ເພື່ອເປັນການຊຸກຍູ້ ແລະ ກະກຽມກອງປະຊຸມໃຫຍ່ ຂອງຄະນະບໍລິຫານງານຊາວໜຸ່ມເມືອງ ໃນ 10 ຕົວເມືອງຂອງແຂວງ ໃຫ້ປະສົບຜົນສໍາເລັດຕາມຄາດໝາຍທີ່ໄດ້ວາງໄວ້. ໃນວັນທີ 19 ຕຸລາ 2018 ທີ່ຜ່ານມານີ້ ຄະນະບໍລິຫານງານຊາວໜຸ່ມແຂວງ ນໍາໂດຍ ສະຫາຍ ນາງ ວົງພະຈັນ ສີບຸນເຮືອງ ກໍາມະການສູນກາງ ຊປປລ ເລຂາ ຄະນະບໍລິຫານງານຊາວໜຸ່ມແຂວງຄໍາມ່ວນ ພ້ອມດ້ວຍທີມງານ ຂອງຊາວໜຸ່ມແຂວງ ໄດ້ລົງຊຸກຍູ້ ແລະ ກະກຽມກອງປະຊຸມໃຫຍ່ຄັ້ງທີ V ຜູ້ແທນຊາວໜຸ່ມທົ່ວເມືອງນາກາຍ ພ້ອມທັງທາບທາມບຸກຄະລາກອນເຂົ້າໂຄງປະກອບ ຂອງຄະນະບໍລິຫານງານຊາວໜຸ່ມເມືອງຊຸດໃໝ່ ຮອບທີ I ເປັນກຽດເຂົ້າຮ່ວມ

ຂອງສະຫາຍ ນາງ ບົວກາ ແກ້ວມະນີ ຄະນະປະຈໍາພັກເມືອງ ຫົວໜ້າຄະນະຈັດຕັ້ງເມືອງ ຜູ້ຊີ້ນໍາອົງການຈັດຕັ້ງມະຫາຊົນເມືອງນາກາຍ, ມີບັນດາສະຫາຍ ຄະນະບໍລິຫານງານຊາວໜຸ່ມເມືອງ, ຄະນະຮາກຖານ-ຄະນະໜ່ວຍຊາວໜຸ່ມຫ້ອງການອ້ອມຂ້າງເມືອງ ເຂົ້າຮ່ວມທັງໝົດ 120 ສະຫາຍ, ຍິງ 42 ສະຫາຍ. ສະຫາຍ ນາງ ສີສົມພອນ ພົມມະວົງ ຮອງເລຂາຊາວໜຸ່ມເມືອງນາກາຍ ໄດ້ຂຶ້ນຜ່ານບົດລາຍງານການເຄື່ອນໄຫວ ວຽກງານຊາວໜຸ່ມພາຍໃນເມືອງໂດຍຫຍໍ້ ໂດຍສະເພາະແມ່ນການກະກຽມກອງປະຊຸມໃຫຍ່ຂັ້ນເມືອງ ໃນນັ້ນ ທ່ານ ໄດ້ຍົກໃຫ້ເຫັນການຈັດຕັ້ງປະຕິບັດ ວຽກງານການເຄື່ອນໄຫວໃນໄລຍະຜ່ານມາ ເປັນຕົ້ນແມ່ນ  ວຽກງານປັບປຸງອົງການຈັດຕັ້ງຊາວໜຸ່ມຂັ້ນຮາກຖານ ແລະ  ໜ່ວຍຊາວໜຸ່ມຂອງເມືອງ ເຊຶ່ງໜ່ວຍທີ່ຍັງບໍ່ໄດ້ຈັດຕັ້ງປະຕິບັດ ແມ່ນໄດ້ສືບຕໍ່ດໍາເນີນໄປຢ່າງເປັນປົກກະຕິ ເພື່ອກະກຽມໃຫ້ແກ່ການເປີດຂອງປະຊຸມໃຫຍ່ຂັ້ນເມືອງ.

       ໃນກອງປະຊຸມ ສະຫາຍ ນາງ ວົງພະຈັນ ສີບຸນເຮືອງ ເລຂາຄະນະບໍລິຫານງານຊາວໜຸ່ມແຂວງຄໍາມ່ວນ ໄດ້ມີຄໍາເຫັນ ເຖິງການກະກຽມກອງປະຊຸມໃຫຍ່ຄັ້ງນີ້ ເຊິ່ງໃນນັ້ນ ທ່ານໄດ້ລົງເລິກກ່ຽວກັບວຽກງານ ຂະບວນການຕ່າງໆ ຂອງຊາວໜຸ່ມ ເປັນຕົ້ນແມ່ນຂະບວນການ 4 ບຸກ ເພື່ອເປັນການຄໍານັບຮັບຕ້ອນກອງປະຊຸມໃຫຍ່ຄັ້ງທີ V ຜູ້ແທນຊາວໜຸ່ມທົ່ວເມືອງ ພ້ອມນັ້ນ ໄດ້ຜ່ານເງື່ອນໄຂມາດຖານ ຂອງຜູ້ທີ່ຈະມາເປັນຄະນະບໍລິຫານງານຊາວໜຸ່ມເມືອງຊຸດໃໝ່ ແລະ ໄດ້ດໍາເນີນການປ່ອນບັດທາບທາມ ຄັດເລືອກເອົາບຸກຄະລາກອນ ເຂົ້າໂຄງປະກອບ ຂອງຄະນະບໍລິຫານງານຊາວໜຸ່ມເມືອງນາກາຍຊຸດໃໝ່ ສະໄໝທີ V ຮອບທີ I.

       ຕອນທ້າຍ ສະຫາຍ ນາງ ບົວກາ ແກ້ວມະນີ ຄະນະປະຈໍາພັກເມືອງ ຫົວໜ້າຄະນະຈັດຕັ້ງເມືອງ ຜູ້ຊີ້ນໍາອົງການຈັດຕັ້ງມະຫາຊົນເມືອງ ໄດ້ໃຫ້ກຽດມີຄໍາເຫັນໂອ້ລົມຕໍ່ກອງປະຊຸມ ເຊິ່ງທ່ານໄດ້ເນັ້ນໝັກໃຫ້ອານຸຮັບຜິດຊອບກອງປະຊຸມຂັ້ນເມືອງຫຼາຍບັນຫາ ເປັນຕົ້ນແມ່ນການສ້າງຂະບວນການຕ່າງໆ ໃນການຕ້ອນຮັບກອງປະຊຸມໃຫຍ່ຂັ້ນເມືອງ ແລະ ການທາບທາມບຸກຄະລາກອນໃສ່ໂຄງປະກອບ ຂອງຄະນະບໍລິຫານງານຊາວໜຸ່ມເມືອງຊຸດໃຫມ່ ໃຫ້ໄດ້ຜູ້ທີ່ມີຄວາມຮູ້, ຄວາມສາມາດ ແລະ ຄຸນທາດການເມືອງທີດີ ເພື່ອມາພັດທະນາວຽກງານຊາວໜຸ່ມໃຫ້ສົມກັບພັກຂະໜານນາມ  ຊາວໜຸ່ມເປັນແຂນຂວາຂອງພັກ ເປັນກະດູກສັນຫຼັງຂອງຊາດ .

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ປະຕິທິນ

November 2018
Mo Tu We Th Fr Sa Su
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307