ໂດຍປະຕິບັດຕາມຂໍ້ຕົກລົງຂອງເຈົ້າແຂວງໆຄຳມ່ວນ ສະບັບເລກທີ 166/ຈຂ.ຄມ, ລົງວັນທີ 28 ພຶດສະພາ 2018 ວ່າດ້ວຍການຍົກຍ້າຍເລຂາຄະນະບໍລິຫານງານຊາວໜຸ່ມແຂວງໄປຮັບຜິດຊອບໜ້າທີ່ໃໝ່ ແລະ ຂໍ້ຕົກລົງ ເລກທີ 168/ຈຂ.ຄມ, ລົງວັນທີ 28 ພຶດສະພາ 2018 ວ່າດ້ວຍການແຕ່ງຕັ້ງເລຂາຄະນະບໍລິຫານງານຊາວໜຸ່ມແຂວງຜູ້ໃໝ່; ໃນວັນທີ 18 ມິຖຸນາ 2018 ນີ້, ຢູ່ທີ່ຫ້ອງປະຊຸມໃຫຍ່ຫ້ອງວ່າການປົກຄອງແຂວງຄຳມ່ວນ ຄະນະບໍລິຫານງານຊາວໜຸ່ມແຂວງ ໄດ້ຈັດກອງປະຊຸມຖອດຖອນບົດຮຽນວຽກງານຊາວໜຸ່ມ-ເຍົາວະຊົນ ໃນທົ່ວແຂວງ ແລະ ພິທີມອບ-ຮັບ ໜ້າທີ່ລະຫວ່າງ ສະຫາຍ ປອ ແກ້ວອຸດອນ ບຸດສິງຂອນ 

ເລຂາຄະນະບໍລິຫານງານຊາວໜຸ່ມແຂວງ ຜູ້ເກົ່າ ແລະ ສະຫາຍ ນາງ ວົງພະຈັນ ສີບຸນເຮືອງ ເລຂາຄະນະບໍລິຫານງານຊາວໜຸ່ມແຂວງ ຜູ້ໃໝ່ ເຊິ່ງໃຫ້ກຽດເຂົ້າຮ່ວມເປັນສັກຂີພິຍານຂອງ ສະຫາຍ ແສງທອງ ພະຄຸນທອງ ກຳມະການປະຈຳພັກແຂວງ ປະທານແນວລາວສ້າງຊາດ ຜູ້ຊີ້ນຳວຽກງານອົງການຈັດຕັ້ງມະຫາຊົນຂັ້ນແຂວງ ພ້ອມດ້ວຍບັນດາຫົວໜ້າພະແນກການອ້ອມຂ້າງແຂວງ, ອົງການຈັດຕັ້ງມະຫາຊົນ, ຄະນະບໍລິຫານງານຊາວໜຸ່ມແຂວງ, ເລຂາຮາກຖານ-ເລຂາໜ່ວຍຊາວໜຸ່ມ ອ້ອມຂ້າງແຂວງເຂົ້າຮ່ວມ.  ໃນພິທີ ທ່ານ ເຫຼັງຄຳ ໄຊຄຳຜັນ ຫົວໜ້າຫ້ອງການຊາວໜຸ່ມແຂວງ ໄດ້ຂຶ້ນຜ່ານບົດບັນທຶກມອບ-ຮັບວຽກ ລະຫວ່າງ ເລຂາຄະນະບໍລິຫານງານ

ຊາວໜຸ່ມ ຜູ້ເກົ່າ ແລະ ຜູ້ໃໝ່ ເພື່ອເປັນຫຼັກຖານອ້າງອີງໃນການມອບສິດໜ້າທີ່ ພາລະບົດບາດ ໃນການຊີ້ນຳໆພາຮອບດ້ານລະຫວ່າງ ຜູ້ເກົ່າ ແລະ ຜູ້ໃໝ່ ໃຫ້ມີຄວາມເຂົ້າໃຈເປັນເອກະພາບກັນ ໃນຂອດການຈັດຕັ້ງປະຕິບັດໃນຕໍ່ໜ້າ ເພື່ອຮັບປະກັນໄດ້ປະສິດທິພາບ ແລະ ປະສິດທິຜົນຂອງວຽກງານ ເພື່ອໃຫ້ສົມກັບພັກໄດ້ຂະໜານນາມວ່າ: ຊາວໜຸ່ມເປັນແຂນຂວາຂອງພັກ ເປັນກະດູກສັນຫຼັງຂອງຊາດ ແລະ ໃນໂອກາດດຽວກັນກໍ່ໄດ້ມີພິທີເປີດຂະບວນການແຂ່ງຂັນ-ຍ້ອງຍໍ ພາຍໃຕ້ຄຳຂວັນ ຮັກຊາດ ແລະ ພັດທະນາ ຂອງຄະນະບໍລິຫານງານຊາວໜຸ່ມແຂວງ ປະຈຳປີ 2018 ບັນດາສະຫາຍຫົວໜ້າຂະແໜງ ພາຍໃນຫ້ອງການຄະນະບໍລິຫານງານຊາວໜຸ່ມແຂວງ ໄດ້ພ້ອມກັນຂຶ້ນຈັບມືແຂ່ງຂັນກັນ ເພື່ອພ້ອມກັນປະຕິຍານຕົນ ແລະ ພ້ອມກັນຈັດຕັ້ງປະຕິບັດໃນຂະບວນການແຂ່ງຂັນດັ່ງກ່າວ ເພື່ອຮັບປະກັນໄດ້ປະລິມານ ແລະ ຄຸນນະພາບຂອງໜ້າທີ່ວຽກງານຢ່າງມີຈຸດສຸມເປັນກ້າວໆ.

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307