ໂດຍປະຕິບັດຕາມສັນຍາວ່າດ້ວຍກົດລະບຽບຄຸ້ມຄອງຊາຍແດນ ແລະ ດ່ານຊາຍແດນລະຫວ່າງລັດຖະບານແຫ່ງ ສສ ຫວຽດນາມ  ແລະ ລັດຖະບານແຫ່ງ ສປປ ລາວ ກ່ຽວກັບການແກ້ໄຂບັນດາປະຊາຊົນທີ່ຕັ້ງພູມລຳເນົາຕາມລຳພັງໃຈ ແລະ ແຕ່ງງານບໍ່ຖືກຕາມກົດໝາຍໃນພື້ນທີ່ຊາຍແດນຂອງສອງປະເທດໂດຍສະເພາະກໍ່ຄື ການສືບຕໍ່ປະຕິບັດບົດບັນທຶກກອງປະຊຸມລະຫວ່າງຄະນະຜູ້ແທນຊາຍແດນແຂວງຄຳມ່ວນ ສປປລາວ ທີ່ໄດ້ລົງນາມກັນຢູ່ນະຄອນດົງເຫີຍ ແຂວງກວາງບິ່ງໃນປີ 2016 ຜ່ານມາ ເພື່ອເປັນການຕີລາຄາຄືນຜົນການຈັດຕັ້ງປະຕິບັດການພົວພັນຮ່ວມມືດັ່ງກ່າວວັນທີ 13 ທັນວາ 2017

     

      ຄະນະຜູ້ແທນຊາຍແດນ 2 ແຂວງໄດ້ຈັດກອງປະຊຸມຂຶ້ນທີ່ເມືອງທ່າແຂກ ແຂວງຄຳມ່ວນ ສປປ ລາວ ເຂົ້າຮ່ວມເປັນກຽດໃນກອງປະຊຸມຄັ້ງນີ້ ຝ່າຍແຂວງກວາງບິ່ງນຳໂດຍ ສະຫາຍ ຫງວຽນ ຊວນ ກວາງ ກຳມະການປະຈຳພັກແຂວງ ຮອງປະທານຜູ້ປະຈຳການຄະນະກຳມະການປະຊາຊົນແຂວງ ເປັນຫົວໜ້າຄະນະ, ຝ່າຍແຂວງຄຳມ່ວນນຳໂດຍ ສະຫາຍ ບຸນມີ ພິມມະສອນ ຮອງເລຂາພັກແຂວງ, ຮອງເຈົ້າແຂວງໆຄຳມ່ວນ ເປັນຫົວໜ້າຄະນະ ແລະ ບັນດາທ່ານການນຳ, ບັນດາພະແນກການ, ຂະແໜງການທ້ອງຖິ່ນຂອງ 2 ແຂວງເຂົ້າຮ່ວມ.ໃນກອງປະຊຸມພົບປະຄັ້ງນີ້ ທັງສອງຝ່າຍຕ່າງກໍ່ໄດ້ລາຍງານສະພາບໂດຍລວມ ຂອງການພົວພັນຮ່ວມມື ແລະ ຜົນ ສຳເລັດທີ່ໄດ້ຮັບໃນປີ 2017 ໂດຍພື້ນຖານແລ້ວຍັງແມ່ນຍັງຮັກສາໄດ້ການພົວພັນຮ່ວມມືໃນຂົງເຂດປ້ອງກັນຊາດ, ປ້ອງກັນຄວາມສະຫງົບ ແລະ ຊາຍແດນລະຫວ່າງອຳນາດການປົກຄອງແຕ່ລະຂັ້ນ, ສອງແຂວງໄດ້ເອົາໃຈໃສ່ຈັດຕັ້ງຜັນຂະຫຍາຍວຽກງານໂຄສະນາເຜີຍແຜ່ສຶກສາອົບຮົມລະບຽບກົດໝາຍກ່ຽວກັບ

