07 September 2018

ພິທີປະກາດການຈັດຕັ້ງຂອງຫ້ອງວ່າການປົກຄອງແຂວງ ແລະ ບາງພະແນກການຂອງແຂວງຄໍາມ່ວນ.

17 August 2018

ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ພ້ອມດ້ວຍ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ເຄື່ອນໄຫວຢ້ຽມຢາມ ແລະ ຕິດຕາມກ່ຽວກັບສະພາບນ້ຳຖ້ວມ ຢູ່ແຂວງຄຳມ່ວນ

06 August 2018

ທ່ານ ນາຍົກລັດຖະມົນຕີ ຢ້ຽມຢາມຜູ້ປະສົບໄພພິບັດນໍ້າຖວ້ມຢູ່ແຂວງຄໍາມ່ວນ ພ້ອມມອບເງິນຊ່ວຍເຫຼືອໃນເບື້ອງຕົ້ນ 300 ລ້ານກີບ.

06 August 2018

ປະຊາຊົນ 5 ບ້ານ ຂອງເມືອງຫີນບູນ ຍັງພົບກັບສະພາບນ້າຖ້ວມທີ່ຢູ່ອາໃສ

12 June 2018

ສະຖາບັນການເມືອງ ແລະ ການປົກຄອງແຫ່ງຊາດເຄື່ອນໄຫວທອດຖອນບົດຮຽນຢູ່ ແຂວງຄຳມ່ວນ

ແຈ້ງການ

         ກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນແຂວງຄຳມ່ວນ ຊຸດທີ I ໄດ້ໄຂຂຶ້ນໃນວັນທີ 22 ສິງຫາ 2018 ທີ່ສະໂມສອນໃຫຍ່ ຫຼັກ 4 ພາຍໃຕ້ການເປັນປະທານຂອງທ່ານ ສົມໃຈ ເພັດສີນວນ ປະທານສະພາ ປະຊາຊົນແຂວງ, ມີທ່ານ ປ.ອ ບຸນປອນ ບຸດຕະນະວົງ ຮອງປະທານສະພາແຫ່ງຊາດ, ທ່ານ ໂອໄດ ສຸດາພອນ ເຈົ້າແຂວງໆຄຳມ່ວນ, ມີສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ, ຄະນະການນຳຂັ້ນແຂວງ, ຂັ້ນເມືອງ, ພະແນກການ, ອົງການຈັດຕັ້ງຕ່າງໆອ້ອມຂ້າງແຂວງເຂົ້າຮ່ວມ. ວາລະດຳເນີນກອງປະຊຸມໄດ້ຮັບຟັງການລາຍງານ ຂອງທ່ານເຈົ້າແຂວງໆຄຳມ່ວນ ກ່ຽວກັບການຈັດຕັ້ງປະຕິບັດ ແຜນພັດທະນາ

 

ເສດຖະກິດ-ສັງຄົມ ແລະ ແຜນງົບປະມານແຫ່ງລັດ ໃນໄລຍະ 06 ເດືອນຕົ້ນປີ ແລະ ທິດທາງ 06 ເດືອນທ້າຍປີ, ຟັງການອະທິບາຍຊີ້ແຈງວຽກງານປ້ອງກັນ ແລະ ແກ້ໄຂບັນຫາຢາເສບຕິດ ແລະ ອຸບັດຕິເຫດຕາມ ເສັ້ນທາງ, ວຽກງານການຈັດຕັ້ງປະຕິບັດການລົງທຶນຂອງລັດ, ແຜນງົບປະມານ, ການປະຕິບັດຄຳສັ່ງເລກທີ 15/ນຍ, ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ, ກວດກາການເຄື່ອນຍ້າຍໄມ້ ແລະ ທຸລະກິດໄມ້, ການສົ່ງເສີມ ທຸລະກິດຂະໜາດນ້ອຍ ແລະ ຂະໜາດກາງ, ວຽກງານການປະຕິບັດຄາດໝາຍ SDGs, ວຽກງານການບັນຈຸລັດຖະ ກອນແພດໝໍ ແລະ ການແບ່ງປັນງົບປະມານໃຫ້ຂັ້ນເມືອງຂອງຂະແໜງສາທາລະນະສຸກ, ການອະນຸລັກຊັບພະຍາກອນ ທຳມະຊາດ ເພື່ອການທ່ອງທ່ຽວ, ການຈັດຕັ້ງປະຕິບັດວຽກງງານ 06 ເດືອນຂົງເຂດໄອຍະການປະຊາຊົນ, ສານປະຊາຊົນ, ຮັບຟັງການສະເໜີຮ່າງຂໍ້ຕົກລົງຂອງເຈົ້າແຂວງໆຄຳມ່ວນ ວ່າດ້ວຍການກຳນົດເຂດປະເມີນລາຄາທີ່ດິນ ແລະ ສິ່ງປຸກສ້າງທົ່ວແຂວງ ແລະ ບົດລາຍງານການຈັດຕັ້ງປະຕິບັດວຽກງານ 06 ເດືອນຕົ້ນປີ ແລະ ທິດທາງ 06 ເດືອນທ້າຍປີ ຂອງສະພາປະຊາຊົນແຂວງ.  ພ້ອມນັ້ນບັນດາສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນ ແຂວງຍັງຈະໄດ້ປະກອບຄຳຄິດຄຳເຫັນ ເຈາະຈິ້ມຕໍ່ບັນດາວຽກງານທີ່ນຳມາຊີ້ແຈງໃນກອງປະຊຸມຄັ້ງນີ້ ເພື່ອປັບປຸງໃຫ້ ຖືກຕ້ອງ, ສອດຄ່ອງກັບສະພາບຄວາມເປັນຈິງ ແລະ ໄດ້ຮັບການແກ້ໄຂໃຫ້ດີຂຶ້ນ.

     ກອງປະຊຸມດັ່ງກ່າວແມ່ນຈະໄດ້ດຳເນີນເປັນເວລາ 03 ວັນ (22-24 ສິງຫາ 2018) ເຊິ່ງຈະໄດ້ພິຈາລະນາ ແລະ ຮັບຮອງເອົາຫຼາຍບັນຫາ ເປັນຕົ້ນແມ່ນ: ພິຈາລະນາ ແລະ ຮັບຮອງເອົາບົດລາຍງາຍຂອງທ່ານເຈົ້າແຂວງໆຄຳມ່ວນ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ 06 ເດືອນຕົ້ນປີ ແລະ ແຜນການ 06 ເດືອນທ້າຍປີ 2018, ພິຈາລະນາ ແລະ ຮັບຮອງເອົານິຕິກຳລຸ່ມກົດໝາຍຂອງແຂວງຈຳນວນໜຶ່ງ, ບົດລາຍງານຂອງຄະນະປະຈຳສະພາປະຊາຊົນແຂວງ ແລະ ມະຕິຂອງກອງປະຊຸມສະໄໝສາມັນ ເທື່ອທີ 5 ຂອງສະພາປະຊາຊົນແຂວງຄຳມ່ວນ ຊຸດທີ I.

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307