06 August 2020

ຄະນະພັກຮາກຖານ ຫ້ອງວ່າການແຂວງຄຳມ່ວນ ດຳເນີນກອງປະຊຸມໃຫຍ່ ຄັ້ງທີ III

06 August 2020

ສະພາປະຊາຊົນແຂວງ ຄຳມ່ວນ ສຳເລັດກອງປະຊຸມສະໄໝສາມັນເທື່ອທີ 9 ຊຸດທີ I

06 August 2020

ກອງປະຊຸມດຳເນີນຊີວິດການເມືອງ ຂອງຄະນະພັກຮາກຖານ ຫ້ອງວ່າການແຂວງຄຳມ່ວນ

06 August 2020

ແຂວງ ຄໍາມ່ວນ ຕ້ອນຮັບຂະບວນແຫ່ຮູບຫລໍ່ພຣະເຈົ້າໄຊຍະເຊດຖາທິຣາດ.

ແຈ້ງການ

      ແຈ້ງການສະເຫຼີມສະຫຼອງວັນບຸນປີໃຫ່ມລາວປະຈໍາປີ.....

      ຄຳແນະນຳວ່າດ້ວຍການຄຸ້ມຄອງການຄ່ຽນຖ່າຍສິນຄ່າ.....

      ທິດຊີ້ນ້ຳກ່ຽວກັບການຈັດຕັ້ງປະຕິບັດລາຄາພັນທະໄມ້....

      ການຈັດຕັ້ງສະເຫຼີມສະຫຼອງວັນບຸນປີໃໝ່ລາວປະຈຳປີ....

      ແຈ້ງການຈິດໃຈການຈັດຕັ້ງສະເຫຼີມສະຫຼອງວັນບຸນ.......

      ແຈ້ງການ ການນໍາໃຊ້ໃບທະບຽນ ແລະ ໃບຂັບ............

      ແຈ້ງການການອະນຸມັດນ້ຳໜັກລວມສູງສຸດຂອງລົດຂົນ...

      ແຈ້ງການ ສະກັດກັ້ນ ແລະ ການຫຼຸດຜອ່ນອຸປະຕິເຫດ....

      ແຈ້ງການ ຫ້າມເຮືອໄວໂດຍສານທີ່ມີເຄື່ອງຈັກບໍ່..........

      ແຈ້ງການ ການນຳໃຊ້ລະບົບໄຟສະຫວ່າງ ແລະ ການ.... 

      ແຈ້ງການ ການນຳໃຊ້ລະບົບໄຟສະຫວ່າງ ແລະ ການ.. 

       ວັນທີ 17 ທັນວາ 2019 ພາຍຫຼັງທີ່ໄດ້ດໍາເນີນມາເປັນເວລາ 2 ວັນ (16-17 ທັນວາ 2019) ໂດຍພາຍໃຕ້ການເປັນປະທານຂອງສະຫາຍ ໂອໄດ ສຸດາພອນ ກຳມະການສູນກາງພັກ, ເລຂາພັກແຂວງ ເຈົ້າແຂວງຄຳມ່ວນ, ມີສະຫາຍ ສົມໃຈ ເພັດສີນວນ ຮອງເລຂາພັກແຂວງ ປະທານສະພາປະຊາຊົນແຂວງຄຳມ່ວນ, ມີບັນດາຄະນະບໍລິຫານງານພັກແຂວງ, ພະແນກ ການ, ອົງການຈັດຕັ້ງທຽບເທົ່າ, ບັນດາເລຂາພັກເມືອງໃນ 10 ຕົວເມືອງ, ລັດວິສາຫະກິດ ແລະ ຂະແໜງການອ້ອມຂ້າງແຂວງເຂົ້າຮ່ວມ. ຕະຫຼອດໄລຍະ 2 ວັນເຕັມໃນການດຳເນີນກອງປະຊຸມ ບັນດາຜູ້ເຂົ້າຮ່ວມໄດ້ຮັບຟັງການລາຍງານ, ການຊີ້ແຈງ, ປະກອບຄຳເຫັນ 

 

