ຄຳເຫັນຂອງທ່ານເຈົ້າແຂວງຄຳມ່ວນ.

 

    ສະບາຍດີທ່ານຜູ້ອ່ານທີ່ນັບຖື.

      ໃນ​ນາມ ເຈົ້າ​ແຂວງ​ຄຳ​ມ່ວນ ມີ​ຄວາມ​ປິ​ຕິ ຍີນ​ດີ​ເປັນ​ຢ່າງ​ຍີງ ຂໍ​ສົ່ງ​ຂ່າວ​ມາ​ຍັງ ທ່ານ ນັກ​ອ່ານ, ຜູ້​ສະ​ແຫວງ​ຫາ​ຂໍ້​ມູນ​ທາງ​ເວັບ​ໄຊວ່າ: ແຂວງ​ຄຳ​ມ່ວນ ໄດ້​ເປີດ​ໂຕ​ເວັບ​ໄຊ ຂອງ​ແຂວງ​ຢ່າງ​ເປັນ​ທາງ​ການ​ແລ້ວ (www.Khammouane.gov.la) ໃນ​ໂອ​ກາດ​ທີ່​ເປັນ​ເລີກ​ງາມ​ຍາມ​ດີ ທີ່ ສ​ປ​ປ ລາວ​ພວກ​ເຮົາ ພວມ​ສ້າງ​ຂະ​ບວນ​ການ ສະ​ເຫຼີມ​ສະ​ຫຼອງ ສອງ ວັນ​ປະ​ຫວັດ​ສາດຄື: ວັນ​ສ້າງ​ຕັ້ງ ສ​ປ​ປ ລາວ ຄົບ​ຮອບ 40 ປີ (2/12/1975-2/12/2015 ແລະ ວັນ​ຄ້າຍ​ວັນ​ເກີດ​ຂອງ​ປະ​ທານ ໄກ​ສອນ ພົມ​ວິ​ຫານ ຄົບ​ຮອບ 95 ປີ ວັນ​ທີ່ 13/12/1920-13/12/2015) ດ້ວຍ​ບັນ​ຍາ​ກາດ​ເບີກ​ບານ​ມ່ວນ​ຊື່ນ​ຂອງ​ທົ່ວປວງ ​ຊົນ​ລາວໃນຂອບເຂດ​ທົ່ວ​ປະ​ເທດເວົ້າ​ລວມ ເວົ້າ​ສະ​ເພາະ ແມ່ນ​ປະ​ຊາ​ຊົນ​ຊາວ​ແຂວງ​ຄຳ​ມ່ວນ ດີ​ນແດນ​ 21 ມິ​ນາ 1946 ວິ​ລະ​ຊົນ,  ພວມ​ເສີມ​ຂະ​ຫຽາຍຜົນ​ສຳ​ເລັດ ແລະ ຈັດ​ຕັ້ງ​ປະ​ຕິ​ບັດມະ​ຕິ​ກອງ​ປະ​ຊຸມ​ໃຫ​ຍ່​ຄັ້ງ​ທີ່ IX ຂອງ​ອົງ​ຄະ​ນະ​ພັກ​ແຂວງ ແລະ ​ກະ​ກຽມ​ຈັດ​ຕັ້ງ​ປະ​ຕິ​ບັດ​ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ 5 ປີ ຄັງ​ທີ່ VIII ເປັນ​ຂະ​ບວນ​ກ້​ວາງ​ຂວາງ​ຟົດ​ຟື້ນ;.

   ຈຸດປະສົງ: ການ​ສ້າງ​ເວັບ​ໄຊ​ຂອງ​ແຂວງ​ຄຳ​ມ່ວນ ເພື່ອ​ປະ​ຕິ​ບັດ​ພາ​ລະ​ບົດ​ບາດ, ໜ້າ​ທີ່ ແລະ ສິດ​ຂອງ​ເຈົ້າ​ແຂວງ​ທີ່​ໄດ້​ກຳ​ນົດ​ໃນ​ກົດ​ໝາຍ​ວ່າ​ດ້ວຍ ການ​ປົກ​ຄອງ​ທອງ​ຖີ່ນ, ສະ​ບັບ​ເລກ​ທີ່ 03/ສ​ພ​ຊ, ລົງ​ວັນ​ທີ່ 21 ຕ​ຸ​ລາ 2003 ຊື່​ງໃນ​ນັ້ນ ອົງ​ການ​ປົກ​ຄອງ​ແຂວງ ມີ​ໜ້າ​ທີ່​ບໍ​ລິ​ການ​ຮັບ​ໄຊ້​ປະ​ຊາ​ຊົນ, ສະ​ໜອງ​ຂໍ້​ມູນ, ເຜີຍ​ແຜ່​ແນະ​ນຳ​ຈັດ​ຕັ້ງ​ປະ​ຕິ​ບັດ​ນະ​ໂຍ​ບາຍຂອງ​ພັກ, ນິ​ຕິ​ກຳລະ​ບຽບ​ກົດ​ໝາຍ​ຂອງ​ລັດ ແລະ ການ​ເຄື່ອນ​ໃຫວ​ຂອງ​ອົງ​ການ​ປົກ​ຄອງ​ແຂວງ; ພ້ອມ​ກັນ​ນັ້ນ​ກໍ່​ເພື່ອ​ຟັງ​ຄຳ​ຄິດ​ເຫັນ, ຄຳ​ສະ​ເໜີ​ແນະ ທີ່​ສ້າງ​ສັນ​ຂອງ​ບຸກ​ຄົນ, ນິ​ຕິ​ບຸກ​ຄົນ, ອົງ​ການ​ຈັດ​ຕັ້ງ​ທາງ​ສັງ​ຄົມ ຕໍ່​ການ​ບໍ​ລີ​ຫານ​ງານ​ຂອງ​ອົງ​ການ​ປົກ​ຄອງ​ແຂວງ​ໃຫ້​ວ່ອງ​ໄວ​ທັນ​ການ;.

