ເພື່ອເປັນການຕິດຕາມ, ກວດກາ ແລະ ປະເມີນຜົນຂອງການຈັດຕັ້ງປະຕິບັດວຽກງານຊາວໜຸ່ມ-ເຍົາວະຊົນ ທົ່ວເມືອງ ໃນໄລຍະ 5 ປີຜ່ານມາ ເພື່ອໃຫ້ໄດ້ຕາມຄາດໝາຍສູ້ຊົນຕາມໂຄງການດຳເນີນງານ ຂອງຄະນະບໍລິຫານງານຊາວໜຸ່ມແຂວງ ແລະ ຄະນະບໍລິຫານງານຊາວໜຸ່ມເມືອງໄດ້ວາງໄວ້. ໃນວັນທີ 19 ມິຖຸນາ 2018 ນີ້, ຢູ່ທີ່ສະໂມສອນຂອງເມືອງມະຫາໄຊ ຄະນະບໍລິຫານງານຊາວໜຸ່ມແຂວງ ໄດ້ລົງເປີດກອງປະຊຸມເຜີຍແຜ່ບາງນິຕິກຳຕ່າງໆ ກໍ່ຄືການລົງຊຸກຍູ້, ຕິດຕາມ ແລະ ຕີລາຄາໝາກຜົນຂອງວຽກງານ ໂດຍການນຳພາຂອງ ສະຫາຍ ນາງ ວົງພະຈັນ ສີບຸນເຮືອງ ເລຂາຄະນະບໍລິຫານງານຊາວໜຸ່ມແຂວງ, ໃຫ້ກຽດເຂົ້າຮ່ວມມີທ່ານ

ຄະນະປະຈຳພັກເມືອງ, ຄະນະບໍລິຫານງານຊາວໜຸ່ມເມືອງ ພ້ອມດ້ວຍເລຂາໜ່ວຍຊາວໜຸ່ມອ້ອມຂ້າງເມືອງເຂົ້າຮ່ວມ 118 ສະຫາຍ, ຍິງ 65 ສະຫາຍ. ກອງປະຊຸມດັ່ງກ່າວ ທ່ານ ນາງ ແຖວຄຳ ອິນທະວົງ ເລຂາຄະນະບໍລິຫານງານຊາວໜຸ່ມເມືອງ ໄດ້ຂຶ້ນຜ່ານບົດລາຍງານການຈັດຕັ້ງປະຕິບັດວຽກງານຊາວໜຸ່ມ-ເຍົາວະຊົນທົ່ວເມືອງ ເຊິ່ງທ່ານໄດ້ຍົກໃຫ້ເຫັນບາງຜົນງານທີ່ທາງຄະນະບໍລິຫານງານຊາວໜຸ່ມເມືອງໄດ້ພ້ອມກັນສຸ່ມໃສ່ຈັດຕັ້ງປະຕິບັດຕາມໂຄງການ ແລະ ແຜນງານທີ່ໄດ້ກຳນົດໄວ້ ໂດຍສະເພາະວຽກງານສຶກສາອົບຮົມການເມືອງ-ນຳພາແນວຄິດ ປະຈຸບັນສາມາດປະຕິບັດໄດ້ 78%, ວຽກງານປັບປຸງການຈັດຕັ້ງຕະຫຼອດໄລຍະ 5 ປີຜ່ານມາ ໄດ້ຂະຫຍາຍສະມາຊິກຊາວໜຸ່ມ, ເຍົາວະຊົນ ແລະ ອະນຸຊົນ ເຂົ້າເຄື່ອນໄຫວໃນອົງການຈັດຕັ້ງ ບັນລຸໄດ້ 45%, ນອກນັ້ນຍັງໄດ້ນໍາພາສະມາຊິກຊາວໜຸ່ມ-ເຍົາວະຊົນ ເຂົ້າຮ່ວມຂະບວນການຕ່າງໆຢ່າງເປັນປົກກະຕິ, ຕໍ່ເນື່ອງ ແລະ ເປັນຂະບວນຟົດຟື້ນ.

        ຈາກນັ້ນ, ທ່ານເລຂາຄະນະບໍລິຫານງານຊາວໜຸ່ມແຂວງ ໄດ້ຂຶ້ນຜ່ານບາງນິຕິກຳທີ່ກ່ຽວຂ້ອງ ເພື່ອເປັນທິດໃນການຈັດຕັ້ງປະຕິບັດໃຫ້ບັນລຸຕາມຄາດໝາຍສູ້ຊົນທີ່ວາງໄວ້ ເຊິ່ງທ່ານຍັງໄດ້ເນັ້ນໜັກບາງບັນຫາໃຫ້ຄະນະຊາວໜຸ່ມເມືອງ ພ້ອມດ້ວຍສະມາຊິກຊາວໜຸ່ມໃນທົ່ວເມືອງຈະຕ້ອງໄດ້ພ້ອມກັນປັບປຸງໃຫ້ທັນກັບສະພາບການຄື: ຕ້ອງໄດ້ເອົາໃຈໃສ່ ແລະ ກຳແໜ້ນໄດ້ຕໍ່ນິຕິກຳຕ່າງໆ ເພື່ອສຶກສາອົບຮົມການເມືອງ-ແນວຄິດ ໃຫ້ສະມາຊິກຊາວໜຸ່ມ-ເຍົາວະຊົນຢ່າງທົ່ວເຖີງ, ແກ້ໄຂບັນຫາທີ່ພົບເຫັນໃຫ້ທວງທັນກັບສະພາບການ ໂດຍສະເພາະຕົວເລກຄາດໝາຍສູ້ຊົນຂອງການຂະຫຍາຍສະມາຊິກຊາວໜຸ່ມ, ເຍົາວະຊົນ ແລະ ອະນຸຊົນ, ຕົວເລກການດຳເນີນກອງປະຊຸມໃຫຍ່ຂັ້ນໜ່ວຍຊາວໜຸ່ມຂອງຕົນ ໃຫ້ໄດ້ຄາດໝາຍສູ້ຊົນທີ່ກຳນົດໄວ້, ສຸມໃສ່ຕໍ່ຂະບວນແຂ່ງຂັນ 4 ບຸກໃຫ້ໜັກແໜ້ນ-ເຂັ້ມແຂງ ຮັບປະກັນໄດ້ປະລິມານ ແລະ ຄຸນນະພາບ ຂອງວຽກງານ ເພື່ອພ້ອມກັນປະກາດເປັນເມືອງຄະນະຊາວໜຸ່ມ 4 ບຸກ ປີທີ2 ແລະ ປີທີ3 ເພື່ອສ້າງເງື່ອນໄຂໃຫ້ແກ່ການເປີດກອງປະຊຸມໃຫຍ່ຜູ້ແທນຊາວໜຸ່ມທົ່ວເມືອງມະຫາໄຊ ຄັ້ງທີ VIII ທີ່ຈະໄຂຂຶ້ນໃນທ້າຍປີ 2018 ນີ້.

 

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307