ວັນ​ທີ່ 15 ກັນ​ຍາ 2015: ກອງ​ປະ​ຊຸມ​ເຮັດ​ວຽກ​ສະ​ເພາະ​ກິດ​ຮ່ວມ​ລາວ-ໃທ ເພື່ອກວດ​ກາ​ຄວາມ​ພ້ອມ​ໃນ​ການ​ເປີດ-ຍົກ​ລະ​ດັບ​ດ່ານ​ເພີ່ມ​ເຕີມ​ລະ​ຫວ່າງ​ເມືອງ​ຂອງ​ລາວ ກັບ​ອຳ​ເພີ​ຂອງ​ໃທ​ທີ່​ມີ​ຊາຍ​ແດນ​ຕິດ​ຈອດ​ກັນ​ຄັ້ງ​ທີ່ 2 ເພື່ອ​ຕິດ​ຕາມ​ຄວາມ​ຄືບ​ໜ້າ​ໃນ​ການ​ເປີດ​ຈຸດ​ຜ່ານ​ແດນ-ຍົກ​ລະ​ດັບ​ດ່ານ ລາວ-ໃທ ຕາມ​ຜົນ​ກອງ​ປະ​ຊຸມ​ຄະ​ນະ​ເຈົ້າ​ແຂວງ ແລະ ຜູ້​ວ່າ​ລາ​ຊະ​ການ​ຈັງ​ຫວັດ​ຊາຍ​ແດນ ລາວ-ໃທ ຄັ້ງ​ທີ່ 9 ລະ​ຫ່​ວາງວັນ​ທີ່ 06-08 ມີ​ນາ 2013, ທີ່​ກຸງ​ເທບ​ມະ​ຫາ​ນະ​ຄອນ ລາ​ຊະ​ອາ​ຈັກ​ໃທ ແລະ ເພື່ອ​ຂະຫຽາຍຜົນ​ການ​ປະ​ຕິ​ບັດ​ຂໍ້​ຕົກ​ລົງ, ວ່າ​ດ້ວຍ​ການ​ເດີນ​ທາງ​ຂ້າມ​ແດນ ລະ​ຫ່​ວາງ​ລັດ​ຖະ​ບານ​ລາວ ກັບ ລັດ​ຖະ​ບານ​ໃທ, ສະ​ບັບ​ລົງ​ວັນ​ທີ່ 20 ມີ​ນາ 1997 ເພື່ອ​ໃຫ້​ປະ​ຊາ​ຊົນ​ສອງ​ປະ​ເທດ​ສາ​ມາດ​ໄປ​ມາ​ຫາ​ສູ່​ກັນ​ໂດຍ​ສະ​ດວກ, ພາຍ​ໄຕ້​ການ​ເປັນ​ປະ​ທານ​ຮ່ວມ​ຝ່າຍ​ລາວ

 

    ທ່ານ ພັອ ດ​ຣ ບົວ​ວັນ ວົງ​ສາ​ວັນ​ທອງ, ຮອງ​ຫົວ​ໜ້າກົມໃຫ​ຍ່ ສັນ​ຕິ​ບານ, ກະ​ຊວ​ງ​ປ້ອງ​ກັນ​ຄວາມ​ສະ​ຫງົບ ແຫ່ງ ສ​ປ​ປ ລາວ ແລະ ຝ່າຍ​ໃທ ທ່ານ ອະ​ພິ​ນັນ ຊື່​ທາ​ນຸ​ວົງ, ຮອງ​ປະ​ຣັດ​ກະ​ຊວງ​ມະ​ຫາໄທ ແຫ່ງ​ລາ​ຊະ​ອາ​ຈັກ​ໃທ;.

