມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງ ມີບັນດາທ່ານໃນຄະນະປະຈຳ ຄະນະບໍລິຫານງານຊາວໜຸ່ມແຂວງ ແຂກຖືກເຊີນຈາກຫ້ອງການອ້ອມຂ້າງແຂວງ, ພະນັກງານຊາວໜຸ່ມ ພ້ອມດ້ວຍພໍ່ແມ່ຜູ້ປົກຄອງນ້ອງນ້ອຍເຍົາວະຊົນ ພາຍໃນສູນພັດທະນາຊາວໜຸ່ມ-ເຍົາວະຊົນເຂົ້າຮ່ວມຢ່າງເປັນຂະບວນ.

 

      ໃນພິທີດັ່ງກ່າວ ທ່ານ ນາງ ວົງພະຈັນ ສີບຸນເຮືອງ ຮອງເລຂາຄະນະບໍລິຫານງານຊາວໜຸ່ມແຂວງ ກໍ່ໄດ້ໃຫ້ກຽດຂຶ້ນປາຖະກະຖາເລົ່າຄືນມູນເຊື້ອວັນເດັກນ້ອຍສາກົນ ເຊີ່ງທ່ານໄດ້ຍົກໃຫ້ເຫັນສະພາບການໂດຍລວມຂອງໂລກໃນສະໄໝສົງຄາມ ທີ່ມີການເຂັນຂ້າເດັກນ້ອຍຢ່າງໂຫດຮ້າຍປ່າເຖື່ອນ ໂດຍສະເພາະແມ່ນເຫດການທີ່ເກີດຂຶ້ນຢູ່ທີ່ຕົວເມືອງທ່າແຂກ ແຂວງຄຳມ່ວນ ໃນບັ້ນຮົບ 21 ມີນາ 1946 ທີ່ພວກລ່າເມືອງຂຶ້ນຝຣັ່ງ ໄດ້ເຂັນຂ້າເດັກນ້ອຍ ແລະ ແມ່ມານຢ່າງໂຫດຮ້າຍປ່າເຖື່ອນ ດ້ວຍການ ທຸບຕີທໍລະມານ, ຈັບເດັກນ້ອຍໃສ່ກະເປົາ ແລ້ວມັດໂຍ່ນຖີ້ມແມ່ນໍ້າຂອງ, ເອົາເດັກນ້ອຍ-ແມ່ມານ ລົງໃສ່ໂຄກໃຫຍ່ແລ້ວຕໍາຈົນຕາຍ, ເອົາກະບີ່ແຫຼມຄົມແທ່ງ ແລ້ວໂຍ່ນພວກເຂົາເຫຼົ່ານັ້ນລົງແມ່ນໍ້າຂອງ ເຮັດໃຫ້ເວລານັ້ນແມ່ນໍ້າຂອງເຕັມໄປດ້ວຍສີເລືອດອັນ

ບໍລິສຸດຂອງເດັກທີ່ບໍ່ຮູ້ຫຍັງ ເປັນເຫດການໂຫດຮ້າຍປ່າເຖື່ອນຂອງຈັກກະພັດຕ່າງດ້າວທີ່ໄດ້ທາຮຸນນະກຳຕໍ່ເດັກນ້ອຍລາວ ທັງນີ້ໄດ້ຈາລຶກໄວ້ໃນຄວາມຊົງຈຳຂອງຊາວເມືອງທ່າແຂກ ກໍ່ຄືຈາລຶກໄວ້ໃນປະຫວັດສາດລາວຢ່າງບໍ່ມີວັນລືມ. ພາຍຫຼັງຮັບຟັງການເລົ່າຄືນມູນເຊື້ອວັນເດັກນ້ອຍສາກົນແລ້ວ ບັນດາທ່ານແຂກທີ່ເຂົ້າຮ່ວມໄດ້ຮັບຊົມການສະແດງສິລະປະວັນນະຄະດີຂອງນ້ອງນ້ອຍນັກຮຽນ, ກິດຈະກຳຖາມ-ຕອບຄຳຖາມວິທະຍາສາດ ການແຂ່ງຂັນດືງເຊືອກ ແລະ ແຈກຂອງຂັວນລາງວັນ ເພື່ອສ້າງຄວາມເບີກບານມ່ວນຊື່ນໃຫ້ແກ່ເດັກນ້ອຍ ສ້າງໃຫ້ເຂົາເຈົ້າໄດ້ມີຄວາມຮູ້, ຄວາມສາມາດ, ກ້າສະແດງອອກ ເພາະເດັກມື້ນີ້ຈະເປັນຜູ້ໃຫຍ່ໃນວັນໜ້າ. ຈາກນັ້ນ, ບັນດາການນຳຊາວໜຸ່ມແຂວງ ພ້ອມດ້ວຍແຂກເຂົ້າຮ່ວມ ແລະ ນ້ອງນ້ອຍເຍົາວະຊົນ ໄດ້ຮ່ວມກັນປູກຕົ້ນໄມ້ ເພື່ອປູກຈິດສຳນຶກໃຫ້ເດັກນ້ອຍ ແລະ ຜູ້ໃຫຍ່ ຮັບຮູ້ໄດ້ເຖິງຄວາມສຳຄັນຂອງປ່າໄມ້ ເພື່ອປະຕິບັດຄຳຂັວນທີ່ວ່າ: ຮ່ວມແຮງຮ່ວມໃຈ ປູກໄມ້ໃຫ້ເປັນປ່າ ເພື່ອອະນາຄົດທີ່ສົດໃສ່ .

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307