ຊຸດ​ຝຶກ​ອົບຮົມ​ສ້າງ​ຄວາມ​ເຂັ້ມ​ແຂງ​ທາງ​ດ້ານ​ວຽກງານ​ສ້າງ​ຄອບຄົວ ​ແລະ ບ້ານ​ສາມັກຄີ​ປອງ​ດອງ​ໃຫ້​ແກ່​ອົງການ​ແນວ​ລາວ​ສ້າງ​ຊາດ​ແຂວງ​ຄຳ​ມ່ວນ ​ໄດ້​ຈັດ​ຂຶ້ນ​ໃນ​ວັທີ 21 ກັນຍາ 2017 ທີ່​ຫ້ອງ​ວ່າການ​ປົກຄອງ​ແຂວງ ​ໂດຍ​ການ​ເປັນ​ປະທານ​ຂອງ​ທ່ານ ​ແສງ​ທອງ ພະ​ຄຸນ​ທອງ ປະທານ​ແນວ​ລາວ​ສ້າງ​ຊາດ​ແຂວງ, ມີ​ຄະນະພ້ອມວິຊາ​ການ​ຈາກ​ແນວ​ລາວ​ສ້າງ​ຊາດ​ແຂວງ ​ແລະ 10 ຕົວ​ເມືອງ​ທົ່ວ​ແຂວງ​ເຂົ້າ​ຮ່ວມ. ຂະ​ບວນການ​ສ້າງ​ຄອບຄົວ ​ແລະ ບ້ານ​ສາມັກ​ຄີ​ປອງ​ດອງແມ່ນໜຶ່ງ​ໃນ​ມາດຕະຖານ​ຂອງ​ຄອບຄົວ​ພັດທະນາ ​ແລະ ບ້ານ​ພັດທະນາ​ຂອງ​ລັດຖະບານ ​ເພື່ອ​ຜັນ​ຂະຫຍາຍ​ນະ​ໂຍບາຍ​ແນວ​​ໂຮມ​ຂອງ​ພັກ, ​ເສີມ​ຂະຫຍາຍ​ມູນ​ເຊື້ອ​ຄວາມ​ສາມັກຄີ​ປອງ​ດອງ​ປະຊາຊົນ​ລາວ​ບັນດາ​ເຜົ່າ​ທີ່​ມີ​ມາ​ແຕ່​ດົນ​ນານ​ເຂົ້າ​ໃນ​ພາລະກິດ​ປົກ​ປັກ​ຮັກສາ

​ແລະ ສ້າງສາ​ພັດທະນາ​ປະ​ເທດ​ຊາດ, ​ປະຕິບັດ​ຄວາມ​ສະ​ເໜີພາບ ​ແລະ ສ້າງ​ສະຕິຊາດ​ອັນໜຶ່ງອັນ​ດຽວ, ສຶກສາ​ອົບຮົມ, ປຸກລະດົມ ​ແລະ ​ເສີມ​ຂະ​ຫຍາ​ຍສິດ​ເປັນ​ເຈົ້າ​ປະ​ເທດ​ຊາດ, ​ເປັນ​ເຈົ້າ​ຕົນ​ເອງ​ຂອງ​ປະຊາຊົນ​ລາວ​ບັນດາ​ເຜົ່າ​ເຂົ້າ​ຮ່ວມ​ຂະ​ບານ​ການ​ຕ່າງໆຂອງ​ພັກ-ລັດ ​ແນ​ໃສ່​ແກ້​ໄຂ​ຄວາມທຸກ​ຍາກ​ຂອງ​ຄອບຄົວ ​ແລະ ນຳພາ​ປະ​ເທດ​ຊາດຫຼຸດພົ້ນ​ອອກ​ຈາກ​ສະຖານະ​ພາບຄວາມ​ດ້ອຍ​ພັດທະນາ​ໃນ​ປີ 2020, ທັງ​ເປັນ​ການ​ເຕົ້າ​ໂຮມ​ຄວາມ​ສາມັກຄີ​ປອງ​ດອງ​ທົ່ວ​ປວງ​ຊົນ ​ໂດຍ​ເອົາ​ຫົວໜ່ວຍຄອບ​ຄົວ ​ແລະ ຮາກ​ຖານ​ບ້ານ​ເປັນ​ໃຈກາງ ​ໂດຍ​ມີ​ມາດ​ຕະຖານ​ເພື່ອ​ເປັນ​ບ່ອນ​ອີງ​ໃ​ຫ້​ແກ່

​ອົງການ​ແນວ​ລາວ​ສ້າງ​ຊາດ​ແຕ່ລະ​ຂັ້ນ​ເພື່ອ​ນຳ​ໄປຈັດ​ຕັ້ງ​ປະຕິບັດ​ໃຫ້​ເປັນ​ເອກະ​ພາບ​ກັນ​​ໃນ​ຂອບ​ເຂດ​ທົ່ວ​ປະ​ເທດ. ເຊິ່ງ​ໃນ​ໂອກາດຝຶກ​ອົບຮົມ​ດັ່ງກ່າວ ຍັງ​ໄດ້​ຜ່ານ​ຂໍ້​ຕົກລົງ​ຂອງ​ສູນ​ກາງ​ແນວ​ລາວ​ສ້າງ​ຊາດ ວ່າ​ດ້ວຍ​ມາດຕະຖານຄອບຄົວ ​ແລະ ບ້ານ​ສາມັກຄີ​ປອງ​ດອງ, ຂໍ້​ຕົກລົງ​ວ່າ​ດ້ວຍ​ການ​ແຕ່ງ​ຕັ້ງ​ຄະນະ​ຊີ້​ນຳ ​ແລະ ອະນຸ​ກຳມະການ​ຊ່ວຍ​ວຽກ ຂະ​ບວນການ​ສ້າງ​ຄອບຄົວ ​ແລະ ບ້ານ​ສາມັກຄີ​ປອງ​ດອງ​ຂອງ​ຄະນະ​ປະຈຳ​ພັກ​ແຂວງ​ຄຳ​ມ່ວນ ​ແລະ ບົດ​ແນະນຳ​ຂອງ​ຄະນະ​ປະຈຳ​ສູນ​ກາງ​ແນວ​ລາວ​ສ້າງ​ຊາດ ວ່າ​ດ້ວຍ​ການຈັດ​ຕັ້ງ​ປະຕິບັດ​ວຽກງານ​ສ້າງ​ຄອບຄົວ ​ແລະ ບ້ານ​ສາມັກຄີ​ປອງ​ດອງ. ທັງ​ນີ້​ກໍ່​ເພື່ອ​ເຮັດ​ໃຫ້​ຄະນະ​ກຳມະການ​ແນວ​ລາວ​ສ້າງ​ຊາດ​ແຕ່ລະ​ຂັ້ນຕະຫຼອດ​ເຖິງ​ພະນັກງານ​ລັດຖະກອນ ​ແລະ ພໍ່​ແມ່​ປະຊາຊົນ​ບັນດາ​ເຜົ່າ​ມີ​ຄວາມ​ຮັບ​ຮູ້, ​ເຂົ້າ​ໃຈ​ກຳ​ແໜ້ນ​ເນື້ອ​ໃນ, ມາດຖານ ​ແລະ ມີ​ຄວາມ​ເປັ​ນເອກະພາບ​ກ່ຽວກັບ​ວິທີ​ການຈັດ​ຕັ້ງ​ປະຕິບັດ​ໃຫ້​ມີ​ປະສິດທິ​ຜົນ​ສູງ.

 

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ປະຕິທິນ

November 2018
Mo Tu We Th Fr Sa Su
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307