ພິທີ​ມອບການ​ຢັ້ງຢືນ​ເອົາໜ່ວຍພັກ​ອົງການ​ໄອ​ຍະການ​ປະຊາຊົນ​ແຂວງ​ຄຳ​ມ່ວນ ເປັນໜ່ວຍພັກ​​ເຂັ້ມ​ແຂງ-ຮູ້​ນຳພາ​ຮອບດ້ານ ສະໄໝທີ 5 ​ປະຈຳປີ 2017 ໄດ້​ຈັດ​ຂຶ້ນ​ໃນ​ວັນ​ທີ 08 ພຶດສະພາ 2018 ​ໂດຍ​ການ​ເປັນກຽດ​ເຂົ້າ​ຮ່ວມ​ຂອງ​ທ່ານ ຄຳຜົງ ວົງພະຈັນ ຄະນະປະຈຳພັກແຂວງ, ປະທານກວດກາພັກ-ລັດແຂວງຄຳມ່ວນ, ທ່ານ ບຸນມາ ສຸດສະດາວອນ ຄະນະປະຈຳພັກແຂວງ ເລຂາໜ່ວຍພັກ, ຫົວໜ້າອົງການໄອຍະການປະຊາຊົນແຂວງ, ມີ​ບັນດາຄະນະພັກຮາກຖານ, ໜ່ວຍພັກອ້ອມຂ້າງ ຕະຫຼອດ​ເຖິງສະ​ມາ​ຊິກ​ພັກພາຍຂົງເຂດດັ່ງກ່າວ​ເຂົ້າ​ຮ່ວມ.ໜ່ວຍພັກ​ອົງການ​ໄອ​ຍະການ​ປະຊາຊົນ​ແຂວງ​ປະກອບ​ມີ​ສະມາຊິກພັກ​ທັງໝົດ 18 ສະຫາຍ,

​ເຊິ່ງ​ໃນ​ໄລຍະ​ຜ່ານ​ມາ​ບັນດາ​ສະມາຊິກ​ພັກ​​ແມ່ນ​ມີ​ຄວາມໜັກ​ແໜ້ນທາງ​ດ້ານ​ການ​ເມືອງ, ມີ​ຄວາມ​ເຂັ້ມ​ແຂງ​ທາງ​ດ້ານ​ການຈັດ​ຕັ້ງ,​ ມີ​ຄຸນສົມບັດ​ສິນ​ທຳ​ປະຕິວັດ, ​ເປັນ​ແບບຢ່າງ​ນຳໜ້າ​ໃນ​ທຸກ​ຂົງ​ເຂດ​ວຽກງານ, ມີ​ແນວ​ຄິດ​ອຸ່ນ​ອ່ຽນທຸ່ນ​ທ່ຽງ, ​ເຊື່ອໝັ້ນຕໍ່ການ​ຊີ້​ນຳ-ນຳພາ​ຂອງ​ພັກ, ມີ​ຄວາມ​ເປັນ​ເອກະ​ພາບ​ສູງ​ຕໍ່​ແນວທາງ​ປ່ຽນ​ແປງ​ໃໝ່ຂອງ​ພັກ, ດ້ານ​ວຽກງານ​ວິຊາ​ສະ​ເພາະ ແລະ ການພັດທະນາເສດຖະກິດ-ສັງຄົມ ໄດ້ເກັບກຳບັນຫາອາຊະຍາກຳເກີດຂຶ້ນທັງໝົດ 416 ກໍລະນີ. ໃນນັ້ນອາຊະຍາກຳທີ່ພົ້ນເດັ່ນແມ່ນອາຊະຍາກຳ ດ້ານເສດຖະກິດ, ກຳມະສິດສ່ວນຕົວຂອງພົນລະເມືອງ ແລະ ຄວາມເປັນລະບຽບຮຽບຮ້ອຍຂອງສັງຄົມ ທຽບໃສ່ປີ 2016 ຫຼຸດລົງ 7 ກໍລະນີ ຫຼືເທົ່າກັບ 1,65%, ໄດ້ຮັບຄະດີອາຍາຂັ້ນຕົ້ນ 216 ເລື່ອງ, ແກ້ໄຂແລ້ວ 204 ເລື່ອງ ທຽບໃສ່ປີຜ່ານມາຫຼຸດລົງ 79 ເລື່ອງ ເທົ່າກັບ 18,99%, ຄະດີອາຍາຂັ້ນອຸທອນ 3 ເລື່ອງ, ແກ້ໄຂແລ້ວ 2 ເລື່ອງ, ໄດ້ຮັບຄະດີແພ່ງຂັ້ນອຸທອນ 18 ເລື່ອງ, ແກ້ໄຂແລ້ວ 17 ເລື່ອງ ໃນນີ້ເດັ່ນກວ່າໝູ່ແມ່ນສັນຍາກູ້ຢືມ ແລະ ຂັດແຍ່ງກຳມະສິດທີ່ດິນ ທຽບໃສ່ປີຜ່ານມາ ຫຼຸດລົງ 9 ເລື່ອງ ເທົ່າກັບ 33,33%, ຮັບສຳນວນຄະດີແພ່ງຂັ້ນຕົ້ນ 46 ເລື່ອງ, ແກ້ໄຂແລ້ວ 43 ເລື່ອງ, ໄດ້ຮັບຄຳຮ້ອງທຸກທັງໝົດ 27 ສະບັບ, ແກ້ໄຂແລ້ວ 21 ສະບັບ ທຽບໃສ່ປີຜ່ານມາຫຼຸດລົງ 18,18%, ລົງເກັບກຳສະຖິຕິການຈັດຕັ້ງປະຕິບັດຄຳຕັດສິນຂອງສານ ເຊິ່ງມີຄະດີອາຍາເຂົ້າຫ້ອງປະຕິບັດທັງໝົດ 924 ເລື່ອງ, ແກ້ໄຂແລ້ວ 79 ເລື່ອງ, ຍັງຄ້າງ 841 ເລື່ອງ ແລະ ບໍ່ສາມາດປະຕິ ບັດໄດ້ 4 ເລື່ອງ, ຄະດີແພ່ງມີທັງໝົດ 444 ເລື່ອງ, 

