ກອງ​ປະຊຸ​ມ​ໃຫຍ່​ຄັ້ງ​ທີ IX ຂອງ​ອົງຄະ​ນະ​ພັກ​ແຂວງ ຄຳ​ມ່ວນ ​ໄດ້​ໃຂ​ຂື້ນໃນ​ວັນ​ທີ 9-11 ກໍລະກົດ (7) 2015, ຢູ່​ທີ່​ສະ​ໂມ​ສອນ​ຂອງ​ແຂວງ ​​ພາຍ​ໃຕ້​ການ​ເປັນ​ປະ​ທານ​ຂອງ​ສະ​ຫາຍ ຄຳ​ໃບ ດຳ​ລັດ ກຳ​ມະ​ການ​ສູນ​ກາງ​ພັກ, ເລ​ຂາ​ຄະ​ນະ​ບໍ​ລີ​ຫານ​ພັກ​ແຂວງ, ເຈົ້າ​ແຂວງ​ຄຳ​ມ່ວນ ເປັນ​ກຽດ​ເຂົ້າ​ຮ່ວມກອງ​ປະ​ຊຸມ​ໃນ​ຄັ້ງ​ນີ້ ສະ​ຫາຍ ທອງ​ລຸນ ສີ​ສຸ​ລິດ ກຳ​ມະ​ການ​ກົມ​ການ​ເມືອງ​ສູນ​ກາງ​ພັກ, ຮອງ​ນາ​ຍົກ​ລັດ​ຖະ​ມົນ​ຕີ ແລະ ລັດ​ຖະ​ມົນ​ຕີ​ວ່າ​ການ​ກະ​ຊ​ວງ​ການ​ຕ່າງ​ປະ​ເທດ, ມີ​ຜູ້​ແທນ​ສົມ​ບູນ 304 ສະ​ຫາຍ​ຍີງ 29 ສະ​ຫາຍ, ເປັນ​ຕົວ​ແທນ​ສາ​ມາ​ຊີກ​ພັກ 14.613 ສະ​ຫາ​ຍ​ທົ່ວ​ແຂວງ;

 

     ​ກອງ​ປະຊຸມ​ໃຫຍ່​ຄັ້ງ​ທີ IX ຂອງ​ອົງຄະ​ນະ​ພັກ​ແຂວງ​​ໄດ້​ຮັບຮອງ​ເອົາ ຮ່າງ​ລາຍ​ງານ​ການ​ເມືອງ, ​ແຜນ​ພັດທະນາ​ເສດຖະກິດ-ສັງຄົມ, ບົດ​ສຳຫຼວດການນຳພາ​ລວມ ທີ່​ໄດ້​ຮັບ​ການຈັດ​ຕັ້ງ​ປະຕິບັດ​ຢ່າງ​ມີ​ຜົນສຳ​ເລັດຕະຫຼອດ​ໄລຍະ 5 ປີທີ່​ຜ່ານ​ມາ. ເນື້ອ​ໃນ​ອັນ​ສຳຄັນ​ໃນ​ຮ່າງ​ລາຍ​ງານ​ການ​ເມືອງ ​ແລະ ​ແຜນ​ພັດທະນາ​ເສດຖະກິດ-ສັງ ຄົມ 5 ປີ ຄັ້ງທີ VIII ຮອດ​ປີ 2020, ຍຸດ​ທະ​ສາດ​ຮອດ​ປີ 2015 ​ແລະ ວິ​ໃສ​ທັດ​ຮອດ​ປີ 2030 ​ສ້າງບາດກ້າວ​ ບຸກທະລຸການ​ແກ້​ໄຂ​ຄວາມທຸກ​ຍາກ​ຂອງ​ປະຊາຊົນ​ ໃຫ້​ໄດ້​ໂດຍ​ພື້ນ​ຖານ, ​ເພື່ອບັນລຸ​ເປົ້າໝາຍສະຫັດ​ສະ​ວັດດ້ານ​ການ​ພັດທະນາ(MDGS) ​ເພື່ອ​ເຮັດ​ໃຫ້​ປະ​ເທດ​ຊາດ​​ເວົ້າລວມ, ເວົ້າ​ສະ​ເພາະເຮັດ​ໃຫ້ແຂວງ​ຄຳ​ມ່ວນ​ຫຼຸດພົ້ນ​ອອກ​ຈາກ​ສະຖານະ​ພາບ​ດ້ອຍ​ພັດທະນາ​ໃນ​ປີ 2020, ສ້າງ​ປະ​ຖົມ​ປັດ​ໃຈໃນ​ແຕ່​ລະ​ດ້ານ​ສືບຕໍ່ກ້າວ​ຂຶ້ນຕາມ​ທິດ​ຫັນ​ເປັນ​ອຸດ​ສາ​ຫະ​ກຳທັນ​ສະ​ໃໝ;. 

