ການພົບປະສອງຝ່າຍຄະນະສະມາຄົມມິດຕະພາບ ຄຳມ່ວນ ສປປ ລາວ ແລະ ນະຄອນດານັ້ງ ສສ ຫວຽດນາມ ໄດ້ຈັດຂຶ້ນໃນວັນທີ 22 ພະຈິກ 2017 ທີ່ເຮືອນພັກເບີ 1 ແຂວງຄຳມ່ວນ ເຊິ່ງຝ່າຍ ນະຄອນດານັ້ງ ນຳໂດຍທ່ານ ຟຸ່ງ ເຕິ້ນ ວຽດ  ຄະນະພັກນະຄອນ, ຫົວໜ້າຄະນະຄຸ້ມຄອງເຂດເທັກໂນໂລຢີລະດັບສູງ, ຮອງປະທານສະມາຄົມມິດຕະພາບ ຫວຽດນາມ-ລາວ ຂັ້ນສູງກາງ, ປະທານສະມາຄົມມິດຕະພາບຫວຽດນາມ-ລາວ ນະຄອນດານັ້ງ ແລະ ຝ່າຍລາວນຳ ໂດຍທ່ານ ສິງເພັດ ແກ້ວໂສພາ ກຳມະການພັກແຂວງ, ຫົວໜ້າພະແນກພະລັງງານ ແລະ ບໍ່່ແຮ່, ຮອງປະທານສະມາຄົມ ມິດຕະພາບລາວ-ຫວຽດນາມ ແຂວງຄຳມ່ວນ, ມີກົງສູນໃຫຍ່ແຫ່ງ ສປປ ລາວ ປະຈຳນະຄອນດານັ້ງ ພ້ອມດ້ວຍຄະນະທັງ ສອງຝ່າຍເຂົ້າຮ່ວມ.

      ຄະນະຜູ້ແທນທັງສອງຝ່າຍໄດ້ລາຍງານກ່ຽວກັບສະພາບຈຸດພິເສດ, ການພັດທະນາເສດຖະກິດ-ສັງຄົມຂອງທັງ ສອງຝ່າຍໃຫ້ກັນໄດ້ຮັບຊາບ. ເຊິ່ງລາວ-ຫວຽດນາມ ເປັນປະເທດບ້ານໃກ້ເຮືອນຄຽງທີ່ມີພູຜາປ່າໄມ້ ແລະ ແມ່ນ້ຳລຳເຊຕິດ ຈອດກັນ, ປະຊາຊົນສອງຊາດມີມູນເຊື້ອພົວພັນມິດຕະພາບ ສະນິດຕິພັນກັນຢ່າງໜຽວແໜ້ນມາແຕ່ດົນນານ ແລະ ນັບມື້ນັບໄດ້ຮັບການເສີມຂະຫຍາຍຂຶ້ນໄປເລື້ອຍໆ, ຄວາມຜູກພັນຖານອ້າຍນ້ອງລະຫວ່າງປະຊາຊົນສອງຊາດໄດ້ກໍ່ຮ່າງສ້າງ ຕົວຂຶ້ນໃນປະຫວັດສາດແຫ່ງການກໍ່ສ້າງ ແລະ ປົກປັກຮັກສາສ້າງສາປະເທດຊາດ, ການພົວພັນມິດຕະພາບອັນເປັນ ມູນເຊື້ອທີ່ສວຍສົດງົດງາມ, ຄວາມຜູກພັນສັດຊື່ບໍລິສຸດຂອງປະຊາຊົນສອງຊາດໄດ້ຮັບການສ້າງພື້ນຖານຈາກປະທານ ໂຮ່ ຈິ ມິນ, ປະທານໄກສອນ ພົມວິຫານ ແລະ ປະທານ ສຸພານຸວົງ ພ້ອມກັນນັ້ນກໍ່ໄດ້ຮັບການເພີ່ມພູນຄູນສ້າງ ແລະ ຖະນຸບຳລຸງຈາກການນຳແຕ່ລະຮຸ່ນຂອງສອງພັກ, ສອງລັດ ແລະ ປະຊາຊົນສອງຊາດ ຈົນກາຍເປັນມໍລະດົກອັນລ້ຳຄ່າຂອງ ສອງປະເທດ.  

     ເຊິ່ງການພົບປະດັ່ງກ່າວ ທັງສອງຝ່າຍໄດ້ຮ່ວມປຶກສາຫາລືການພົວພັນຮ່ວມມືໃນຫຼາຍດ້ານ ໂດຍສະເພາະແມ່ນ ດ້ານການຄ້າ-ການລົງທຶນ, ການແລກປ່ຽນບົດຮຽນໃນດ້ານຕ່າງໆ, ການສືບຕໍ່ຊ່ວຍເຫຼືອທາງດ້ານການສ້າງບຸກຄະລາກອນ ແລະ ອຳນວຍຄວາມສະດວກໃຫ້ແກ່ນັກສຶກສາແຂວງຄຳມ່ວນ ທີ່ໄປສຶກສາທີ່ນະຄອນດານັ້ງ ສສ ຫວຽດນາມ ລວມເຖິງວຽກງານດ້ານກະສິກຳ, ດ້ານການບໍລິການ ແລະ ອື່ນໆ.  ໃນໂອກາດນີ້ຝ່າຍຄະນະຜູ້ແທນນະຄອນດານັ້ງ ກໍ່ໄດ້ມອບທຶນການສຶກສາໃຫ້ແກ່ແຂວງຄຳມ່ວນຈຳນວນ 12 ທຶນ ພ້ອມດ້ວຍເຄື່ອງຄອມພິວເຕີ ແລະ ປຶ້ມມິດ ຕະພາບ ພິເສດລະຫວາງ ກວາງນາມ, ດານັ້ງ-ລາວ ຈຳນວນໜຶ່ງ.

 

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ປະຕິທິນ

November 2018
Mo Tu We Th Fr Sa Su
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307