ແລະ ພິຈາລະນາຫຼາຍບັນຫາທີ່ສຳຄັນ ໂດຍແນໃສ່ຊຸກຍູ້, ຕິດຕາມ, ກວດກາ ແລະ ປະກອບສ່ວນໃຫ້ແກ່ການຄຸ້ມຄອງ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ການແກ້ໄຂປະກົດການຫຍໍ້ທໍ້ໃນສັງຄົມ (ບັນຫາຢາເສບຕິດ ແລະ ອຸບັດຕິເຫດຕາມທ້ອງຖະໜົນ), ການປັບປຸງບັນຍາກາດຂອງການລົງທຶນ ແລະ ການດຳເນີນທຸລະກິດພາຍໃນແຂວງ, ການເລັ່ງເກັບລາຍຮັບ ແລະ ຄຸ້ມຄອງລາຍຈ່າຍງົບປະມານ, ການຄຸ້ມຄອງລາຄາສິນຄ້າໃນທ້ອງຕະຫຼາດ ແລະ ການສົ່ງເສີມວິສາຫະກິດຂະໜາດນ້ອຍ ແລະ ກາງ, ສະພາບບັນຫາທີ່ດິນ ແລະ ສິ່ງແວດລ້ອມ, ການຍົກສູງຄຸນນະພາບຂອງວຽກງານສຶກສາ, ສາທາລະນະສຸກ, ການຄຸ້ມຄອງ ແລະ ພັດທະນາສີມືແຮງງານ ພ້ອມທັງຮັບຟັງການຜ່ານຮ່າງນິຕິກຳລຸ່ມກົດໝາຍຈຳນວນໜຶ່ງ ເພື່ອຈະນຳເຂົ້າສະເໜີຕໍ່ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງ ຊຸດທີ I ທີ່ຈະໄຂຂຶ້ນໃນມໍ່ໆນີ້.