 

     ກອງ​ປະຊຸມ​ໃຫຍ່​ໄ​ດ້​ເປັນ​ເອກະ​ພາບ​​ການ​​ຕີ​ລາຄາ​ຜົນ​ການ​ຈັດຕັ້ງປະຕິບັດ​ມະຕິກອງ​ປະຊຸມ​ໃຫຍ່ ຄັ້ງທີ VIII ​ຂອງ​ອົງ​ຄະ​ນະ​ພັກ​ແຂວງ ​ໃນ​ຂົງ​ເຂດ​ວຽກ​ງານ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ ​ຮັບປະກັນ​ໃຫ້​ແຂວງ​ຄໍາ​ມ່ວນ ​ມີ​ສະຖຽນລະ​ພາບ​ທາງ​ດ້ານ​ການ​ເມືອງ, ມີ​ຄວາມ​ສະຫງົບ ​ແລະ ​ເປັນ​ລະບຽບຣຽບຮ້ອຍ​ໃນ​ທົ່ວ​ສັງຄົມ, ການ​ພັດທະນາ​ເສດຖະກິດ-ສັງຄົມ​ ​ຂະຫຍາຍຕົວ​ຕໍ່​ເນື່ອງ​ໃນ​ລະດັບ 12%/ປີ, ລາຍ​ໄດ້​ສະ​ເລ່ຍຕໍ່​ຫົວ​ຄົນ​ເພີ່ມ​ຂຶ້ນຈາກ 887 ​ໂດ​ລາ​ສະຫະລັດ ​ໃນ​ປີ 2010 ມາ​ເປັນ 1.684 ​ໂດ​ລາ​ສະຫະລັດ​ໃນປີ 2015, ຜົນ​ຜະລິດ​ເຂົ້າສາມາດ​ບັນລຸ​ໄດ້ 328.620 ​ໂຕນເຂົ້າ​ເປືອກ, ສະ​ເລ່ຍຕໍ່​ຫົວ​ຄົນ​ໄດ້ 828 ກິ​ໂລ​/ຄົນ/ປີ, ​ມີ​ໂຮງ​ຈັກ, ​ໂຮງງານ​ຂະໜາດນ້ອຍ, ຂະໜາດກາງ ​ແລະ ຂະໜາດ​ໃຫຍ່ 256 ​ແຫ່ງ, ມູນ​ຄ່າ​ການ​ລົງທຶນ 2.264,54 ຕື້ກີບ, ມີ​ບ້ານ​ທີ່​ຊົມ​ໃຊ້​ໄຟຟ້າ​ກວມ 90,71%, ຄອບຄົວ​ຊົມ​ໃຊ້​ໄຟຟ້າ 93,19% ລື່ນ​ຄາດໝາຍ(ຄາດໝາຍ90%) ​ການ​ເງິນ​ເກັບ​ລາຍ​ຮັບ​ເຂົ້າງົບປະມານ​ບັນລຸ​ໄດ້ 2.100,35 ຕື້ ​ເທົ່າ​ກັບ 127,24% ຂອງ​ແຜນການ 5 ປີ, ທະ​ນາ​ຄານລະດົມ​ເງິນ​ຟາກ​ໄດ້ 1.488,51 ຕື້ກີບ, ປ່ອຍ​ສິນ​ເຊື່ອ​ໄດ້ 1.066,02 ຕື້ກີບ, ມີ​ເສັ້ນທາງ​ຍາວທັງໝົດ 3.457,45 ກິ​ໂລ​ແມັດ, ​ໃນ​ນັ້ນ ມີ​ທາງ​ປູ​ເບ​ຕົງ 27,13 ກິ​ໂລ​ແມັດ, ທາງ​ປູຢາງ 546,41 ກິ​ໂລ​ແມັດ, ​ເສັ້ນທາງ​ດິນ​ແດງ​ຍົກ​ລະດັບ 1.345,92 ກິ​ໂລ​ແມັດ, ​ນອກ​ນັ້ນ​ແມ່ນ​ທາງ​ດິນ​ທໍາ​ມະ​ຊາດ, ບ້ານ​ມີ​ເສັ້ນທາງ ທຽວ​ໄດ້ 2 ລະດູ ກວມ 73% ຂອງ​ຈໍານວນ​ບ້ານ​, ການ​ສຶກສາ-ກິລາໄດ້​ຂະຫຍາຍຕົວ​ໄປ​ສູ່​ຊົນນະບົດ​ໂດຍ​ທົ່ວ​ເຖິງ, ອັດຕາ​ສ່ວນ​ການ​ເຂົ້າຮຽນສຸດທິ​ເດັກ 3-5 ປີ ບັນລຸ​ໄດ້ 35,4%; 6-10 ປີ ບັນລຸ​ໄດ້ 98,8%; ມັດທະຍົມ​ຕອນ​ຕົ້ນບັນລຸ​ໄດ້ 68%; ມັດທະຍົມ​ປາຍ​ບັນລຸ​ໄດ້ 36,9%; ປະຊາ ຊົນ​ໃນ​ເກນ​ອາຍຸ 15-40 ປີ ຮູ້​ອ່ານ, ຮູ້​ຂຽນໜັງສືກວມ 99,01%; ​ເປັນແຂວງ​ທີ່​ຈົບ​ຊັ້ນປະຖົມ​ບໍາລຸງ, ດ້ານ​ກິລາ​ມີ​ຂະ​ບວນການ​ຟົດຟື້ນ ​ໃນ​ງານ​ມະຫະກໍາ​ກິລາ​ແຫ່ງ​ຊາດ​ຄັ້ງ​ທີ່ X ທີ່​ແຂວງ​ອຸດົມ​ໄຊ ​ສາມາດ​ຍາດ​ໄດ້​ຫຼຽນຄໍາ, ຫຼຽນ​ເງິນ ​ແລະ ຫຼຽນທອງ​ແດງ ລະດັບ​ທີ 12 ຂອງ​ປະ​ເທດ, ພິ​ເສດ​ແມ່ນ​ໄດ້​ຫຼຽນຄໍາ​ກິລາ​​ເຕະບານ, ປະຊາຊົນ​ໄດ້​ເຂົ້າ​ເຖິງ​ການ​ບໍລິການຮັກສາ​ປິ່ນປົວ​ສຸຂະພາບ​ທົ່ວ​ເຖິງ, ສາ​ມາດຄວບ​ຄຸມ​ໄດ້​ພະຍາດ​ຕິດ​ຕໍ່, ພະຍາດ​ເກີດ​ຂຶ້ນຕາມ​ລະດູ​ການ, ປະຊາຊົນ​ໄດ້​ຊົມ​ໃຊ້​ນໍ້າ​ສະອາດ​ກວມ 85,61%, ຄອບຄົວ​ຊົມ​ໃຊ້​ວິດຖ່າຍ​ກວມ 56,33%; ສ້າງ​ບ້ານ​ແບບຢ່າງ​ທາງ​ດ້ານ​ສາທາລະ ນະ​ສຸກ​ໄດ້ 432 ບ້ານ, ​ເທົ່າ​ກັບ 74,22%, ອາຍຸ​ຍືນ​ສະ​ເລ່ຍຂອງ​ພົນລະ​ເມືອງ 65 ປີ,  ສາມາດ​ກະຈາຍສຽງທາງ​ວິທະຍຸ​ກວມ 85% ຂອງ​ພື້ນທີ່​ທົ່ວ​ແຂວງ, ສ້າງ​ບ້ານ​ວັດທະນະ​ທໍາ​ໄດ້ 423 ບ້ານ ​ເກີນ​ຄາດໝາຍ, ​ແຫຼ່ງທ່ອງ​ທ່ຽ​ວທາງ​ປະຫວັດສາດ-ທໍາ​ມະ​ຊາດ​ທັງໝົດ 198 ​ແຫ່ງ, ຊຸມ​ປີ​ທີ່​ຜ່ານ​ມາ​ມີ​ນັກ​ທ່ອງ​ທ່ຽວ​ ທັງໝົດ 1.610.119 ​ເທື່ອ​ຄົນ, ສ້າງ​ລາຍ​ຮັບ​ໄດ້ 957,38 ຕື້ກີບ.