ແກ້ໄຂແລ້ວ 37 ເລື່ອງ, ຍັງຄ້າງ 404 ເລື່ອງ ແລະ ບໍ່ສາມາດປະຕິບັດໄດ້ 3 ເລື່ອງ, ເກັບກຳຊັບສິນທີ່ສານຕັດສິນຮິບປະກອບມີ: ເງິນຄ່າປັບໄໝ 8 ຕື້ກວ່າກີບ, ເງິນຖືກສານຕັດສິນຮິບ 9 ລ້ານກວ່າກີບ, 49.180 ບາດ, ລົດຈັກ 15 ຄັນ, ລົດໃຫຍ່ 2 ຄັນ, ຢາບ້າ 167.849 ເມັດ ແລະ ຢາໄອ 1,9 ກິໂລກຼາມ. ​ໂດ​ຍລວມ​ແລ້ວ​ການຕີ​ລາຄາ​ການຈັດ​ຕັ້ງ​ປະຕິບັດ​ຕາມ​ມາດຖານ​ຂອງ​ການ​ສ້າງໜ່ວຍພັກ​​ເຂັ້ມ​ແຂງ-ຮູ້​ນຳພາ​ຮອບດ້ານ​ແມ່ນ​ສາມາດ​ປະຕິບັດ​ໄດ້​ຕາມແຜນການ​ໃນຫຼາຍດ້ານ​ໂດຍ​ສະເພາະ​ແມ່ນ​ດ້ານວຽກງານ​ການ​ເມືອງ-​ແນວ​ຄິດ ປະຕິບັດ​ໄດ້ 95%, ດ້ານ​ວຽກງານ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ 95% ​ແລະ ວຽກງານ​ການກໍ່ສ້າງ​ພັກ ​ແລະ ກໍ່ສ້າງ​ພະນັກງານປະຕິບັດ​ໄດ້ 105%. ​ໂອກາດ​ດັ່ງກ່າວ​ທ່ານ ​ຄຳຜົງ ວົງພະຈັນ ກໍ່​ໄດ້​ເປັນກຽດມອບ​ໃບ​ຢັ້ງຢືນເພື່ອຮັບຮອງ​ເອົາໜ່ວຍພັກ​ອົງການ​ໄອ​ຍະ​ການປະຊາຊົນ​ແຂວງ ​ເປັນໜ່ວຍພັກ​ເຂັ້ມ​ແຂງ-ຮູ້​ນຳພາ​ຮອບດ້ານ ສະໄໝທີ 5 ປີ 2017.

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307