  ກອງ​ປະ​ຊຸມ​ໄດ້​ທົບ​ທວນ​ຄືນ​ການ​ເປີດ-ຍົກ​ລະ​ດັບ​ດ່ານ​ເພີ່ມ​ເຕີມ ລະ​ຫ່​ວາງ​ເມືອງ​ຂອງ​ລາວ ກັບ​ອຳ​ເພີ​ຂອງ​ໃທ​ທີ່​ມີ​ຊາຍ​ແດນ​ຕິດ​ຈອດ​ກັນ​ຄັ້ງ​ທີ່ 1 ກ່ຽວ​ກັບ​ຄວາມ​ແຕກ​ຕ່າງ​ ລະ​ຫວ່າງ​ດ່ານ​ຂອງ​ລາວ ແລະ ຈຸດ​ຜ່ານ​ແດນ​ຂອງ​ໃທ ທາງ​ດ້ານ​ລາຍ​ລະ​ອຽດ, ຫລັກ​ການ ແລະ ທິດ​ທາງ​ປະ​ຕິ​ບັດ ໃນ​ການ​ອະ​ນຸ​ຍາດ ການ​ຜ່ານ​ແດນ ໂດຍ​ຝ່າຍ​ລາວ​ມີ​ດ່ານ​ຜ່ານ​ແດນ 3 ປະ​ເພດ​ຄື: ດ່ານ​ສາ​ກົນ, ດ່ານ​ທ່ອງ​ຖີ່ນ ແລະ ດ່ານ​ປາ​ເພ​ນີ, ຝ່າຍ​ໃທ​ມີ​ຈຸດ​ຜ່ານ​ແດນ 2 ປະ​ເພດ​ຄື: ຈຸດ​ຜ່ານ​ແດນ​ຖາ​ວອນ ແລະ ຈຸດ​ຜ່ອນ​ຜົນ​ການ​ຄ້າ, ຊຶ່ງ​ເຮັດ​ໃຫ້ເກີດບັນ​ຫາ​ການ​ອະ​ນຸ​ຍາດ​ຜ່ານ​ແດນໃນການ​ປະ​ຕິ​ບັດ​ເຊັນ: ດ່ານ​ທ່ອງ​ຖີ່ນ​ເປັນ​ຈຸດ​ຜ່ານ​ແດນ​ທີ່​ຝ່າຍ​ລາວ ອະ​ນຸ​ຍາດ​ໃຫ້​ປະ​ຊາ​ຊົນ​ສອງ​ຝ່າຍ​ໄຊ້​ໜັງ​ສື​ເດີນ​ທາງ, ບັດ​ຜ່ານ​ແດນ ແລະ ບັດ​ຜ່ານ​ແດນ​ຊົ່ວ​ຄາວ​ເດີນ​ທາງ​ເຂົ້າ-ອອກ​ໄດ້, ແຕ່​ບໍ​ສາ​ມາດ​ອະນຸຍາດ​ໃຫ້​ປະ​ຊາ​ຊົນ​ຂອງປະ​ເທດ​ທີ່​ສາມຜ່ານ​ເຂົ້າ-ອອກ​ໄດ້, ສຳ​ລັບ​ຝ່າຍ​ໃທ​ບໍ​ມີ​ຈຸດ​ຜ່ານ​ແດນ​ໃນ​ລັກ​ສະ​ນະ​ນີ້ ຊຶ່ງ​ຝ່າຍ​ໃທ​ໄດ້​ແຈ້ງ​ໃຫ້​ຊາບ​ວ່າ ປະ​ຈຸ​ບັນ​ຈຸດ​ຜ່ານ​ແດນ​ຂອງ​ໃທ​ທີ່​ຢູ່​ກົງ​ກັນ​ຂ້າມ​ດ່ານ​ທ່ອງ​ຖີ່ນ​ຂອງ​ລາວ​ ທຸກ​ແຫ່ງ ຍົກ​ເວັ້ນ​ຈຸດ​ຜ່ອນ​ຜົນ​ບ້ານ​ຢາ​ຄຸ, ອຳ​ເພ​ຊາ​ນຸ​ມານ, ຈັງ​ຫວັດ​ອຳ​ນາດ​ຈ​ະເລີນ ເປັນ​ຈຸດ​ຜ່ານ​ແດນ​ຖາ​ວອນ ຊຶ່ງ​ທາງ​ການ​ໃທ​ ອະ​ນຸ​ຍາດ​ໃຫ້​ປະ​ຊາ​ຊົນ​ສອງ​ຝ່າຍ​ໃຊ້​ໜັງ​ສື​ຜ່ານ​ແດນ, ບັດ​ຜ່ານ​ແດນ, ບັດ​ຜ່ານ​ແດນ​ຊົ່ວ​ຄາວ ແລະ ປະ​ຊາ​ຊົນ​ປະ​ເທດ​ທີ່​ສາມ​ໃຊ້​ໜັງ​ສື​ຜ່ານ​ແດນ​ເຂົ້າ-ອອກ​ໄດ້;.​

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ປະຕິທິນ

November 2018
Mo Tu We Th Fr Sa Su
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307