ຊາຍແດນແຫ່ງຊາດໃຫ້ພະນັກງານ, ປະຊາຊົນສອງຝາກຊາຍແດນກຳແໜ້ນ ແລະ ປະຕິບັດຢ່າງເຄັ່ງຄັດບັນດານິຕິກຳຂອງສອງຊາດທີ່ໄດ້ລົງນາມ ແລະ ກົດໝາຍຂອງແຕ່ລະປະເທດແມ່ນຫລາຍຮູບແບບ, ເສັ້ນຊາຍແດນລະຫວ່າງສອງແຂວງໄດ້ຮັບການປ້ອງກັນໃຫ້ມີຄວາມປອດໄພມີຄວາມສະຫງົບທາງດ້ານການເມືອງ-ຄວາມເປັນລະບຽບຮຽບຮ້ອຍທາງສັງຄົມ, ບັນດາຫລັກໝາຍຊາຍແດນແຫ່ງຊາດໄດ້ມີການຮັບປະກັນໃຫ້ຢູ່ໃນສະພາບເດີມ ອຳນາດການປົກຄອງແຕ່ລະຂັ້ນຂອງສອງແຂວງໄດ້ອຳນວຍຄວາມສະດວກໃຫ້ປະຊາຊົນ ແລະ ນັກທຸລະກິດຢູ່ສອງຟາກຊາຍແດນລົງ ທຶນທຳການຜະລິດ ແລະ ດຳເນີນທຸລະກິດພັດທະນາເສດຖະກິດ-ສັງຄົມ, ແລກປ່ຽນສິນຄ້າການບໍລິການ ແລະ ຊ່ວຍເຫລືອເຊິ່ງກັນ ແລະ ກັນ ໃນການດຳລົງຊີວິດພ້ອມທັງ ປະຕິບັດສຳເລັດວຽກງານກວດກາສອງຝ່າຍກ່ຽວກັບປະຊາຊົນລາວ ແລະ ປະຊາ ຊົນຫວຽດນາມ ຕັ້ງພູມລຳເນົາຕາມລຳພັງໃຈ ແລະ ແຕ່ງງານບໍ່ຖືກຕ້ອງຕາມກົດໝາຍ ໃນພື້ນທີ່ເຂດຊາຍແດນຂອງສອງແຂວງ ພ້ອມນັ້ນ ຍັງໄດ້ຍົກໃຫ້ເຫັນບັນດາຂໍ້ຄົງຄ້າງພ້ອມທັງສາເຫດໃນການຈັດຕັ້ງປະຕິບັດຜ່ານມາ. ໃນໂອກາດດຽວກັນນັ້ນ ກອງປະ ຊຸມຍັງໄດ້ພ້ອມກັນປະກອບຄຳຄິດເຫັນເພື່ອແນໃສ່ເຮັດໃຫ້ເນື້ອໃນການພົວພັນຮ່ວມມືໃນປີ 2018 ມີຄວາມຄົບຖ້ວນສົມບູນ ແລະ ມີຄວາມຮັບປະກັນໃນການຈັດຕັ້ງປະຕບັດໂດຍສືບຕໍ່ເສີມຂະຫຍາຍສາຍພົວພັນຮ່ວມມືຢ່າງແໜ້ນແຟ້ນ, ເປັນປົກກະຕິລະຫວ່າງບັນດາອຳນາດການ