  ​ຜົນສຳ​ເລັດ​​ທີ່​ຍາດ​ມາ​ໄດ້​ໃນ 5 ປີທີ່​ຜ່ານ​ມາແມ່ນ “​ເສີມ​ຂະຫຍາຍ​ມູນ​ເຊື້ອວິລະ​ຊົນ, ​ບຸກທະລຸ​ທາງ​ດ້ານ​ຈິນຕະນາການ, ສ້າງ​ບາດກ້າວ​ຫັນປ່ຽນ​ໃໝ່​ໃນ​ການ​ພັດທະນາ, ສ້າງ​ແຂວງ​ຄໍາ​ມ່ວນ​ໃຫ້​ກາຍ​ເປັນ​ໃຈກາງ​ທາງ​ດ້ານ​ການ​ບໍລິການ​ທາງ​ຜ່ານ​ແລະທ່ອງທ່ຽວ, ຫັນ​ເປັນ​ອຸດ​ສະຫະ​ກໍາ​ທັນ​ສະ​ໄໝ​ເທື່ອ​ລະ​ກ້າວ ” ກອງ​ປະ​ຊຸມ​ໄດ້​ວາງວິ​​ໄສ​ທັດຮ​ອດ​ປີ 2030, ລາຍ​ໄດ້​ສະ​ເລັ່ຍ 7983$/ຄົນ/ປີ ຮອດ 2025 ລາຍ​ໄດ້​ສະ​ເລັ່ຍ 4729$/ຄົນ/ ແລະ ປີ 2020 ສະ​ເລັ່ຍ 2891$/ຄົນ.

 

 

   ​ກອງ​ປະຊຸມໄດ້ເລືອກ​​ເອົາ​ຄະນະບໍ​ລີ​ຫານ​ງານພັກແຂວງ​ຊຸດ​ໃໝ່ ມີ​ຜູ້​ອອກ​ຮັບ​ສະໝັກ​ເລືອກ​ຕັ້ງ ຈຳ​ນວນ 39 ສະຫາຍ, ຍິງ 04 ສະຫາຍ ​ແລະ ​ເລືອກ​​ເອົາ 33ສະຫາຍ, ຍິງ 02 ສະຫາຍ ​ຜົນ​ໄດ້​ຮັບມີລາຍຊື່ດັ່ງນິ້​:

1.  ສະຫາຍໂອໄດສຸດາພອນ ເລ​ຂາ​ພັກ​ແຂວງ.

2.  ສະຫາຍ ສົມໃຈ ເພັດສີນວນ ຮອງ​ເລ​ຂາ​ພັກ​ແຂວງ.

3.  ສະຫາຍ ພົມມາພັນທະລັງສີ ຮອງ​ເລ​ຂາ​ພັກ​ແຂວງ,

4.  ສະຫາຍ ບຸນມີ ພິມມະສອນ ຮອງ​ເລ​ຂາ​ພັກ​ແຂວງ.

5.  ສະຫາຍ ຄຳສີ ອຸດທິວົງ ກຳ​ມະ​ການ​ປະ​ຈຳ​ພັກ​ແຂວງ.

6.  ສະ​ຫາຍ ພັອ ແກ້ວດາວົງ ໄຊຍະແສງ ກຳ​ມະ​ການ​ປະ​ຈຳ​ພັກ​ແຂວງ

7. ສະຫາຍ ສຸກສະຫວາດ ລັດຖະຈັກ ກຳມະ​ການ​ປະ​ຈຳ​ພັກ​ແຂວງ.

8.  ສະ​ຫາຍ ບຸນມາ ສຸດສະດາວອນ ກຳ​ມະ​ການ​ປະ​ຈຳ​ພັກ​ແຂວງ.

9.  ສະຫາຍ ພັອ ສົມແຄນ ອັບປະສອນ ກຳ​ມະ​ການ​ປະ​ຈຳ​ພັກ​ແຂວງ.

10.  ສະຫາຍ ຄຳຜົງ ວົງພະຈັນ ກຳ​ມະ​ການ​ປະ​ຈຳ​ພັກ​ແຂວງ.

11.  ສະຫາຍ ແສງທອງພະຄຸນທອງ ກຳ​ມະ​ການ​ປະ​ຈຳ​ພັກ​ແຂວງ.

12.  ສະຫາຍ ຂັນຕີ ໂພທິນ ກຳ​ມະ​ການ​ພັກ​ແຂວງ.

13.  ສະຫາຍ ຈັນທາ ພົມມະສອນ ກຳມະ​ກ​ານ​ພັກ​ແຂ​ວງ.