ເຊິ່ງຕະຫຼອດໄລຍະເກືອບ 1 ປີຜ່ານມາ ອົງການປົກຄອງແຂວງຄຳມ່ວນ ໄດ້ເອົາໃຈໃສ່ຈັດຕັ້ງປະຕິບັດຫຼາຍວຽກງານທີ່ເປັນຈຸດສຸມ ເປັນຕົ້ນ: ຂົງເຂດວຽກງານປ້ອງກັນຊາດ-ປ້ອງກັນຄວາມສະຫງົບ ໂດຍໄດ້ຫັນເອົາກຳລັງລົງກໍ່ສ້າງຮາກຖານ ລົງປະຈຳຢູ່ກຸ່ມບ້ານຕ່າງໆໃນທົ່ວແຂວງ ເພື່ອບໍລິການປະຊາຊົນ ແລະ ແກ້ໄຂບັນດາປະກົດການຫຍໍ້ທໍ້ໃນສັງຄົມ, ວຽກງານການລົງທຶນຂອງລັດໄດ້ຄົ້ນຄວ້າ, ຈັດສັນ ແລະ ຈໍາກັດໂຄງການສະເໜີລົງທຶນໃໝ່ ເພື່ອບໍ່ໃຫ້ສ້າງໜີ້ສິນເພີ່ມໂດຍສຸມໃສ່ໂຄງການຊໍາລະໜີ້ ແລະ ໂຄງການສືບຕໍ່ເປັນຕົ້ນຕໍ, ສ່ວນວຽກງານການລົງທຶນຂອງເອກະຊົນ ກໍ່ໄດ້ຄົ້ນຄວ້າ ແລະ ອະນຸມັດໂຄງການລົງທຶນຕ່າງໆ ຕິດພັນກັບການຈັດຕັ້ງປະຕິບັດນະໂຍບາຍ 3 ເປີດ ແລະ 8 ມາດຕະການກະຕຸ້ນເສດຖະກິດ ແລະ ການຈັດຕັ້ງປະຕິບັດຄຳສັ່ງເລກທີ 02/ນຍ ວ່າດ້ວຍການປັບປຸງລະບຽບການ ແລະ ກົນໄກປະສານງານໃນການດຳເນີນທຸລະກິດຢູ່ ສປປ ລາວ, ດ້ານກະສິກຳ ໄດ້ສຸມໃສ່ແກ້ໄຂ ແລະ ຊຸກຍູ້ການຜະລິດ ເພື່ອຮັບປະກັນຄວາມໝັ້ນຄົງທາງດ້ານສະບຽງອາຫານ ແລະ ຜະລິດເປັນສິນຄ້າ ໂດຍສະເພາະການຜະລິດເຂົ້າຢ່າງຕໍ່ເນື່ອງ, ເພີ່ມທະວີເຂັ້ມງວດໃນການຄຸ້ມຄອງ ແລະ ກວດກາການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້, ການສົ່ງເສີມວິສາຫະກິດຂະໜາດນ້ອຍ ແລະ ກາງ ແມ່ນໄດ້ສຸມໃສ່ການຝຶກອົບຮົມສ້າງຄວາມເຂັ້ມແຂງໃຫ້ພະນັກງານ ພ້ອມທັງສືບຕໍ່ຊຸກຍູ້ການສ້າງຜະລິດຕະພັນ ໂອດ໊ອບ ຕິດພັນກັບວຽກງານວາງສະແດງຈຳໜ່າຍສິນຄ້າທັງພາຍໃນ ແລະ ຕ່າງປະເທດ, ຄຸ້ມຄອງ, ຕິດຕາມການຂຸດຄົ້ນ ແລະ ການເຄື່ອນຍ້າຍແຮ່ທາດຂອງບັນດາບໍລິສັດຕ່າງໆ ສາມາດບັນລຸໄດ້ທັງແຜນການຜະລິດ ແລະ ຈຳໜ່າຍ, ວຽກງານຂຶ້ນທະບຽນທີ່ດິນ ປະຕິບັດໄດ້ 8 ພັນກວ່າຕອນ ເທົ່າກັບ 107% ຂອງແຜນການປີ, ຕາໜ່າງເສັ້ນທາງໃນທົ່ວແຂວງໄດ້ຮັບການຂະຫຍາຍເພີ່ມຂຶ້ນຈຳນວນ 862 ກິໂລແມັດ. ໃນນັ້ນທາງເບຕົງ 8 ກິໂລແມັດ, ທາງປູຢາງ 149 ກິໂລແມັດ ແລະ ທາງດິນແດງ 703 ກິໂລແມັດ, ດ້ານສຶກສາ ແລະ ສາທານະນະສຸກ ໄດ້ມີການຂະຫຍາຍຕົວເພີ່ມຂຶ້ນ, ວັດທະນະທຳ, ຮີດຄອງປະເພນີອັນດີງາມຂອງປະຊາຊົນບັນດາເຜົ່າໄດ້ຮັບການອະນຸລັກ, ການສ້າງບ້ານ ແລະ ຄອບຄົວວັດທະນະທຳມີຈຳນວນເພີ່ມຂຶ້ນ, ການຈັດຕັ້ງຝຶກອົບຮົມ ແລະ ພັດທະນາສືມືແຮງງານ ປະຕິບັດໄດ້ 5 ພັນກວ່າຄົນ ເທົ່າກັບ 284% ຂອງແຜນການ ພ້ອມນັ້ນກໍ່ໄດ້ເອົາໃຈໃສ່ລະດົມການຊ່ວຍເຫຼືອຈາກສັງຄົມ ແລະ ລົງໄປຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມ. ນອກນີ້ ກອງປະຊຸມອົງການປົກຄອງແຂວງ ເປີດກວ້າງ ຍັງໄດ້ວາງຄາດໝາຍວຽກງານຈຸດສຸມສຳຄັນຫຼາຍດ້ານ ເພື່ອສືບຕໍ່ ບຸກບືນ, ສູ້ຊົນປະຕິບັດ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ ແລະ ແຜນພັດທະນາເສດຖະກິດ-ສັງຄົມ 5 ປີ ທີ່ຢູ່ໃນໄລຍະທ້າຍສະໄໝ ໃຫ້ບັນລຸຕາມຄາດ ໝາຍທີ່ວາງໄວ້.

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307