ກອງປະຊຸມປຶກສາຫາລືວຽກງານກູ້ໄພ ໄດ້ເປີດຂຶ້ນໃນວັນທີ 6 ມິຖຸນາ 2018 ນີ້, ຢູ່ທີ່ຫ້ອງປະຊຸມນ້ອຍຫ້ອງວ່າການປົກຄອງແຂວງ ໂດຍການເປັນປະທານຂອງ ທ່ານ ແສງທອງ ພະຄຸນທອງ ຄະນະປະຈຳພັກແຂວງ ປະທານແນວລາວສ້າງຊາດແຂວງ ຜູ້ຊີ້ນຳວຽກງານກູ້ໄພຂັ້ນແຂວງ ມີບັນດາທ່ານໃນຄະນະກອງເລຂາໜ່ວຍງານອາສາກູ້ໄພຂັ້ນແຂວງ ພ້ອມດ້ວຍອາສາກູ້ໄພເຂົ້າຮ່ວມ 28 ສະຫາຍ ຍິງ 14 ສະຫາຍ.  ກອງປະຊຸມປຶກສາຫາລືຄັ້ງນີ້ ທ່ານ ປອ ແກ້ວອຸດອນ ບຸດສິງຂອນ ເລຂາຄະນະບໍລິຫານງານຊາວໜຸ່ມແຂວງ ຜູ້ລົງເລິກຊີ້ນຳວຽກງານກູ້ໄພ ໄດ້ລາຍງານສະພາບການເຄື່ອນໄຫວໂດຍຫຍໍ້ກ່ຽວກັບບັນຫາໃນການເຄື່ອນໄຫວ

ເຮັດວຽກງານກູ້ໄພໃນໄລຍະ 1 ປີຜ່ານມາ ພ້ອມທັງຕັ້ງບັນຫາເພື່ອປຶກສາຫາລືກ່ຽວກັບແຫຼ່ງລາຍຮັບງົບປະມານເຂົ້າໃນການບໍລິຫານວຽກງານດັ່ງກ່າວ ເພື່ອໃຫ້ມີເຄື່ອນໄຫວເປັນປົກກະຕິ, ຕໍ່ເນື່ອງ ແລະ ຍືນຍົງຖາວອນ. ຈາກນັ້ນ, ບັນດາສະຫາຍໃນກອງປະຊຸມກໍ່ໄດ້ພັດປ່ຽນກັນປະກອບຄຳຄິດ ຄຳເຫັນສຸ່ມເຂົ້າໃນບັນຫາດັ່ງກ່າວເຖີງງົບປະມານ ແລະ ແຫຼ່ງລາຍຮັບ ເພື່ອຊຸກຍູ້ເຂົ້າໃນວຽກງານດັ່ງກ່າວ ໃຫ້ມີຫຼາກຫຼາຍກິດຈະກຳ ເພື່ອດືງດູດເອົາອົງການຈັດຕັ້ງຕ່າງໆ ລວມເປັນເຖິງພໍ່ແມ່ປະຊາຊົນ ໃຫ້ເຂົາເຈົ້າໄດ້ຮັບຮູ້ ເຂົ້າເຖີງ ຄວາມໝາຍ ແລະ ຄວາມສຳຄັນຂອງການເຄື່ອນໄຫວວຽກງານດັ່ງກ່າວ ໂດຍສະເພາະການຊ່ວຍເຫຼືອສັງຄົມ ໂດຍບໍ່ຫວັງຜົນຕອບແທນ. ຈາກນັ້ນຄະນະປະທານກອງປະຊຸມ ໄດ້ປະກອບຄຳຄິດເຫັນໂອ້ລົມຕໍ່ກັບວຽກງານດັ່ງກ່າວວ່າ:

ວຽກງານກູ້ໄພເປັນວຽກງານໜື່ງທີ່ມີຄວາມສຳຄັນໃນການຊ່ວຍເຫຼືອສັງຄົມ ໂດຍສະເພາະການຊ່ວຍອຸປະຕິເຫດເທິງທ້ອງຖະໝົນ ທີ່ເຫັນໄດ້ວ່າຍັງມີຫຼາຍກໍ່ລະນີທີ່ເກີດຂຶ້ນກັບບ້ານເມືອງຂອງພວກເຮົາ ສະນັ້ນ ແຫຼ່ງລາຍຮັບ ຫຼື ງົບປະມານ ກໍ່ເປັນບັນຫາຕົ້ນຕໍ່ໃນການຂັບເຄື່ອນວຽກງານການບໍລິຫານຈັດການຕໍ່ວຽກງານກູ້ໄພ ດັ່ງນັນ, ຂໍຮຽກຮ້ອງມາຍັງທຸກພາກສ່ວນ ບັນດາທຸລະກິດຮ້າງຮ້ານ ຕະຫຼອດອົງການຈັດຕັ້ງສັງຄົມພາກລັດ ແລະ ເອກະຊົນ ຕ້ອງໄດ້ເປັນເຈົ້າການມີສ່ວນຮ່ວມນຳກັນໃນການຊ່ວຍເຫຼືອສັງຄົມກັບໜ່ວຍງານອາສາກູ້ໄພດັ່ງກ່າວ ໃຫ້ມີຄວາມຍືນຍົງ ຖາວອນ ຕະຫຼອດໄປ.

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307