12 October 2018

ຫົວໜ້າຫ້ອງວ່າການປົກຄອງແຂວງຄໍາມ່ວນພ້ອມຄະນະໄປທັດສະນະສຶກສາຖອດຖອນບົດຮຽນວຽກງານການເປັນເລຂາທິການໃຫ້ແກ່ການນໍາຢູ່ຫ້ອງວ່າການສູນກາງພັກ ແລະ ສໍານັກງານນາຍົກລັດຖະມົນຕີ

07 September 2018

ພິທີປະກາດການຈັດຕັ້ງຂອງຫ້ອງວ່າການປົກຄອງແຂວງ ແລະ ບາງພະແນກການຂອງແຂວງຄໍາມ່ວນ.

17 August 2018

ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ພ້ອມດ້ວຍ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ເຄື່ອນໄຫວຢ້ຽມຢາມ ແລະ ຕິດຕາມກ່ຽວກັບສະພາບນ້ຳຖ້ວມ ຢູ່ແຂວງຄຳມ່ວນ

06 August 2018

ທ່ານ ນາຍົກລັດຖະມົນຕີ ຢ້ຽມຢາມຜູ້ປະສົບໄພພິບັດນໍ້າຖວ້ມຢູ່ແຂວງຄໍາມ່ວນ ພ້ອມມອບເງິນຊ່ວຍເຫຼືອໃນເບື້ອງຕົ້ນ 300 ລ້ານກີບ.

06 August 2018

ປະຊາຊົນ 5 ບ້ານ ຂອງເມືອງຫີນບູນ ຍັງພົບກັບສະພາບນ້າຖ້ວມທີ່ຢູ່ອາໃສ

ແຈ້ງການ

      ພິທີປະກາດເມືອງຍົມມະລາດ ຈົບຊັ້ນມັດທະຍົມສຶກສາຕອນຕົ້ນບຳລຸງ ຈັດຂຶ້ນໃນວັນທີ 26 ກັນຍາ 2018 ທີ່ສະໂມສອນເມືອງ ເປັນກຽດເຂົ້າຮ່ວມມີທ່ານ ຮສ. ປອ ຄຳຜາຍ ສີສະຫວັນ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ຄຳສີ ອຸດທິ ວົງ ຮອງເຈົ້າແຂວງໆຄຳມ່ວນ, ທ່ານ ມະນີວົງ ຈັນທະວົງ ເຈົ້າເມືອງໆຍົມມະລາດ, ມີການນຳຈາກພະແນກການ, ເມືອງອ້ອມຂ້າງ, ຄະນະພັກຂັ້ນບ້ານ ຕະຫຼອດເຖິງພະນັກງານຄູ-ອາຈານ ແລະ ພໍ່ແມ່ປະຊາຊົນພາຍໃນເມືອງເຂົ້າຮ່ວມ. ເຊິ່ງໃນໄລຍະຜ່ານມາ ຄະນະພັກ, ອຳນາດການປົກຄອງເມືອງ ແລະ ຫ້ອງການສຶກສາທິການ ແລະ ກິລາ ເມືອງຍົມມະລາດ

ໄດ້ສູ້ຊົນຈັດຕັ້ງປະຕິບັດແຜນຍຸດທະສາດການສຶກສາຂັ້ນພື້ນຖານ ກ່ຽວກັບການລົບລ້າງ ຄວາມບໍ່ຮູ້ໜັງສື ແລະ ບຳລຸງຍົກລະດັບຈົບຊັ້ນປະຖົມສຶກສາໃຫ້ປະຊາຊົນບັນດາເຜົ່າພາຍໃນເມືອງຢ່າງເປັນຂະບວນຟົດຟື້ນ ແລະ ມີຜົນສຳເລັດ ສາມາດປະກາດຈົບຊັ້ນປະຖົມບຳລຸງໃນທົ່ວເມືອງໃນປີ 2011. ພາຍຫຼັງທີ່ສຳເລັດການປະກາດເມືອງ ຈົບຊັ້ນປະຖົມ ກໍ່ໄດ້ສືບຕໍ່ເກັບກຳຂໍ້ມູນ ແລະ ວາງແຜນຈັດຕັ້ງປະຕິບັດການຮຽນ-ການສອນຊັ້ນມັດທະຍົມຕອນຕົ້ນ ບຳລຸງ ໂດຍໄດ້ກຳນົດຄາດໝາຍ ແລະ ເງື່ອນໄຂທີ່ມີຄວາມພ້ອມຂອງບ້ານ ແລະ ໄດ້ປະຕິບັດຕາມ 3 ແຜນງານຄື: ການຂະຫຍາຍໂອກາດການເຂົ້າຮຽນ, ການປັບປຸງຄຸນນະພາບ ແລະ ຄວາມສອດຄ່ອງ ແລະ ແຜນການບໍລິຫານ ແລະ ຄຸ້ມຄອງການສຶກສາ. ສໍາລັບການຈັດຕັ້ງປະຕິບັດການຮຽນ-ການສອນ ຊັ້ນ

