ງານແຂ່ງຂັນເຮືອຊ່ວງ ປະຈຳປີ 2018 ທີ່ອ່າງເກັບນໍ້າ-ນ້ຳເທີນ2 ເມືອງນາກາຍ ແຂວງຄຳມ່ວນ ໄດ້ຈັດຂຶ້ນໃນລະຫວ່າງວັນທີ 12-13 ຕຸລາ ເຂົ້າຮ່ວມໃນພິທີປິດການແຂ່ງຂັນເຮືອຊ່ວງຄັ້ງນີ້ມີ ທ່ານ ບຸນມາ ສຸດສະດາວອນ ຫົວໜ້າ ອົງການໄອຍະການປະຊາຊົນແຂວງ, ທ່ານ ສົມພົງ ວັນໄພທອງ ເຈົ້າເມືອງໆນາກາຍ, ມີບັນດາພະແນກການອ້ອມ ຂ້າງແຂວງ, ຂະແໜງການອ້ອມຂ້າງເມືອງ ແລະ ພາກສ່ວນຕ່າງໆທີ່ກ່ຽວຂ້ອງເຂົ້າຮ່ວມ. ຕະຫຼອດໄລຍະການແຂ່ງຂັນແມ່ນມີມວນຊົນທັງພາຍໃນເມືອງ, ຕ່າງເມືອງເຂົ້າຮ່ວມຊົມຮ່ວມເຊຍຢ່າງຄັບຄາ ໜາແໜ້ນ ແລະ ຄຶກຄື້ນມ່ວນຊື່ນ ເຊິ່ງປະກອບມີເຮືອເຂົ້າຮ່ວມແຂ່ງຂັ້ນ

ທັງໝົດ 20 ລໍາ. ໃນນີ້ມີປະເພດເຮືອຊາຍໃຫຍ່- ຍິງໃຫຍ່ ຮຸ້ນ 13-15 ສີພາຍ, ຊາຍນ້ອຍ-ຍິງນ້ອຍ ຮຸ້ນ 09-12 ສີພາຍ,  ຜົນການແຂ່ງຂັນ ອັນດັບທີ I ປະເພດຍິງນ້ອຍ ໄດ້ແກ່ເຮືອເຈົ້າແມ່ນາທີທອງ, ອັນດັບທີ II ເຮືອນໍ້ານຽນນຳໂຊກ, ອັນດັບທີ III ເຮືອເຈົ້າພໍ່ຄໍາດີ ແລະ ອັນດັບ IV ເຮືອຊາວມັງກອນ, ປະເພດຊາຍນ້ອຍ ອັນດັບທີ I ເຮືອເຈົ້າແມ່ນາທີທອງ, ອັນດັບ II ເຮືອເຈົ້າແມ່ກວາງຄໍາ, ອັນດັບທີ III ເຮືອເຈົ້າແມ່ຄູນຊັບ ແລະ ອັນດັບທີ IV ເຮືອນໍ້ານຽນນໍາໂຊກ, ປະເພດເຮືອຍິງໃຫຍ່ ອັນດັບທີ I ເຮືອຫົງຄໍາ, ອັນດັບທີ II ເຮືອເຈົ້າແມ່ນາທີທອງ, ອັນດັບທີ III ເຮືອນໍ້ານຽນນໍາໂຊກ ແລະ ອັນດັບທີ IV ເຮືອເຈົ້າແມ່ມິ່ງເມືອງ, ປະເພດຊາຍໃຫຍ່ ອັນດັບທີ I ເຮືອນາເໜືອ ເມືອງຫີນບູນ, ອັນດັບທີ II ເຮືອເທບສົມບັດ 2, ອັນດັບທີ III ເຮືອເທບສົມບັດ 1 ແລະ ອັນດັບທີ IV ເຮືອ ປກສ ເມືອງຄໍາເກີດ. ສໍາລັບລາງວັນໃນການແຂ່ງຂັນ ປະເພດຍິງນ້ອຍ-ຊາຍນ້ອຍ ໄດ້ອັນດັບທີ I ໄດ້ຮັບເງິນສົດ ຈໍານວນ 3 ລ້ານກີບພ້ອມຂັນ 1 ໜ່ວຍ, ອັນດັບທີ II ຮັບເງິນສົດ 2 ລ້ານກີບ,

ອັນດັບທີ III ເງິນສົດ 1 ລ້ານກີບ ແລະ ອັນດັບທີ IV  ເງິນສົດ 5 ແສນກີບ. ປະເພດຍິງໃຫຍ່-ຊາຍໃຫຍ່ ອັນດັບທີ I ໄດ້ຮັບເງິນສົດ ຈໍານວນ 4 ລ້ານກີບ ພ້ອມຂັນ 1 ໜ່ວຍ, ອັນດັບທີ II ເງິນສົດຈຳນວນ 3 ລ້ານກີບ, ອັນດັບທີ III ຈໍານວນ 2 ລ້ານກີບ ແລະ ອັນດັບທີ IV ຈໍານວນ 1 ລ້ານກີບ. ນອກຈາກກິດຈະກຳການແຂ່ງຂັນເຮືອຊ່ວງແລ້ວ ຍັງມີຄະນະສະມາຄົມເຮືອແຈັສກີ້ ມາຮ່ວມແຂ່ງ ເພື່ອສ້າງສີສັນໃຫ້ແກ່ງານດັ່ງກ່າວ ເຊິ່ງມີເຮືອແຈັສກີ້ເຂົ້າຮ່ວມຈຳນວນ 07 ລຳ, ນອນກນັ້ນກໍ່ມີການວາງ ສະແດງສິນຄ້າ, ຜະລິດຕະພັນ, ເຄື່ອງຫັດຖະກຳຕ່າງໆ ພິເສດແມ່ນຮ້ານວາງສະແດງສິນຄ້າຈາກບໍລິສັດໄຟຟ້ານ້ຳເທີນ 2 ທີ່ມີຫຼາກຫຼາຍກິດຈະກຳ ເປັນຕົ້ນແມ່ນກິດຈະກຳເພື່ອຄວາມປອດໄພ, ການວາງສະແດງຮູບພາບທີ່ສ່ອງແສງເຖິງການ ດຳລົງຊີວິດຂອງປະຊາຊົນໃນເຂດໂຄງການ ລວມເຖິງຜະລິດຕະພັນຕ່າງໆຂອງປະຊາຊົນເຂດຍົກຍ້າຍຈັດສັນ ແລະ ອື່ນໆ. ໂອກາດດັ່ງກ່າວທາງບໍລິສັດໄຟຟ້ານ້ຳເທີນ 2 ຍັງໄດ້ມອບເງິນສົດ ຈຳນວນ 10 ລ້ານກີບເພື່ອປະກອບສ່ວນ ເຮັດໃຫ້ງານດັ່ງກ່າວບັນລຸຕາມຄາດໝາຍ ມອບໂດຍທ່ານ  ໂອລິວິເຢ ດິດຣີ ຜູ້ອຳນວຍການໃຫຍ່ ບໍລິສັດໄຟຟ້ານ້ຳເທີນ 2 ແລະ ຮັບໂດຍທ່ານ ສົມພົງ ວັນໄພທອງ ເຈົ້າເມືອງໆນາກາຍ.

ຂ່າວ: ກອງຄຳ

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ປະຕິທິນ

December 2018
Mo Tu We Th Fr Sa Su
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307