14.  ສະຫາຍ ທອນລະຂັນ ໄຊປັນຍາ ກຳ​ມະ​ການ​ພັກ​ແຂວງ.

15.  ສະຫາຍ ບຸນນຳ ບຸນນະສອນ ກຳມະ​ການ​ພັກ​ແຂວງ.

16.  ສະຫາຍ ຈັນ ບຸບຜາລີວັນ ກຳມະ​ການ​ພັກ​ແຂວງ.

17.  ສະຫາຍ ອວນມາ ຂັນຕິຍະວົງ ກຳ​ມະ​ການ​ພັກ​ແຂວງ.

18.  ສະຫາຍ ບຸນທວາຍ ສີລິປັນຍາທອງ ກຳ​ມະ​ການ​ພັກ​ແຂວງ.

19. ສະຫາຍ ນ. ແສງ​ມະ​ນີ ອີນ​ທະ​ລັງ​ສີ ກຳ​ມະ​ການ​ພັກ​ແຂວງ.

20. ສະຫາຍ ບຸນ​ມີ ມອງ​ຄຳແສງ ກຳ​ມະ​ການ​ພັກ​ແຂວງ.

21. ສະຫາຍ ສີໄຮ ແກ້ວໄກຖີ່ນ ກຳ​ມະ​ການ​ພັກ​ແຂວງ.

22. ສະຫາຍສິງເພັດ ແກ້ວໂສພາ ກຳ​ມະ​ການ​ພັກ​ແຂວງ.

23. ສະຫາຍ ຄຳເພົ້າ ທອງເທພາຮັກ ກຳ​ມະ​ການ​ພັກ​ແຂວງ.

24. ສະຫາຍ ສີນທະສອນ ມະຫາໂຄດ ກຳ​ມະ​ການ​ພັກ​ແຂວງ.

25. ສະຫາຍ ຄຳສອນ ອ້ວນທະວີ ກຳ​ມະ​ການ​ພັກ​ແຂວງ.

26. ສະຫາຍ ນ. ບັງອອນ ໄຊຍະສິດ ກຳ​ມະ​ການ​ພັກ​ແຂວງ.

27. ສະຫາຍ ແກ້ວລັນດອນ ຈັນທະປານີ ກຳ​ມະ​ການ​ພັກ​ແຂວງ.

28. ສະຫາຍ ບຸນສີ ພົມມະໄຊ ກຳ​ມະ​ການ​ພັກ​ແຂວງ.

29. ສະຫາຍ ມະນີວົງ ຈັນທະວົງ ກຳ​ມະ​ການ​ພັກ​ແຂວງ.

30. ສະຫາຍ ທອງລາ ແສງທອງ ກຳ​ມະ​ການ​ພັກ​ແຂວງ.

31. ສະຫາຍ ດຣ. ແກ້ວອຸດອນ ບຸດສີງຂອນ ກຳ​ມະ​ການ​ພັກ​ແຂວງ.

32. ສະຫາຍ ສົມພົງວັນໄພທອງ ກຳ​ມະ​ການ​ພັກ​ແຂວງ.

33. ສະຫາຍ ພິດສະໄໝ ກອງຊາເດດ ກຳ​ມະ​ການ​ພັກ​ແຂວງ, ຈາກນັ້ນ​ໄດ້​ເລືອກ​ເອົາ ປະທານ ​ແລະ ຮອງ​ປະທານ​ກວດກາປະ​ກອບ​ດ້ວຍ:

1. ສະ​ຫາຍ ຄຳ​ຜົງ ວົງ​ພະ​ຈັນເປັນ​ປະທານ​ກວດກາ.

2. ສະ​ຫາຍ ບຸນ​ທັນ ສຸ​ວັນ​ນະ​ລາດ​ເປັນ​ຮອງ​ປະທານ​ກວດກາ.

3. ສະຫາຍ ນ. ສາ​ທິດ ຈັນ​ສີ​ເປັນ​ຮອງ​ປະທານ​ກວດກາ.

4. ສະ​ຫາຍ ແກ້ວ ວົງ​ພະ​ຈັນ       ເປັນ​ຮອງ​ປະ​ທານກວດ​ກາ.