ມັດທະຍົມຕົ້ນບຳລຸງແມ່ນໄດ້ແບ່ງອອກເປັນ 4 ໄລຍະຄື: ໄລຍະທີ 1 ແຕ່ປີ 2012-2014 ໄດ້ປະຕິບັດການຮຽນ-ການສອນໃນ 27 ບ້ານ, ມີກຸ່ມເປົ້າໝາຍ ໃນເກນອາຍຸ 15-35 ປີເຂົ້າຮ່ວມ 605 ຄົນ, ສາມາດຮຽນຈົບ ແລະ ສອບເສັງໄດ້ 100%, ໄລຍະທີ 2 ປີ 2014-2015 ຈັດຕັ້ງໃນ 3 ບ້ານ, ມີຜູ້ເຂົ້າຮ່ວມ 91 ຄົນ, ສາມາດສອບເສັງໄດ້ 81 ຄົນ ເທົ່າກັບ 89,01%, ໄລຍະທີ 3 ປີ 2015-2016 ປະຕິບັດໃນ 8 ບ້ານ, ມີຜູ້ເຂົ້າຮ່ວມ 174 ຄົນ, ສອບເສັງໄດ້ 167 ຄົນ ເທົ່າກັບ 95,97% ແລະ ໄລຍະທີ 4 ປີ 2016-2017 ຈັດຕັ້ງປະຕິບັດໃນ 8 ບ້ານ, ມີຜູ້ເຂົ້າຮ່ວມ 175 ຄົນ, ສອບເສັງໄດ້ 165 ຄົນເທົ່າກັບ 94,28%. ໂດຍລວມແລ້ວໃນທົ່ວເມືອງມີກຸ່ມເປົ້າໝາຍທີ່ຍັງບໍ່ຈົບມັດທະຍົມຕອນຕົ້ນ ໄດ້ເຂົ້າຮຽນມັດທະຍົມຕອນຕົ້ນບຳລຸງ ທັງໝົດ 1.082 ຄົນ, ສາມາດສອບເສັງໄດ້ທັງໝົດ 1.018 ຄົນ ເທົ່າກັບ 94,09% ເຊິ່ງເປົ້າໝາຍຫຼັກກໍ່ເພື່ອແນໃສ່ເຮັດໃຫ້ປະຊາຊົນໄດ້ມີຄວາມຮູ້, ຄວາມສາມາດ, ມີລະດັບການ ສຶກສາສູງຂຶ້ນກວ່າເກົ່າ ສາມາດນຳເອົາຄວາມຮູ້ທີ່ຮຽນນຳໄປໃຊ້ເຂົ້າໃນການພັດທະນາຕົນເອງ, ສາມາດດຳເນີນທຸລະກິດ, ຮູ້ຈັກຄິດໄລ່ຄ້າ-ຂາຍ, ເສີມສ້າງເສດຖະກິດຄອບຄົວດີຂຶ້ນ ເຮັດໃຫ້ປະຊາຊົນເຫັນໄດ້ຄວາມສຳຄັນຂອງການສຶກສາ ຮໍ່າຮຽນຫຼາຍຂຶ້ນ ເພື່ອນຳພາຄອບຄົວໃຫ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ. ໂອກາດດັ່ງກ່າວ ທ່ານຮອງລັດຖະມົນຕີກະຊວງສຶກສາທິການ ແລະ ກິລາ ກໍ່ໄດ້ມອບໃບຢັ້ງຢືນປະກາດເມືອງຍົມມະລາດ ຈົບຊັ້ນມັດ ທະຍົມຕົ້ນບຳລຸງ ພ້ອມທັງຮ່ວມເປີດປ້າຍ ແລະ ລັ່ນຄ້ອງ ເພື່ອຢັ້ງຢືນເຖິງຜົນສຳເລັດດັ່ງກ່າວ.

ຂ່າວ: ກອງຄຳ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307