ໃນວັນທີ 1 ກຸມພາ 2019 ທີ່ຫ້ອງປະຊຸມ ພະແນກກະສິກຳ ແລະ ປ່າໄມ້ແຂວງຄຳມ່ວນ ໄດ້ຈັດກອງປະຊຸມໃຫຍ່ ຄັ້ງທີ V ຂອງຮາກຖານຊາວໜຸ່ມພະແນກກະສິກຳ ແລະ ປ່າໄມ້ແຂວງ ຂຶ້ນໂດຍການເປັນປະທານຂອງ ທ່ານ ຄຳແສງ ແສງທອງນາລິນ ເລຂາຊາວໜຸ່ມຮາກຖານພະແນກກະສິກຳ ແລະ ປ່າໄມ້ແຂວງ, ເປັນກຽດເຂົ້າຮ່ວມມີ ທ່ານ ນາງ ອາລີ ບົວຈູມ ຮອງເລຂາຄະນະບໍລິຫານງານຊາວໜຸ່ມແຂວງ, ທ່ານ ເດດສັກດາ ມະນີຄຳ ຮອງຫົວໜ້າພະແນກກະສິກຳ ແລະ ປ່າໄມ້ແຂວງ, ມີບັນດາຂະແໜງການຕ່າງໆ ອ້ອມຂ້າງພະແນກ ຕະຫຼອດຮອດສະມາຊິກຊາວໜຸ່ມພາຍໃນພະແນກດັ່ງກ່າວເຂົ້າຮ່ວມ.


      ໃນວາລະກອງປະຊຸມ ທ່ານນາງ ອຳມະລາ ໄຊຍະວົງ ຄະນະເລຂາຮາກຖານຊາວໜຸ່ມພະແນກກະສິກໍາ ແລະ ປ່າໄມ້ແຂວງ ໄດ້ສະຫຼຸບຕີລາຄາຄືນ ການເຄື່ອນໄຫວຊີ້ນຳ-ນຳພາວຽກງານຕ່າງໆພາຍໃນຮາກຖານ. ເຊິ່ງຮາກຖານພະແນກກະສິກຳ ແລະ ປ່າໄມ້ແຂວງ ປະກອບມີ 11 ໜ່ວຍທີ່ຂຶ້ນກັບ, ມີຄະນະ 7 ທ່ານ, ມີສະມາຊິກຊາວໜຸ່ມທັງໝົດ 199 ຄົນ, ທຽບໃສ່ກອງປະຊຸມໃຫຍ່ ຄັ້ງທີ IV ເພີ່ມຂຶ້ນ 28,4%. ໃນນັ້ນມີສະມາຊິກພັກ 96 ສະຫາຍ, ຍິງ 43 ສະຫາຍ. ດ້ານການເຄື່ອນໄຫວວຽກງານວິຊາສະເພາະ ແມ່ນໄດ້ອີງໃສ່ທ່າແຮງທີ່ຕັ້ງພູມສັນຖານຂອງແຂວງທີ່ມີຄວາມ ເໝາະສົມໃນການສົ່ງເສີມກະສິກຳ ໂດຍສະເພາະແມ່ນການປູກເຂົ້າ ແລະ ລ້ຽງສັດ ໂດຍຖືເອົາຄອບຄົວຊາວກະສິກອນ ເປັນຈຸດເລີ່ມ ແລະ ເປັນຫົວໜ່ວຍຕົ້ນຕໍໃນການຜະລິດ, ເປັນຕົ້ນແມ່ນການຜະລິດເຂົ້າ, ສະບຽງອາຫານ, ການຜະລິດເປັນສິນຄ້າໄດ້ຂະຫຍາຍຕົວຢ່າງກ້ວາງຂວາງ ໂດຍສະເພາະແມ່ນການປູກພືດເປັນເສດຖະກິດ, ການລ້ຽງສັດເປັນຝາມ,

ການນຳໃຊ້ເຕັກນິກວິທະຍາສາດເຂົ້າຮັບໃຊ້ສັງຄົມ, ເພື່ອຄໍ້າປະກັນການບໍລິໂພກພາຍໃນຢ່າງໝັ້ນຄົງ ແລະ ສົ່ງອອກ. ພາຍໃຕ້ການຊີ້ນຳ-ນຳພາຂອງຄະນະພັກ, ຄະນະພະແນກກະສິກຳ ແລະ ປ່າໄມ້ແຂວງ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໃນແຕ່ລະປີຂອງຂົງເຂດກະສິກຳ ແລະ ປ່າໄມ້ ກໍ່ຄືການປະຕິບັດເນື້ອໃນຂໍ້ແຂ່ງຂັນ 4 ບຸກ ຂອງຊາວໜຸ່ມໃຫ້ປະກົດຜົນເປັນຈິງໃນແຕ່ລະດ້ານ. ຜ່ານມາບັນດາສະມາຊິກຊາວໜຸ່ມໄດ້ຕັ້ງໜ້າເອົາໃຈໃສ່ປະກອບສ່ວນເຫື່ອແຮງ, ຄວາມຮູ້, ຄວາມສາມາດ ແລະ ສະຕິປັນຍາເຂົ້າໃນການຈັດຕັ້ງປະຕິບັດໜ້າທີ່ວຽກງານຂອງສະມາຊິກຊາວໜຸ່ມ ເປັນກຳລັງແຮງງານຢູ່ໃນແຕ່ລະຂະແໜງອ້ອມຂ້າງພະແນກ ເຊິ່ງມີຜົນງານປະກອບສ່ວນໃນແຕ່ລະດ້ານ ແລະ ເພື່ອເປັນການສືບຕໍ່ຊີ້ນຳ-ນຳພາ ວຽກງານຕ່າງໆໃນຮາກຖານຊາວໜຸ່ມພະແນກກະສິກຳ ແລະ ປ່າໄມ້ແຂວງນັ້ນ ກອງປະຊຸມຄັ້ງນີ້ ຍັງໄດ້ປ່ອນບັດເລືອກເອົາຄະນະຮາກຖານຊາວໜຸ່ມຊຸດໃໝ່ ເຊິ່ງມີຜູ້ສະໝັກທັງໝົດ 11 ທ່ານ, ເລືອກເອົາ 9 ທ່ານ, ກອງປະຊຸມຄັ້ງປະຖົມມະລຶກ ໄດ້ເປັນເອກະສັນກັນເລືຶອກເອົາ ທ່ານ ບຸນທະວີ ຫວັນນະບົວທອງ ເປັນເລຂາຊາວໜຸ່ມຊຸດໃໝ່, ທ່ານ ສຸກສາຄອນ ປານີວົງ ເປັນຮອງເລຂາ ທັງເປັນປະທານກວດກາ, ທ່ານນາງ ອຳມະລາ ໄຊຍະວົງ ເປັນຮອງເລຂາ. ທ່ານ ອຸດາລອນ ສີຫາລາດ, ທ່ານນາງ ສີສະຫວ່າງ ສຳສຸກຖາວົງ, ທ່ານ ສີວິໄຊ ໄຂພອນທະວີ, ທ່ານ ອຸດອນ ນວນຜາລີ, ທ່ານ ເກດສະໜາ ສີໄສ ແລະ ທ່ານ ຂວັນໃຈ ສີບຸນເຮືອງ ເປັນຄະນະກຳມະການ.

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ປະຕິທິນ

April 2019
Mo Tu We Th Fr Sa Su
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307