     ກອງ​ປະຊຸມ​ໃຫຍ່​ໄດ້​ຟັງການ​ໂອ້ລົ​ມຂອງ ສະຫາຍ ດ​ຣ.ທອງ​ລຸນ ສີ​ສຸ​ລິດ ກຳມະການກົມການເມືອງສູນ​ກາງ​ພັກ,  ຮອງ​ນາ​ຍົກ​ລັດ​ຖະ​ມົນ​ຕີ ແລະ ລັດ​ຖະ​ມົນ​ຕີ​ວ່າ​ການ​ກະ​ຊວງ​ການ​ຕ່າງ​ປະ​ເທດໄດ້​ສະ​ແດງ​ຄວາມ​ຍ້ອງຍໍ​ຊົມ​ເຊີຍ​ຕໍ່​ຜົນ​ງານການນຳພາ​ຂອງ​ຄະນະບໍລິຫານງານ​ພັກແຂວງ​ຊຸດ​ທີ VIII ໄດ້​ຊີ້​ນຳ-ນຳພາ​ສະມາຊິກ​ພັກ, ພະນັກງານ-ລັດ​ຖະ​ກອນ ກຳລັງປະກອບອາວຸດ ແລະ ປະຊາຊົນ​ບັນດາເຜົ່າ​ຈັດ​ຕັ້ງ ປະຕິບັດ​ໜ້າ​ທີ່​ການ​ເມືອງ​ຂອງ​ຕົນ, ຍາດ​ໄດ້ຜົນ​ສຳ​ເລັດ​ຫຼາຍ​ດ້ານ, ແຕ່ພ້ອມດຽວ​ກັນສະຫາຍ​ຍັງ​ໄດ້ຊີ່ທິດເຍືອງທາງວິ​ທີ​ການປັບປຸງ ແກ້ໄຂໃນ​ດ້ານ​ອ່ອນ ແລະ ຂໍ້ຄົງ​ຄ້າງ ແລະ ​ຮຽກ​ຮ້ອງ​ໃຫ້​ຄະນະ​ພັກ​ຊຸດ​ໃໝ່ຈົ່ງໄດ້ພ້ອມກັນເຊີດຊູຄວາມຮັບຜິດຊອບສູງ ເພື່ອເຮັດສໍາເລັດຫນ້າທີ່-ທີ່ຜູ້ແທນກອງປະຊຸມ ແລະ ປະ​ຊາ​ຊົນມອບຫມາຍ ພາ​ລະ​ໜ້າ​ທີ່ວຽກ​ງານ​ແຕ່​ລະ​ດ້ານ ແລະ ມີຄວາມ​ເຊື່ອ​ໝັ້ນ​ຕໍ່​ຄະນະ​ພັກ​ຊຸດ​ໃໝ່ ທີ່​ມີ​ຄວາມ​ຮູ້, ຄວາມສາ​ມາດ​ຜັນ​ຂະ​ຫຽາຍ ແລະ ຈັດ​ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່​ຂອງອົງ​ຄະນະ​ພັກແຂວງຊຸດທີ IX ໃຫ້​ມີ​ຜົນສຳ​ເລັດ​ຍິ່ງ​ໃຫຍ່​ກວ່າ​ເກົ່າ,ກອງ​ປະຊຸມ​ຮຽກຮ້ອງ​ມາ​ຍັງ​ສະມາຊິກ​ພັກ, ພະນັກງານ-ລັດຖະກອນ, ກຳລັງປະ ກອບອາວຸດ ​ແລະ ປະຊາຊົນບັນດາ​ເຜົ່າໃນ​ທົ່ວ​ແຂວງ​ຄຳ​ມ່ວນ ​ເຊີດ​ຊູ​ສິດ​ເປັນ​ເຈົ້າ​ຂອງ​ປະ​ເທດ​ຊາດ, ສຸມ​ທຸກ​ກຳ​ລັງ​ເຫື່ອ​ແຮງ ສະຕິ​ປັນ​ຍາ ແລະ ຍົກ​ສູງຄວາມ​ຮັບຜິດຊອບ​ການ​ເມືອງ​​ໃນ​ພາ​ລະ​ກິດ​ປົກ​ປັກ​ຮັກ​ສາແລະພັດທະນາແຂວງຄໍາມ່ວນກ້າວຂຶ້ນຢ່າງຫນັກແໜ້ນ.

                                          

                                                                                                         ວັນ​ນະ​ວົງ ວົງ​ພະ​ຈັນ

                                                                                                          ຮອງ​ຫົວ​ໜ້າ​ຫ້ອງວ່າ​ການ​ປົກ​ຄອງ​ແຂວງ​ຄຳ​ມ່ວນ.

 

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307