    ເນື້ອໃນ: ​ທີ່​ສຳ​ຄັນຂອງ​ເວັບ​ໄຊ​ແຂວງ​ຄຳ​ມ່ວນ ທີ່ ຈະ​ລົງ​ພີມ​ເຜີຍ​ແຜ່ ​ແນະ​ນຳ​ປະ​ກອບ​ດ້ວຍ: ນະ​ໂຍ​ບາຍ ແລະ ນິ​ຕິກ​ຳ​ທີ່​ສຳ​ຄັນ, ຄຳ​ສັ່ງ, ຄຳ​ແນະ​ນຳ, ຂໍ້​ຕົກ​ລົງ ແລະ ແຈ້ງ​ການ, ສະ​ພາບ​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ ແລະ ການ​ເຄື່ອນ​ໃຫວທີ່​ສຳ​ຄັນ​ຂອງ​ອົງ​ການ​ປົກ​ຄອງ​ແຂວງ​ຄຳ​ມ່ວນ; ພ້ອມ​ກັນ​ນັ້ນ ກໍ່​ຍັງ​ມີ​ປ່ອງ​ສຳ​ລັບ​ຮັບຟັງຄຳ​ຄິດ​ເຫັນ​ ແລະ ຂໍ້​ສະ​ເໜີ​ແນະ ຂອງບຸກ​ຄົນ ແລະ ນິ​ຕິບຸກ​ຄົນ ແລະ ການ​ຈັດ​ຕັ້ງ​ສັງ​ຄົມ ເພື່ອ​ໃຫ້​ອົງ​ການ​ປົກ​ຄອງ​ແຂວງ​ແກ້​ໃຂ ແລະ ຊີ້ແຈງ​ອອກ​ທາງ​ເວັບ​ໄຊ​ນີ້ ແລະ ບັນ​ຫາ​ອື່ນໆ ທີ່​ອົງ​ການ​ປົກ​ຄອງ​ແຂວງ​ຄຳ​ມ່ວນ​ເຫັນ​ວ່າ​ມີ​ຄວາມ​ຈຳ​ເປັນ;.

    ສະນັ້ນ, ການ​ບໍ​ລີ​ການ​ຜ່ານ​ເວັບ​ໄຊ​ນີ້ ແມ່ນ​ສື່ ແລະ ຫຼາຍສ່ອງ​ທາງຂອງ ​ການ​ພົບ​ປະ ແລະ ປະ​ຊາ​ສຳ​ພັນ ລະ​ ຫ່​ວາງ​ອົງ​ການ​ປົກ​ຄອງ​ແຂວງ ກັບ ປະ​ຊາ​ຊົນ ແລະ ການ​ຈັດ​ຕັ້ງ​ທາງ​ສັງ​ຄົມ ຂ້າ​ພະ​ເຈົ້າ​ຄິດ​ວ່າ ຄວາມ​ໃກ້​ສິດ ລະ​ຫວ່າງ​ອົງ​ການ​ປົກ​ຄອງ​ແຂວງ ກັບ ປະ​ຊາ​ຊົນ ຊັ້ນ​ຄົນ​ຕ່າງໆ ຈະ​ແໜ້ນ​ແຟ້ນ​ຍີ່ງ​ຂື້ນ.

    ສຸດ​ທ້າຍ ຂ້າ​ພະ​ເຈົ້າ​ຫວັງ​ຢ່າງ​ຍີ່ງວ່າ ທ່ານ ຜູ້​ອ່ານ​ຈະ​ນຳ​ໄຊ້​ຂໍ້​ມູນ​ເວັບ​ໄຊ​ເຫຼົ່າ​ນັ້ນ ເຂົ້າ​ໃນ​ການ​ເຄື່ອນ​ໃຫວ​ຂອງ​ຕົນ​ໃຫ້​ມີ​ປະ​ສິດ​ທິ​ຜົນ ແລະ ມີ​ສ່ວນ​ປະ​ກອບ​ເຂົ້າ​ໃນ​ການ​ສ້າງ​ເວບ​ໄຊ​ທາງ​ການ​ຂອງ​ອົງ​ການ​ປົກ​ຄອງ​ແຂວງ​ຄຳ​ມ່ວນ​ໃຫ້​ກ້າວ​ໜ້າຂື້ນ​ຢ່າງ​ບໍ​ຢຸດຢັ້ງ.

 

                                                                                                     ເຈົ້າ​ແຂວງ​ຄຳ​ມ່ວນ

 

 

 

                                                                                                              ໂອ​ໄດ ສຸ​ດາ​ພອນ

                                                                

    

 

 

 

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307