ປົກຄອງແຕ່ລະຂັ້ນ ແລະ ກຳລັງຄຸ້ມຄອງປ້ອງກັນຊາຍແດນຂອງສອງແຂວງ, ຈັດຕັ້ງປະຕິ ບັດວຽກງານໂຄສະນາເຜີຍແຜ່ສຶກສາອົບຮົມກ່ຽວກັບຂໍ້ກຳນົດກົດໝາຍຂອງແຕ່ລະປະເທດໃຫ້ມີປະສິດທິຜົນ, ເອົາໃຈໃສ່ຕ້ານສະກັດກັ້ນປະຊາຊົນຕັ້ງພູມລຳເນົາ ແລະ ແຕ່ງງານບໍ່ຖືກຕ້ອງຕາມກົດໝາຍລະຫວ່າງປະຊາຊົນລາວ ແລະ ປະຊາຊົນຫວຽດນາມໃນເຂດຊາຍແດນລະຫວ່າງ 2 ແຂວງ, ເພີ່ມທະວີປະສານສົມທົບກັນສືບຕໍ່ຕຕ້ານ, ສະກັດກັ້ນການລະເມີດລະບຽບກົດໝາຍໃນເຂດຊາຍແດນໃຫ້ມີປະສິດທິຜົນໂດຍສະເພາະແມ່ນສະພາບການຄ້າຂາຍເຖື່ອນ, ຂົນຍ້າຍທາດລະເບີດ, ຢາເສບຕິດຂ້າມຊາຍແດນ, ຂຸດຄົ້ນໄມ້ເຄື່ອງປ່າຂອງດົງ, ສອງຝ່າຍສ້າງເງື່ອນໄຂອຳນວຍຄວາມສະດວກໃຫ້ປະຊາຊົນ ແລະ ນັກທຸລະກິດລົງທຶນດຳເນີນທຸລະກິດການຜະລິດພັດທະນາເສດຖະກິດ, ວັດທະນະທຳ-ສັງ ຄົມໃນເຂດຊາຍແດນເອົາໃຈໃສ່ຮ່ວມມືພັດທະນາພື້ນຖານໂຄງລ່າງເຊັ່ນການຄົມມະນາຄົມ, ການສຶກສາ, ສາທາລະນະສຸກ, ຊົນລະປະທານ, ພະລັງງານ ແລະ ອື່ນໆ. ສ້າງເງື່ອນໄຂສະດວກ ແລະ ຊ່ວຍເຫລືອກັນ ແລະ ພ້ອມກັນພັດທະນາ, ສຳລັບຜູ້ທີ່ຕັ້ງພູມລຳເນົາຕາມລຳພັງໃຈສອງແຂວງເປັນເອກະພາບກັນມອບໃຫ້ຂະແໜງການທີ່ກ່ຽວຂ້ອງດຳເນີນການປະກອບເອກະສານໃນການໃຫ້ສັນຊາດຂຶ້ນຖະບຽນສຳມະໂນຄົວ, ທະບຽນທີ່ຢູ່ປະຈຸບັນເອກະສານທີ່ຈຳເປັນອື່ນໆ, ສຳລັບຄູ່ຜົວເມຍທີ່ແຕ່ງງານບໍ່ຖືກ ຕ້ອງຕາມກົດໝາຍສອງແຂວງເອກະພາບກັນມອບໃຫ້ຂະແໜງການທີ່ກ່ຽວຂ້ອງປະກອບເອກະສານແຕ່ງດອງ ແລະ ເອກະສານ ອື່ນໆ ຕາມການກຳນົດຂອງກົດໝາຍແຕ່ລະປະເທດບົນຫລັກການມະນຸດສະທຳເຄົາລົບຮີດຄອງປະເພນີຂອງກັນ ແລະ ກັນ. ໃຫ້ກຽດລົງນາມໃນບົດບັນທຶກການຮ່ວມມືຄັ້ງນີ້ ຝ່າຍຄຳມ່ວນ ເຊັນໂດຍ ສະຫາຍ ບຸນມີ ພິມມະສອນ ຮອງເລຂາພັກແຂວງ, ຮອງເຈົ້າແຂວງໆຄຳມ່ວນ ຝ່າຍແຂວງກວາງບິ່ງເຊັນໂດຍ ສະຫາຍ ຫງວຽນ ຊວນ ກວາງ ກຳມະການປະຈຳພັກແຂວງ ຮອງປະທານຜູ້ປະຈຳການຄະນະກຳມະການປະຊາຊົນແຂວງ ໂດຍມີຄະນະຜູ້ແທນທັງສອງຝ່າຍເຂົ້າຮ່ວມເປັນສັກຂີພະຍານ.

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ປະຕິທິນ

November 2018
Mo Tu We Th Fr Sa Su
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307